ཐེན་ཕེ་ཡན་དང་བཅས་པས་རང་ལྗོངས་ཀྱི་གཞི་རིམ་ལས་བྱེད་པ་དང་མང་ཚོགས་ཀྱི་འཐུས་མི་དང་སྤེལ་རེས་གནང་བ།
ཚེས་30ཉིན་གྱི་སྔ་དྲོར། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཀྲུང་དབྱང་སྒྲོག་འགྲེལ་ཚོགས་པའི་ཁོངས་མི་དང་ཀྲུང་དབྱང་སྲིད་ཇུས་ཞིབ་འཇུག་ཁང་གི་ཀྲུའུ་རེན་གཞོན་པ་ཐེན་ཕེ་ཡན་དང་བཅས་པ་ལྷ་ས་གྲོང་ཁྱེར་ཁྲེང་ཀོན་ཆུས་ཤ་གསར་ཟུར་སྡེ་ཁུལ་དུ་བསྐྱོད་དེ་གཞི་རིམ་གྱི་ལས་བྱེད་པ་དང་མང་ཚོགས་དང་མཉམ་དུ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཐད་སྤེལ་རེས་གནང་ཞིང་། ལས་བྱེད་པ་དང་མང་ཚོགས་ཀྱིས་སྒྲོག་འགྲེལ་ཚོགས་པའི་ཁོངས་མིར་རང་ཉིད་ཀྱིས་དོ་ཁུར་བྱེད་པ་དང་གླེང་མང་བའི་གནད་དོན་སྐོར་ལ་དྲི་བ་མང་པོ་བཏོན་པར་ཀྲུང་དབྱང་སྒྲོག་འགྲེལ་ཚོགས་པས་རེ་རེ་བཞིན་ལན་བཏབ་པ་རེད། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་དྲིལ་བསྒྲགས་པུའུ་ཡི་པུའུ་ཀྲང་དབང་ཧའེ་ཀྲོའུ་དང་རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་ལྷ་ས་གྲོང་ཨུད་ཀྱི་ཧྲུའུ་ཅི་ཤའོ་ཡིའུ་ཚའེ་འབྲེལ་ཡོད་བྱེད་སྒོར་ཞུཊ་པ་རེད། ལྷ་ས་གྲོང་ཁྱེར་ཁྲེང་ཀོན་ཆུས་ཤ་གསར་ཟུར་སྡེ་ཁུལ་གྱི་ཧྲུའུ་ཅི་དང་པོ་སྐལ་བཟང་སྒྲོལ་མས་ཤ་གསར་ཟུར་སྡེ་ཁུལ་གྱི་གཞི་རིམ་སྤྱི་ཚོཊ་བཅོས་སྐྱོང་གི་གནས་ཚུལ་ངོ་སྤྲོད་བྱས་པ་རེད།
“ཕྱོགས་ཡོངས་ནས་སྒྱུར་བཅོས་སྔར་བས་ཟབ་གཏོང་དང་ཀྲུང་གོའི་ལུགས་ཀྱི་དེང་རབས་ཅན་གྱི་འབྲེལ་བ་ཁོང་དུ་ཇི་ལྟར་ཆུད་པ་བྱེད་དགོས་སམ”“ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་འཚོགས་པ་ལས་གྲོང་ཁྱེར་གསར་སྒྱུར་འཛུགས་སྐྲུན་ཐད་དགེ་མཚན་ལྡན་པའི་ཤུགས་རྐྱེན་གང་ཞིག་ཐེབས་ཡོད་དམ”“ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་སྟབས་བསྟུན་ལས་ཞུགས་མི་སྣའི་ལས་འཁྱུར་ངལ་གསོ་དང་རྒན་གསོའི་ཐད་བཀོད་སྒྲིག་ཇི་ལྟར་བྱས་ཡོད་དམ”“ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་དཔེ་ཁྲིད་མི་སྐྱོང་ཐད་བཀོད་སྒྲིག་གསར་པ་གང་དག་བྱས་ཡོད་དམ”“ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་རྒྱལ་ཡོངས་གཅིག་གྱུར་གྱི་ཁྲོམ་ར་ཆེན་པོ་བསྐྲུན་རྒྱུའི་བཀོད་སྒྲིག་བྱས་པས་ང་ཚོ་མི་སེར་ལ་ཕན་ཐོགས་གང་དག་ཡོད་དམ”ས་གནས་ས་ཐོག་གི་རྣམ་པ་ཧ་ཅང་འཁྲུག་ཆ་དོད་པ་དང་དེར་ཞུགས་མང་ཚོགས་ཀྱིས་དྲི་བ་ཧུར་ཐག་བཏོན་པ་དང་གཏམ་བཤད་ཧུར་ཐག་སྤེལ་བ་རེད།
