-
ཀྲུང་དབྱང་ཁེ་ལས་ཞུང་ཨན་ཁུལ་གསར་དུ་ཁ་འགྲེམ་མཐུན་སྦྱོར་བྱས་པ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2024-08-12
ཉེ་ཆར། ཀྲུང་གོ་ཏ་ཐང་ཚོགས་པ་ཚད་ཡོད་ཀུང་སིས“ཏ་ཐང་ཞུང་ཨན་སྤྱི་ཁྱབ་པུའི་རྣམ་གྲངས་ཀྱི་ཐ་སྙད་ཇུས་འགོད་ཇུས་གཞི་བསྡུ་རུབ”ཀྱི་འབྲེལ་ཡོད་ཆ་འཕྲིན་ཡོངས་བསྒྲགས་བྱས་ཡོད། དེ་ནི་ཁག་ཐེངས་དང་པོའི་ཀྲུང་དབྱང་ཁེ་ལས་བཞིའི་རྗེས་ཀྱི་ཞུང་ཨན་ཁུལ་གསར་དུ་སྤྱི་ཁྱབ་པུའུ་འཛུགས་སྐྲུན་ཡོངས་བསྒྲགས་བྱེད་མཁན་ཀྲུང་དབྱང་ཁེ་ལས་ལྔ་པ་རེད། ཁག་ཐེངས་དང་པོའི་ཁ་འགྲེམ་མཐུན་སྦྱོར་གྱི་ཀྲུང་དབྱང་ཁེ་ལས་བཞི་པོའི་ཞུང་ཨན་སྤྱི་ཁྱབ་པུའི་རྣམ་གྲངས་འཛུགས་སྐྲུན་ལ་རྒྱུན་མཐུད་སྐུལ་འདེད་གཏོང་བཞིན་ཡོད་པ་དང་། ཀྲུང་དབྱང་ཁེ་ལས་ཀྱིས་རིམ་རྩིས་བྱས་ན་ཁུལ་གསར་དུ་རིགས་ཁག་གི་སྒྲིག་གཞི་200ལྷག་ཙམ་བཙུགས་ཡོད། འདི་ནི་ཞུང་ཨན་ཁུལ་གསར་གྱི་འགོ་འཛུགས་ཁུལ་གྱི་ཀྲུང་གོའི་སྲུང་སྐར་དྲ་རྒྱ་ཚོགས་པ་ཚད་ཡོད་ཀུང་སིའི་སྤྱི་ཁྱབ་པུའི་ཐོག་བརྩེགས་ཁང་ཆེན་སྐྲུན་ཡུལ་ཡིན་པ།