ཉེ་ཆར། རྒྱལ་ཁབ་དངུལ་རྩ་ལྟ་འདོམས་སྤྱི་ཁྱབ་ཅུས་ཀྱིས་བརྡ་ཐོ་བཀྲམ་ནས་དྲ་སྦྲེལ་རྒྱུ་ནོར་གྱི་འགན་བཅོལ་ལས་སྒོའི་ལྟ་འདོམས་ལ་ཤུགས་སྣོན་རྒྱག་པ་དང་ལེགས་སུ་གཏོང་རྒྱུ་རེད། རྒྱུ་ནོར་འགན་བཅོལ་ཀུང་སིས་དྲ་སྦྲེལ་གྱི་དམིགས་བསལ་རྣམ་པར་བརྟེན་ནས་གྲངས་ཉུང་ཁ་ཐོར་དང་སྟབས་བདེ་ཀུན་ཕན་གྱི་རྒྱུ་ནོར་འགན་བཅོལ་ཐོན་རྫས་གསར་སྤེལ་ལ་རྒྱབ་སྐྱོར་བྱ་རྒྱུ་དང་། རྒྱུ་ནོར་འགན་བཅོལ་ཀུང་སིས་དྲ་ཕྱིའི་ལས་སྒོ་དྲ་སྦྲེལ་གྱི་རྣམ་པའི་ཐོག་ནས་གཉེར་སྐྱོང་ས་ཁོངས་རྒྱ་སྐྱེད་བཏང་ནས་ཁོངས་གཏོགས་ཀྱི་ལྟ་འདོམས་ལས་གཡོལ་བ་གཏན་འགོག་བྱ་རྒྱུ་རེད།

བརྡ་ཐོའི་ནང་ཁ་གསལ་བསྟན་དོན། དྲ་སྦྲེལ་འགན་བཅོལ་ཀུང་སི་ཕུད་པའི་རྒྱུ་ནོར་འགན་བཅོལ་ཀུང་སིས་དྲ་སྦྲེལ་རྒྱུ་ནོར་གྱི་འགན་བཅོལ་ལས་སྒོ་སྤེལ་སྐབས་ཚང་དགོས་པའི་ཆ་རྐྱེན་ནི། ཉེ་ཆར་དུས་ཚིགས་བཞི་བསྟུད་མར་ཕྱོགས་བསྡུས་སྐྱིན་ཚབ་སྤྲོད་ནུས་120%ལས་མི་དམའ་བ་དགོས་པ་དང་ལྟེ་བའི་སྐྱིན་ཚབ་སྤྲོད་ནུས་75%ལས་མི་དམའ་བ་དགོས་པ་དང་། ཉེ་ཆར་དུས་ཚིགས་བཞི་བསྟུད་མར་ཉེན་ཁའི་ཕྱོགས་བསྡུས་རིམ་པ་རིགས་Bདང་དེ་ཡན་ཡིན་དགོས་པ། དངུལ་རྩའི་ལྟ་འདོམས་སྤྱི་ཁྱབ་ཅུས་ཀྱིས་གཏན་ལ་ཕབ་པའི་ཆ་རྐྱེན་གཞན་དག་བཅས་ཡིན་པ་རེད།

བརྡ་ཐོའི་ནང་ཁ་གསལ་བསྟན་དོན། ཆ་རྐྱེན་ཚང་བའི་རྒྱུ་ནོར་འགན་བཅོལ་ཀུང་སིས་རྩ་དོན་ཐོག་དྲ་སྦྲེལ་རྒྱུ་ནོར་གྱི་འགན་བཅོལ་ལས་སྒོའི་གཉེར་སྐྱོང་ས་ཁོངས་ཡན་ལག་ཀུང་སི་བཙུགས་མེད་པའི་ཞིང་ཆེན་དང་། རང་སྐྱོང་ལྗོངས། ཐད་གཏོགས་གྲོང་ཁྱེར། འཆར་གཞི་ལོགས་བཀོད་གྲོང་ཁྱེར་བཅས་སུ་རྒྱ་སྐྱེད་གཏོང་ཆོག་པ་མ་ཟད། རྒྱ་སྐྱེད་བྱ་ཡུལ་གྱི་མངགས་གཏོང་སྒྲིག་གཞིར་དྲ་སྦྲེལ་རྒྱུ་ནོར་གྱི་འགན་བཅོལ་ལས་སྒོ་རྒྱ་སྐྱེད་བྱས་ཚུལ་དུས་ཐོག་ཏུ་སྙན་སེང་ཡང་ཞུ་དགོས་ཀྱི་ཡོད་པ་རེད།