ཟླ་7པར་གཞིས་རྩེ་མཐའ་མཚམས་དོ་དམ་ཉིང་ལག་རུ་ཁག་ས་དམར་མདའ་མཐའ་མཚམས་མངགས་གཏོང་ཁང་གི་སྔོ་ཚལ་འགྱིག་ཤོག་དྲོད་ཁང་ཆེན་པོར་ལོ་ལེགས་འབྲས་བཟང་སྨིན་པའི་དུས་སུ་སླེབས་ཡོད།

“འདི་ལོ་སྔོ་ཚལ་ཡག་པོ་སྐྱེས་འདུག་པས་ཡུལ་མི་ཚོར་ལམ་སེང་སྐྱེལ་བར་འགྲོ་ཡི་ཡིན”ཞེས་སྔོ་ཚལ་སོས་པ་དག་མཐོང་མ་ཐག་མི་དམངས་ཉེན་རྟོག་པ་ཚོ་དགའ་ཚོར་ཆེན་པོས་གཅིག་རྗེས་གཉིས་མཐུད་ངང་ཞིང་ནང་དུ་བསྐྱོད་དེ་སྔོ་ཚལ་འཐུ་བ་དང་། གཙང་སེལ། ཐུམ་རྒྱག་པ་བཅས་བྱས་ནས་སྔོ་ཚལ་དག་ཁོངས་གཏོགས་ཁུལ་གྱི་གྲོང་ཚོ་ལྔའི་མང་ཚོགས་དུད་ཚང་20ཡི་སར་བསྐྱལ་བ་རེད།

ས་དམར་མདའ་མཐའ་མཚམས་མངགས་གཏོང་ཁང་གི་སློབ་སྟོན་པ་ཀེང་ཞའོ་དབྱང་གིས་ངོ་སྤྲོད་བྱས་པར། ཁང་དམར་རྫོང་ས་དམར་མདའ་ཤང་གི་ཆ་སྙོམས་ས་བབ་མཐོ་ཚད་སྨི་4400ཙམ་ཟིན་གྱི་ཡོད། ཉེ་བའི་ལོ་ཤས་རིང་མངཌ་གཏོང་ཁང་གི་མི་དམངས་ཉེན་རྟོག་པས་རང་འགུལ་ངང་ལས་དོན་སྒྲུབ་སྟེ་ཚད་གཞི་མཐོ་ཞིང་སྤུས་ཚད་ལེགས་པའི་སྒོ་ནས་ཉེན་རྟོག་ལས་དོན་ལེགས་སྒྲུབ་བྱས་པའི་ཞོར་དུ་ཚལ་ཞིང་5བསྡུ་སྒྲིལ་དང་བགོ་བཤའ་བརྒྱབ་ནས་གྲོང་ཚོ་འགན་གཙང་ལེན་མཁན་མི་དམངས་ཉེན་རྟོག་པར་རྩིས་སྤྲད་པ་རེད། འགྱིག་ཤོག་དྲོད་ཁང་ནང་སྔོ་ཚལ་དང་ཤིང་ཏོག་སྣ་ཚོགས་བཏབ་པ་མ་ཟད། ལོ་ལྟར་ད་དུང་པོ་ཚལ་དང་། པད་ཚལ། ཧོང་ཀྭ སྲན་མ། ཀྲོ་མ་ཀྲུ་སོགས་སྔོ་ཚལ་མང་ཚོགས་དང་། ལྷག་པར་དུ། མི་ཧྲེང་རྒན་རྒོན་སོགས་དམིགས་བསལ་དཀའ་ངལ་ཡོད་པའི་ཚོགས་སྤྱིར་སྤྲད་ནས་ས་གནས་དེ་གའི་མང་ཚོགས་ཀྱི་སྔོ་ཚལ་གྱི་སྣ་ཁ་ཕུན་སུམ་ཚོགས་སུ་བཏང་ཡོད། གཞན་ཡང་། མི་དམངས་ཉེན་རྟོག་པས་ད་དུང་ཚལ་སྐྱེལ་བའི་སྐབས་དང་བསྟུན་ནས་དཀའ་ངལ་ཡོད་པའི་རྒན་རྒོན་ལ་གཙང་སྦྲ་བྱེད་རོགས་དང་འཚོ་བའི་མཁོ་ཆས་ཉོ་རོགས་བྱེད་ཀྱི་ཡོད་པ་རེད།