ཉེ་ཆར་རང་ལྗོངས་ཀྱི་ས་གནས་ཁག་དང་སྡེ་ཚན་ཁག་གིས་ལས་དོན་སྤེལ་སྟངས་རྒྱུན་ཆད་མེད་པར་གསར་གཏོད་བྱས་ཏེ་ཏང་གི་སྒྲིག་ཁྲིམས་སློབ་སྦྱོང་སློབ་གསོ་རྒྱུན་གཏན་ལས་དོན་ཁྲོད་མཉམ་འདྲེས་ཀྱིས་རྒྱུན་དུ་དམ་འཛིན་བྱེད་པ་དང་། བྱེད་ཐབས་སྣ་མང་མཉམ་སྤྱོད་ཀྱིས་ཏང་གི་སྒྲིག་ཁྲིམས་སློབ་སྦྱོང་སློབ་གསོ་གཏིང་ཟབ་དང་ཏན་ཏིག་ཕྱོགས་སུ་སྐུལ་འདེད་བཏང་སྟེ། ཏང་ཡོན་ལས་བྱེད་པས་རིམ་བཞིན་ཤུགས་རྐྱེན་ཐེབས་ནས་འགྱུར་ལྡོག་འགྲོ་བ་དང་མཐོང་ཐོས་མྱོངགསུམ་བརྒྱུད་ནས་རྣམ་རྒྱུན་གྱི་གཏན་གཏམ་སྤྱོད་ཀྱི་ཚད་གཞི་སྔར་བས་ཁ་གསལ་བཟོས་ཏེ་སྒྲིག་ཁྲིམས་ཀྱི་བླང་བྱ་ནང་སེམས་རྒྱུད་ལ་འཇགས་པ་དང་ཕྱི་ལག་ལེན་དུ་འཁྱོལ་བར་བྱས་ཡོད།

ཏང་གི་སྒྲིག་ཁྲིམས་སློབ་སྦྱོང་སློབ་གསོ་སྤེལ་རིང་། རང་སྐྱོང་ལྗོངས་ཏང་ཨུད་ལས་བྱེད་པ་རྒན་གྲས་ཅུས་ཀྱིས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་ཆེད་དོན་ཏང་གི་སློབ་ཚན་འཚོགས་པ་དང་། ལྗོངས་ཏང་ཨུད་རྩ་འཛུགས་པུའི་རིམ་པ་གཉིས་པའི་སྐོར་ཞིབ་པ་ཕུན་ཚོགས་བསྟན་འཛིན་ཆེད་དོན་ཟུར་ཁྲིད་ལ་གདན་དྲངས་ཡོད། ལྗོངས་ཡོངས་ཀྱི་ས་ཁུལ་དང་གྲོང་ཁྱེར་བདུན་དང་། ལྗོངས་ཐད་གཏོགས་ཚན་པའི་ལས་བྲལ་ལས་འཁྱུར་གྱི་ཏང་རྩ་འཛུགས་ཀྱི་ཧྲུའུ་ཅིའི་འཐུས་མི་དང་ལྗོངས་ཏང་ཨུད་ལས་བྱེད་པ་རྒན་གྲས་ཅུས་ཀྱི་ལས་བྱེད་ལས་བཟོ་150ལྷག་ཙམ་ཞུགས་ཡོད་པ་རེད། ཆེད་དོན་ཏང་གི་སློབ་ཚན་ཐོག་ཕུན་ཚོགས་བསྟན་འཛིན་གྱིས“བརྩེ་སེམས་ཀྱིས་ཕྱུག་པ་དང་འགན་འཁྲི་འཆང་བཞིན་དུས་རབས་གསར་པའི་ལས་བྱེད་པ་རྒན་གྲས་ཀྱི་ཏང་འཛུགས་སྐྱོང་ལས་དོན་ཡག་པོ་སྒྲུབ་པ”ཞེས་པའི་བརྗོད་དོན་གཙོ་བོར་དམིགས་ནས“ལས་བྱེད་པ་རྒན་གྲས་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན”དང་། “རང་ལྗོངས་ཀྱི་ལས་བྱེད་པ་རྒན་གྲས་ཀྱི་ལས་v ཀའི་ད་ལྟའི་གནས་ཚུལ་དང་དབྱེ་ཞིབ”“ལས་བྱེད་པ་རྒན་གྲས་ཅུས་ཀྱི་གཙོ་འགན་གཙོ་ལས་ལ་དམ་པོར་དམིགས་ནས་དུས་རབས་གསར་པའི་ལས་བྱེད་པ་རྒན་གྲས་ཀྱི་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ”སོགས་ཀྱི་ཐད་ནས་གོ་བདེ་ཤེས་སླ་དང་ཞིབ་ཚགས་པའི་འགྲེལ་བཤད་བརྒྱབ་པ་རེད།

