ཉེ་ཆར། ནག་ཆུ་གྲོང་ཁྱེར་གསེར་རྙེད་ཆུས་ཀྱི་འོད་ཤུགས་ཆན་ཧྥུའུ་110ཡི་གློག་གཏོང་ལས་གྲྭ་དངོས་སུ་སྐྲུན་འགོ་ཚུགས་པ་རེད། ལས་གྲྭ་བསྐྲུན་ནས་སྤྱོད་འགོ་ཚུགས་རྗེས་ནག་ཆུ་གྲོང་ཁྱེར་གྱི་གློག་སྤྱོད་དགོས་མཁོ་གང་ལེགས་སྐོང་ཐུབ་རྒྱུ་དང་། གློག་གཏོང་ནུས་པ་ཆེ་རུ་དང་གློག་བརྟན་དུ་ཕྱིན་ཏེ། འོད་ཤུགས་གློག་གཏོང་སོགས་ནུས་རྒྱུ་གསར་པའི་གློག་གཏོང་བྱ་གཞག་་སྐྱོན་བྲལ་དང་གོ་རིམ་ལྡན་པའི་ངང་འཕེལ་རྒྱས་འགྲོ་བར་སྐུལ་མ་སྔར་ལས་ལྷག་པ་ཐེབས་ནས། སྐྱེ་ཁམས་ཕན་འབྲས་དང་དཔལ་འབྱོར་ཕན་འབྲས་གཉིས་ཀ་ཐོན་རྒྱུ་རེད།

ཤེས་རྟོགས་བྱུང་བར་གཞིགས་ན། ལས་གྲྭ་དེར་མ་རྩ་སྒོར་ཁྲི་2241བཏང་བ་དང་། ཆན་ཧྥུའུ་110ཡི་གློག་སྐུད་གསར་པ་5ཁྲིད་ཡོད་པ། ཁྱོན་བསྡོམས་ལྕགས་སྒྲོམ་སྦྲེལ་ཚུགས་གསར་པ་ཁག་27བསྐྲུན་ཡོད། མིག་སྔར་ནག་ཆུའི་གློག་དྲའི་གློག་སྐུད་3མ་གཏོགས་གློག་དྲ་གཙོ་བོ་དང་འབྲེལ་མཐུད་ཐུབ་མེད་པ་དང་གློག་དྲ་འབྲེལ་མཐུད་ཀྱི་གློག་སྐུད་རིང་བས། གློག་གཏོང་ཚད་ལ་ཚད་བཀག་ཡོད་པ་རེད། རྣམ་གྲངས་དེས་ནུས་རྒྱུ་གསར་པ་སྤྱད་ནས་གློག་གཏོང་བ་དང་ཆབས་ཅིག ས་ཆ་སྟོང་པ་སྤྱད་དེ“རི་སྔོན་ཆུ་དྭངས”ཀྱི་སྐྱེ་ཁམས་ཀྱི་ཐོན་ཁུངས་དེ་གྲོང་གསེབ་དར་རྒྱས་ལ་རམ་འདེགས་བྱེད་པའི“གསེར་རི་དངུལ་རིར”ཏན་ཏིག་བསྒྱུར་ཡོད།