འཛམ་གླིང་རྒྱལ་ཁབ་ཁག་ལ་མཉམ་ལས་ཀྱི་གོ་སྐབས་མཁོ་འདོན་བྱས་ཡོད།
ཀྲུང་གོས་ཞི་བདེ་དང་། འཕེལ་རྒྱས། མཉམ་ལས། གཉིས་ཕན་བཅས་ཀྱི་དར་ཆ་མཐོན་པོར་བསྒྲེངས་ནས་བློ་བརྟན་འགྱུར་མེད་ངང་འཛམ་གླིང་ཞི་བདེ་དང་འཕེལ་རྒྱས་སྲུང་སྐྱོང་ཁྲོད་རང་ངོས་ཀྱི་འཕེལ་རྒྱས་དོན་གཉེར་བྱས་པ་མ་ཟད། རང་ངོས་ཀྱི་འཕེལ་རྒྱས་ལ་བརྟེན་ནས་འཛམ་གླིང་ཞི་བདེ་དང་འཕེལ་རྒྱས་ལ་དེ་བས་ལེགས་པར་སྲུང་སྐྱོང་བྱས་ཡོད།
ཞི་བདེ་ནི་འཕེལ་རྒྱས་མངོན་འགྱུར་དང་མིའི་རིགས་ཀྱི་སྤྱི་ཚོགས་ཡར་ཐོན་ལ་སྐུལ་འདེད་གཏོང་བའི་དགོས་ངེས་ཀྱི་ཆ་རྐྱེན་ཡིན། ཀྲུང་གོའི་ལུགས་ཀྱི་དེང་རབས་ཅན་ནི་ཞི་བདེའི་འཕེལ་རྒྱས་ཀྱི་ལམ་བུར་སྐྱོད་པའི་དེང་རབས་ཅན་ཞིག་ཡིན། ཀྲུང་གོའི་འཕེལ་རྒྱས་ཀྱིས་ཞི་བདེ་སྲུང་སྐྱོང་གི་སྟོབས་ཤུགས་ཆེ་རུ་བཏང་བ་མ་ཟད། འཛམ་གླིང་རྒྱལ་ཁབ་ཁག་ལ་མཉམ་ལས་ཀྱི་གོ་སྐབས་ཀྱང་མཁོ་འདོན་བྱས་ཡོད།
རྒྱལ་སྤྱིའི་སྤྱི་ཚོགས་ཀྱིས་ཐུན་མོང་ཐོག་འབད་བརྩོན་བྱས་ཚེ། གཞི་ནས་ཞི་བདེ་སྲུང་སྐྱོང་ནུས་ལྡན་བྱེད་ཐུབ། དེང་སྐབས་འཛམ་གླིང་ཞི་བདེ་དེ་ཙམ་མེད། ནུབ་ཕྱོགས་རྒྱལ་ཁབ་ལ་ལས་རང་ཉིད་གཞན་ལས་ལྷག་པར་བརྩིས་ཏེ། རྒྱལ་ཁབ་གཞན་ལ་ཐེ་གཏོགས་དང་ཐེ་ཇུས་བྱེད་པ་དེ་རྒྱལ་ཁབ་ཁག་གི་མི་དམངས་ཀྱིས་ཐུན་མོང་ཐོག་ཞི་བདེ་འཕེལ་རྒྱས་དོན་གཉེར་བྱེད་པ་དང་རྒྱབ་འགལ་དུ་སོང་ཡོད། མིའི་རིགས་ཡོངས་ཀྱི་ལས་དབང་གཅིག་མཐུན་ཡོང་བར་ཕན་ཚུན་བརྩི་འཇོག་དང་གཉིས་ཕན་གཉིས་ཁེའི་རྨང་གཞིའི་ཐོག་རྒྱལ་ཁབ་དབར་མཉམ་ལས་བྱ་རྒྱུ་ནི་ཧ་ཅང་གལ་འགངས་ཆེ་བ་ཞིག་ཡིན་པ་ཤེས་པར་བྱེད་དགོས། གལ་ཏེ་རྒྱལ་ཁབ་ཁག་ཚང་མས་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་འདུ་ཤེས་རྒྱུན་འཁྱོངས་བྱས་ནས་མཉམ་ལས་ཀྱི་ཇུས་གཞི་དང་བྱ་སྤྱོད་ཀྱི་བློ་སྟོབས་ལ་བརྟེན་ཚེ། གོ་ལ་ཧྲིལ་པོའི་རང་བཞིན་གྱི་གནད་དོན་མང་པོ་ཞིག་ཐག་གཅོད་ཐུབ་རེ་ཡོད། དེ་དང་ཆབས་ཅིག་རྒྱལ་ཁབ་ཁག་གི་མི་དམངས་ཀྱི་ལ་རྒྱ་དང་རྒྱལ་ཁབ་མི་འདྲ་བའི་རིག་གནས་ཚང་མར་བརྩི་འཇོག་ཐོབ་པར་བྱེད་དགོས། འཛམ་གླིང་དེ་བས་སྣ་མང་ཕུན་སུམ་ཚོགས་པར་འགྱུར་བར་བྱེད་པའི་རིག་གནས་སྣ་མང་རང་བཞིན་ནི་མིའི་རིགས་ཀྱི་རྩ་ཆེའི་རྒྱུ་ནོར་དང་མིའི་རིགས་ཀྱི་གསར་གཏོད་བྱེད་སྒོའི་འབྱུང་རྩ་གལ་ཆེན་ཞིག་རེད།
ཀྲུང་གོའི་ལུགས་ཀྱི་དེང་རབས་ཅན་ལ་རྒྱུན་ཆད་མེད་པར་སྐུལ་འདེད་གཏོང་བ་དང་མིའི་རིགས་ཀྱི་འཕེལ་རྒྱས་ཡར་ཐོན་གྱི་རླབས་རྒྱུན་དང་བསྟུན་ནས་མིའི་རིགས་ཀྱིས་དེང་རབས་ཅན་གྱི་འགྲོ་ལམ་འཚོལ་ཞིབ་བྱ་ཆེད་ལེགས་སྐྱེས་གལ་ཆེན་ཕུལ་ཡོད། ཀྲུང་གོས་ཐོག་མཐའ་བར་གསུམ་དུ་རྒྱལ་ཁབ་ཁག་གིས་རང་ངོས་ཀྱི་རྒྱལ་བབ་དང་འཚམ་པའི་འཕེལ་རྒྱས་ཀྱི་ལམ་བུ་འཚོལ་ཞིབ་བྱེད་པར་རྒྱབ་སྐྱོར་བྱས་ཡོད་ལ། ཀྲུང་གོའི་ལུགས་ཀྱི་དེང་རབས་ཅན་གྱི་ཉམས་མྱོང་དང་གོ་སྐབས་ཀྱང་མཉམ་སྤྱོད་བྱས་ཡོད། འཕེལ་རྒྱས་འགྲོ་བཞིན་པའི་རྒྱ་ཆེའི་རྒྱལ་ཁབ་ཀྱིས་ཀྲུང་གོའི་ལུགས་ཀྱི་དེང་རབས་ཅན་གྱི་གྲུབ་འབྲས་ཐོབ་པའི་ཉམས་མྱོང་དཔྱད་གཞིར་བཟུང་ནས་རང་ངོས་འཕེལ་རྒྱས་མགྱོགས་སུ་གཏོང་རྒྱུའི་རེ་བ་ཡོད། ཀྲུང་གོས་འཛམ་གླིང་ཞི་བདེ་འཕེལ་རྒྱས་ལ་སྐུལ་འདེད་གཏོང་བའི་ཐད་ནུས་པ་དེ་བས་ཆེ་བ་བཏོན་ཏེ་མུ་མཐུད་རྒྱལ་ཁབ་ཁག་དང་མཉམ་དུ་མིའི་རིགས་ཀྱི་ཐུན་མོང་འགྲན་སློང་ལ་ཁ་གཏད་གཅོག་པ་དང་ཐུན་མོང་ཡར་ཐོན་མངོན་འགྱུར་བྱ་ཆེད་འབད་བརྩོན་བྱེད་པའི་རེ་བ་ཡོད།
(རྩོམ་པ་པོ་སི་རི་ཡའི་ཙུང་ཐུང་གི་དམིགས་བསལ་བློ་འདྲི་བ)