ཉེ་ཆར་ལྷ་ས་གྲོང་ཁྱེར་གྱིས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི“ཀྲི་པུའི་ཧྲུའུ་ཅིའི་འཆད་སྟེགས། ཏང་གི་སློབ་ཚན་རྩེ་གྲའི”སྤེལ་རེས་མཉམ་སྤྱོད་ཚོགས་འདུ་འཚོགས་ཤིང་། ཚོགས་འདུའི་ཐོག་གྲོང་ཁྱེར་ཐད་གཏོགས་ཚན་པའི་ཏང་རྩ་འཛུགས་ཀྱི་ཧྲུའུ་ཅིའི་འཐུས་མིས“ཆབ་སྲིད་ཀྱི་སྒྲིག་ཁྲིམས”ལ་དམིགས་པ་དང་། སྲིད་ཁྲིམས་ཁོངས་གཏོགས་ཀྱི་ཏང་རྩ་འཛུགས་ཀྱི་ཧྲུའུ་ཅིའི་འཐུས་མིས“རྩ་འཛུགས་ཀྱི་སྒྲིག་ཁྲིམས”ལ་དམིགས་པ། གཞུང་ཁོངས་རྒྱུ་ནོར་ཁོངས་གཏོགས་ཀྱི་ཏང་རྩ་འཛུགས་ཀྱི་ཧྲུའུ་ཅིའི་འཐུས་མིས“སྤྱོད་གཙང་གི་སྒྲིག་ཁྲིམས”ལ་དམིགས་པ། གྲོང་ཚོའི(སྡེ་ཁུལ)ཏང་རྩ་འཛུགས་ཀྱི་ཧྲུའུ་ཅིའི་འཐུས་མིས“མང་ཚོགས་ཀྱི་སྒྲིག་ཁྲིམས”ལ་དམིགས་པ། སློབ་གསོའི་ཁོངས་གཏོགས་ཀྱི་ཏང་རྩ་འཛུགས་ཀྱི་ཧྲུའུ་ཅིའི་འཐུས་མིས“ལས་ཀའི་སྒྲིག་ཁྲིམས”ལ་དམིགས་པ། ལས་བྲལ་ལས་འཁྱུར་ཁྱབ་ཁོངས་ཀྱི་ཏང་རྩ་འཛུགས་ཀྱི་ཧྲུའུ་ཅིའི་འཐུས་མིས“འཚོ་བའི་སྒྲིག་ཁྲིམས”ལ་དམིགས་ནས་སྤེལ་རེས་དང་མཉམ་སྤྱོད་བྱས་པ་རེད།

ཏང་གི་སྒྲིག་ཁྲིམས་སློབ་སྦྱོང་སློབ་གསོ་སྤེལ་བ་ནས་བཟུང་། ལྷོ་ཁ་གྲོང་ཁྱེར་སྣ་དཀར་རྩེ་རྫོང་གིས་ཏང་གི་སྒྲིག་ཁྲིམས་སློབ་སྦྱོང་སློབ་གསོ་སྤེལ་བ་དང་ལས་ཁུངས་དེ་གའི་གཙོ་གནད་ལས་འགན་ལེགས་སྒྲུབ་གཉིས་ཟུང་འབྲེལ་དམ་ཟབ་བྱས་ཏེ། ཏང་གི་སྒྲིག་ཁྲིམས་སློབ་སྦྱོང་སློབ་གསོ་དེ་ལས་དོན་ལ་སྐུལ་འདེད་གཏོང་བའི་བྱེད་ཐབས་ནུས་ལྡན་ཞིག་ཏུ་འགྱུར་བར་བྱས་ནས། སྦྱངས་པ་གོ་ཆོད་དང་ཤེས་སྦྱོར་གཅིག་མཐུན་ཡོང་བ་བྱས་ནས“ངོ་གཉིས་མར”འགྱུར་རྒྱུར་སྔོན་འགོག་ནུས་ལྡན་བྱས་པ་དང་སྦྲགས། ཏང་ཡོན་ལས་བྱེད་པར་རང་རྟོགས་ངང་ཏང་གི་སྒྲིག་ལམ་དང་ཏང་གི་སྒྲིག་ཁྲིམས་རྒྱུན་གཏན་གྱི་གོམས་གཤིས་སུ་འགྱུར་རྒྱུའི་ཁྲིད་སྟོན་བྱས་ཏེ་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་གྲུབ་འབྲས་དེ་འཕེལ་རྒྱས་ལ་སྐུལ་འདེད་གཏོང་བ་དང་མང་ཚོགས་ལ་ཞབས་འདེགས་ཞུ་བའི་ཕན་འབྲས་དངོས་སུ་འགྱུར་བར་བྱས་ཡོད། སྣ་དཀར་རྩེ་རྫོང་གྲོང་གསེབ་དར་རྒྱས་ཅུས་ཀྱིས་ཏང་གི་སྒྲིག་ཁྲིམས་སློབ་སྦྱོང་སློབ་གསོ་དང་མིའི་འཚོ་སྡོད་ཁོར་ཡུག་བཅོས་སྒྲིག་ལས་དོན་མཉམ་དུ་བཀོད་སྒྲིག་དང་མཉམ་དུ་སྤེལ་ཞིང་། མིག་སྔའི་བར་གྲོང་ཚོའི་གཙང་སྦྲའི་བྱ་སྤྱོད་ཐེངས་346སྤེལ་བར་མང་ཚོགས་མི་ཐེངས་8640ཞུགས་རྒྱུའི་སྐུལ་སློང་བྱས་པ་དང་། གྲོང་གསེབ་ཀྱི་འཚོ་བའི་གད་སྙིགས་ཏུན་29.5དང་། གྲོང་ཚོའི་ཆུ་རྫིང་55 གྲོང་ཚོའི་ཡུར་བུ་སྤྱི་ལེ་116 ཆག་རོ་ཁག་4 བེད་མེད་འཕྲུལ་ཆས་རྙིང་པ་9བཅས་གཙང་སེལ་བྱས་ནས་མང་ཚོགས་ཀྱི་འཚོ་བའི་སྤུས་ཚད་མཐོ་རུ་ནུས་ལྡན་བཏང་ཡོད།

ཏང་གི་སྒྲིག་ཁྲིམས་སློབ་སྦྱོང་སློབ་གསོའི་ཁྲོད་ཀྱི་ཉེན་གཏོང་སློབ་གསོའི་ནུས་པ་གལ་ཆེན་འདོན་སྤེལ་གང་ལེགས་བྱས་ཏེ་ཏང་ཡོན་ལས་བྱེད་པ་རྨོངས་གཉིད་ལས་སད་པ་དང་། མཐའ་ཚད་རྟོགས་པ། གུས་སྐྲག་ཤེས་པ་བཅས་བྱ་ཆེད། ཆབ་མདོ་གྲོང་ཁྱེར་གོ་འཇོ་རྫོང་གིས་ཉེན་གཏོང་སློབ་གསོའི་ཐོན་ཁུངས་སྔོག་འདོན་ཧུར་ཐག་བྱས་ཏེ་མཐུན་སྦྱོར་མཉམ་འགུལ་ལ་ཤུགས་སྣོན་རྒྱག་པ་དང་མཉམ་ཤུགས་བསྒྲིལ་བར་སྐུལ་འདེད་གཏོང་བའི་ཐད་འབད་བརྩོན་བྱས་ནས་ཉེན་གཏོང་སློབ་གསོའི་ཚོགས་འདུ་དང་ཆེད་དོན་གསལ་འགྲེལ་ཚོགས་འདུ་འཚོགས་པ་དང་། གསོ་སྦྱོང་འཛིན་གྲྭ་གཉེར་བ། ཀྲི་པུའི་ཧྲུའུ་ཅིའི་འཆད་སྟེགས་གཉེར་བ། སྒྲིག་ཁྲིམས་ལ་སྣང་ཆེན་བྱེད་པའི་ཆེད་དོན་ཏང་གི་སློབ་ཚན་འཚོགས་པ་སོགས་བྱས་ཤིང་། “སྒྲིག་ཁྲིམས་ཁག་དྲུག”གི་དཔེ་མཚོན་གྱོད་དཔེར་འགྲེལ་བཤད་བརྒྱབ་ནས་ཏང་ཡོན་ལས་བྱེད་པས་སྒྲིག་ཁྲིམས་ནང་སེམས་རྒྱུད་ལ་འཇགས་པ་དང་ཕྱི་ལག་ལེན་དུ་འཁྱོལ་བར་སློབ་གསོ་ཁྲིད་སྟོན་བྱས་ཡོད། ཤེས་རྟོགས་བྱུང་བར་གཞིགས་ན། ཏང་གི་སྒྲིག་ཁྲིམས་སློབ་སྦྱོང་སློབ་གསོ་སྤེལ་ཚུན་གོ་འཇོ་རྫོང་གིས་འབྲེལ་ཡོད་བྱེད་སྒོ་ཐེངས་370སྤེལ་བར་ཏང་ཡོན་ལས་བྱེད་པ་མི་ཐེངས་3423ལ་སློབ་གསོ་ཐེབས་ཡོད། དེ་དང་ཆབས་ཅིག་གོ་འཇོ་རྫོང་གིས་ཉེ་འགྲམ་གྱི་མི་དང་ཉེ་འགྲམ་གྱི་བྱ་བའི་ཉེན་གཏོང་སློབ་གསོའི་ནུས་པ་འདོན་སྤེལ་གང་ལེགས་བྱས་ཏེ་གྱོད་དཔེ་དྲངས་ནས་ཁྲིམས་འགྲེལ་དང་གྱོད་དཔེར་བརྟེན་ནས་སློབ་སྦྱོང་ལ་སྐུལ་འདེད་བཏང་ཡོད་པ་རེད།