མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཟླ་8ཚེས་1ཉིན་མཚོ་སྔོན་ཞིང་ཆེན་ཡུལ་ཤུལ་གནམ་ཐང་ཤར་གཏོང་ཐུབ་ནས་ལོ་15སོང་ཡོད། ལོ་བཅོ་ལྔ་ཡི་རིང་ཡུལ་ཤུལ་གནམ་ཐང་དེ་ཐོག་མའི་དུས་ཀྱི་མཁའ་ལམ་1དང་། མཁའ་འགྲུལ་ཀུང་སི་1 གཟའ་འཁོར་རེར་དུས་གཏན་གནམ་གྲུ་2བཅས་ནས་ད་ཆ་མཁའ་ལམ་4དང་། མཁའ་འགྲུལ་ཤར་གཏོང་ཐུབ་པའི་གྲོང་ཁྱེར་5 ཉིན་རེར་གནམ་གྲུ་འཕུར་འབབ་ཐེངས་17བཅས་བར་འཕེལ་རྒྱས་ཕྱིན་ཡོད། མཁའ་འགྲུལ་ཤར་གཏོང་ཐུབ་མ་ཐག་གི་ལོ་རེའི་འགྲུལ་པ་སྐྱེལ་འདྲེན་བྱེད་ཚད་མི་ཐེངས་ཁྲི་1ཀྱང་མ་ཟིན་པ་ནས་ད་ཆ་མི་ཐེངས་ཁྲི་40ཙམ་བར་འཕེལ་རྒྱས་ཕྱིན་ཡོད།