“ཀྲུང་གོའི་ལུགས་ཀྱི་དེང་རབས་ཅན་ལ་དམིགས་ཏེ་ཕྱོགས་ཡོངས་ནས་སྒྱུར་བཅོས་སྔར་བས་ཟབ་གཏོང་བྱས་པ་དེ་ནི་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བསམ་གཞིགས་གཟབ་ནན་གནང་བ་བརྒྱུད་བཏོན་གནང་བའི་ཐབས་ཇུས་གལ་ཆེན་ཞིག་རེད། ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བ་ནི་སྔར་བས་སྒྱུར་བཅོས་སྒོ་དབྱེ་བྱེད་པའི་བརྗོད་དོན་གཙོ་བོ་ཞིག་ཡིན་པ་དང་། ཀྲུང་གོའི་ལུགས་ཀྱི་དེང་རབས་ཅན་ནི་སྒྱུར་བཅོས་སྒོ་དབྱེའི་ཁྲོད་གནད་དཀྲོལ་འཚོལ་ཞིབ་དང་། རྒྱ་སྐྱེད་ཟབ་གཏོང་། ཉམས་མྱོང་གསོག་པ་བཅས་རེད” “སྤྱི་ཚོགས་འགན་བཅོལ་ལ་ཐེམ་ཐོའི་ཚད་བཀག་མེད་པ་བཟོ་བ་ནི་ཕན་ཐོགས་ཡོད་པ་ཞིག་རེད”“སློབ་གསོ་སྒྱུར་བཅོས་ནི་སྒོ་ཀུན་ནས་སྒྱུར་བཅོས་བྱེད་པ་ཞིག་ཡིན”“སྒྱུར་བཅོས་ཀྱི་དམིགས་ཡུལ་ནི་འགོག་རྐྱེན་མེད་པའི་གཅིག་གྱུར་གྱི་ཁྲོམ་ར་ཆེན་པོ་བསྐྲུན་ནས་མི་སེར་གྱི་འཚོ་བར་སྟབས་བདེ་ཡོང་བ་བྱ་རྒྱུ་དེ་རེད”མང་ཚོགས་ཀྱིས་བཏོན་པའི་གླེང་མང་བའི་གནད་དོན་དང་དཀའ་གནད་ལ་དམིགས་ནས། ཀྲུང་དབྱང་སྒྲོག་འགྲེལ་ཚོགས་པའི་ཁོངས་མིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་གྲོས་ཞིབ་བྱས་ནས་གྲོས་འཆམ་བྱུང་བའི《ཕྱོགས་ཡོངས་ནས་སྒྱུར་བཅོས་སྔར་བས་ཟབ་གཏོང་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་རྒྱུའི་སྐོར་གྱི་ཀྲུང་གུང་ཀྲུང་དབྱང་གི་གཏན་འབེབས》ནང་བཏོན་པའི་ཕྱོགས་ཡོངས་ནས་སྒྱུར་བཅོས་ཟབ་གཏོང་གི་བརྗོད་དོན་གཙོ་བོ་དང་། རྩ་དོན་གལ་ཆེན། བྱེད་ཐབས་གལ་ཆེན། རྩ་བའི་འགན་ལེན་བཅས་ལ་དམིགས་ནས། གཞི་རིམ་གྱི་དོན་དངོས་དང་ཟུང་འབྲེལ་དམ་ཟབ་བྱས་ཏེ་དོན་ཟབ་གོ་སླ་དང་ཕྱོགས་ཡོངས་ནས་དོགས་གཞི་བསལ་བ་མ་ཟད། གོམ་སྟབས་རྗེས་མའི་སྒྲོག་འགྲེལ་ལས་དོན་ལ་འབྲེལ་ཡོད་མཛུབ་ཁྲིད་ཀྱང་བྱས་པ་རེད།
ས་གནས་ས་ཐོག་ཏུ་མི་ཚོགས་ཀྱིས་ཁེངས་ཤིང་རྣམ་པ་ཧ་ཅང་འཁྲུག་ཆ་དོད་པོ་ཡོད་པ་རེད། ཀྲུང་དབྱང་སྒྲོག་འགྲེལ་ཚོགས་པའི་མཉམ་འགུལ་སྤེལ་རེས་མཇུག་འགྲིལ་རྗེས། ས་གནས་ས་ཐོག་གི་ལས་བྱེད་པ་དང་མང་ཚོགས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་ཡག་པོ་ཇི་ལྟར་བྱ་རྒྱུའི་ཐད་སྔར་བཞིན་སྤྲོ་སྣང་རབ་ཏུ་རྒྱས་ཡོད། ཁོང་ཚོས་ད་ཐེངས་ཀྱི་བྱེད་སྒོ་གོ་སྐབས་སུ་བྱས་ཏེ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱ་རྒྱུ་དེ་མིག་སྔ་དང་སླད་ཕྱིན་དུས་སྐབས་ཤིག་རིང་གི་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ་ཡིད་ཆེས་བརྟན་དུ་གཏོང་བ་དང་ཡང་འབད་བསྐྱར་འབད་བྱས་ཏེ་སློབ་སྦྱོང་གི་ཕན་འབྲས་དེ་ལས་སྒྲུབ་ལས་གཏོད་ཀྱི་སྒུལ་ཤུགས་སུ་བསྒྱུར་བར་བྱས་ནས་སྒྱུར་བཅོས་ཀྱི་བྱ་ཐབས་ཁག་གོ་རིམ་ལྡན་པའི་ངང་དོན་འཁྱོལ་དང་འབྲས་བུ་ཐོན་པར་སྐུལ་འདེད་གཏོང་གི་ཡིན་ཞེས་གཅིག་རྗེས་གཉིས་མཐུད་ངང་བཤད།