ཉིན་ཤས་གོང་། 2024ལོའི་ཐེན་ཅིན་རྒྱལ་སྤྱིའི་མཁའ་ཐོག་སྐྱེལ་འདྲེན་ཐོན་ལས་དངོས་མང་སྟོན་ཚོགས་ཐེན་ཅིན་དུ་གཉེར་ཞིང་། འདི་ནི་ཚོགས་ཞུགས་པས་དངོས་མང་སྟོན་ཚོགས་རྒྱ་མཚོའི་རྡོ་སྣུམ་ལས་གྲྭའི་འགྲེམས་ཁུལ་དུ་ལྟ་སྐོར་བྱེད་བཞིན་པ། ཤིན་ཧྭ་གསར་འགྱུར་ཁང་གི་གསར་འགོད་པ་ཀྲའོ་ཙེ་ཧྲོའུ་ཡིས་པར་བླངས།

ཟླ་7ཚེས་10ཉིན། 2024ལོའི་ཐེན་ཅིན་རྒྱལ་སྤྱིའི་མཁའ་ཐོག་སྐྱེལ་འདྲེན་ཐོན་ལས་དངོས་མང་སྟོན་ཚོགས(གཤམ་དུ“མཁའ་འདྲེན་འགྲེམས་སྟོན”ཞེས་བསྡུ་རྒྱུ) ཀྲུང་གོའི་ཐེན་ཅིན་གྲོང་ཁྱེར་དུ་གཉེར་འགོ་ཚུགས་ཡོད། དངོས་མང་སྟོན་ཚོགས་ཐོག་ལྗང་མདོག་ཁོར་ཡུག་སྲུང་སྐྱོང་དང་རིག་ནུས་ལག་རྩལ་སོགས་ཁྱབ་ཁོངས་ལ་དམིགས་ནས། གྲུ་ཁ་དང་མཁའ་ཐོག་སྐྱེལ་འདྲེན། དེ་བཞིན་སྟོད་རྒྱུད་སྨད་རྒྱུད་ཀྱི་བར་འབྲེལ་ཐོན་ལས་འཛམ་གླིང་གི་ཁེ་ལས་རབ་གྲས་500དང་ཁྲོམ་འགྲེམ་ཀུང་སི་འགྲེམས་ཞུགས་བྱ་རྒྱུར་གདན་ཞུ་བྱས་ཡོད།

མཚོ་ཐོག་སྐྱེལ་འདྲེན་ནི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་འདེགས་སྐྱོར་བྱེད་པའི་རྨང་གཞི་གལ་ཆེན་ཞིག་རེད་ལ། རྒྱལ་སྤྱིའི་ཚོང་དོན་གྱི་སྦྲེལ་ཟམ་གལ་ཆེན་ཞིག་ཀྱང་རེད། ཐེན་ཅིན་ནི་ཀྲུང་གོའི་བྱང་ཕྱོགས་ཀྱི་མཚོ་རྒྱུད་སྒོ་དབྱེའི་གྲོང་ཁྱེར་ཆེ་ཤོས་ཤིག་ཡིན་ཞིང་། “རྒྱུད་གཅིག་ལམ་གཅིག”མཉམ་སྐྲུན་གྱི་སྐམ་མཚོའི་སྦྲེལ་མཚམས་དང་། ཀྲུང་མོང་ཨུ་བཅས་ཀྱི་དཔལ་འབྱོར་བར་ཁྱམས་ཀྱི་ཤར་རྒྱུད་ཀྱི་འགོ་འཛུགས་སར་གནས་ཡོད། དེ་ནི་ཡོ་རོབ་དང་ཨེ་ཤེ་ཡའི་སྐམ་ས་ཆེ་མོའི་ཟམ་ཆེན་གསར་པའི་དཔལ་འབྱོར་བར་ཁྱམས་ཀྱི་མཚམས་ཚིགས་གལ་ཆེན་ཞིག་ཡིན། མཚོ་ཐོག་སྐྱེལ་འདྲེན་གྱི་ལྟེ་བའི་ངོས་ནས་བརྗོད་ན་ས་ཁམས་ཀྱི་ཆ་རྐྱེན་ལེགས་ཆ་ཆེན་པོ་ལྡན་ཡོད། ཐེན་ཅིན་གྲོང་ཁྱེར་དུ་མཚོ་ཐོག་སྐྱེལ་འདྲེན་ཁེ་ལས་མང་པོ་འདུས་ཡོད། འཛམ་གླིང་གི་མདུན་གྲལ་གྱི་ཨང་རིམ་20ཡི་མཚོ་ཐོག་སྐྱེལ་འདྲེན་ཀུང་སིའི་ཁྲོད་ཐེན་ཅིན་དུ་ཀུང་སི་17གྱི་ཡན་ལག་སྒྲིག་གཞི་ཡོད་ཅིང་། 2023ལོར་ཐེན་ཅིན་གྱིས་གསར་དུ་ཐོ་འགོད་བྱས་པའི་མཁའ་ཐོག་སྐྱེལ་འདྲེན་ཞབས་ཞུའི་རིགས་ཀྱི་ཁེ་ལས་1000ལྷག་ཙམ་ཟིན་ནས་དུས་མཚུངས་ལས་13.5%འཕར་ཡོད།

—— རི་པིན་གསར་འགྱུར་གཅེས་བསྡུས་དྲ་བ་ནས་སྤེལ་བའི་གནས་ཚུལ་གཞིར་བཟུང་།