ཤིན་ཧྭ་གསར་འགྱུར་ཁང་གྲོང་ཁྱེར་ཏ་རེ་སི་ས་ལམ་ནས་གློག་འཕྲིན་འབྱོར་གསལ། ཚེས་11ཉིན“ཞི་བདེ་མཐུན་སྒྲིལ——2024”མཉམ་འབྲེལ་ནང་སྦྱོང་གི་སྐམ་སར་ཕྱོགས་པའི་བརྒྱུད་རིམ་ཧྲིལ་པོ་དང་གཙོ་རྒྱུ་ཀུན་འདུས་ཀྱི་དངོས་འཐབ་ཕྱོགས་བསྡུས་ནང་སྦྱོང་བྱས་པ་དང་། ཀྲུང་གོ་དང་ཐན་ཙན་ནི་ཡའི་དམག་དཔུང་གཉིས་ཀྱི་དཔོན་དམག་གིས་མཐུན་སྦྱོར་དམ་ཟབ་དང་མཉམ་དུ་དམག་འཐབ་བྱས་པས་ནང་སྦྱོང་ལ་སྔོན་དཔག་ལྟར་ཕན་འབྲས་ཐོན་ཡོད། ནང་སྦྱོང་མཇུག་འགྲིལ་རྗེས་མཉམ་འབྲེལ་ནང་སྦྱོང་གི་མཇུག་འགྲིལ་མཛད་སྒོ་འཚོགས་པ་རེད།

“ཞི་བདེ་མཐུན་སྒྲིལ——2024”ཞེས་པའི་མཉམ་འབྲེལ་ནང་སྦྱོང་དེ་སྐམ་ས་དང་མཚོ་ཐོག་ཕྱོགས་གཉིས་སུ་དབྱེ་ནས་སྤེལ་བ་དང་། དེའི་དམིགས་ཡུལ་ནི་མཉམ་འབྲེལ་འཇིགས་རྒོལ་བྱ་སྤྱོད་ཀྱི་ནུས་པ་ཆེ་རུ་གཏོང་བ་དང་དམག་དོན་ཐད་ཕན་ཚུན་ཡིད་ཆེས་དང་དངོས་སྒྲུབ་མཉམ་ལས་གཏིང་ཟབ་ཏུ་བཏང་ནས་མཉམ་དུ་ས་ཁུལ་གྱི་ཞི་བདེ་སྲུང་སྐྱོང་བྱ་ཆེད་ཡིན་པ་རེད།