ད་ཕན་ལོ་ཤས་རིང་། ལྷ་ས་ཁྲེང་ཀོན་ཆུས་རྔ་ཆེན་ཁྲོམ་གཞུང་གིས་ཐོག་མཐའ་བར་གསུམ་དུ་ཏང་འཛུགས་སྐྱོང་གིས་སྣེ་ཁྲིད་རྒྱུ་མཐའ་འཁྱོངས་ཀྱིས་ལྷ་ས་གྲོང་ཁྱེར་གྱི“འདུ་འགོད་ཁག་ལྔ”དང་ཁྲེང་ཀོན་ཆུས་ཀྱི་“ལྔ་ལྔའི་ལས་ཀའི་བྱ་ཐབས”བྱ་སྤྱོད་ཀྱི་ཕྱོགས་སྟོན་དུ་འཛིན་ཏེ། “5+”ཀྱི་གནས་རྒྱུད་ཁྱོན་གསུམ་འཆར་འགོད་བྱས་ནས་་ཏང་འཛུགས་སྐྱོང་གི་སྤུས་ཚད་གསར་པའི་ཞབས་འདེགས་ཞུ་ནུས་ལ་སྒྲུལ་ཤུགས་ཆེན་པོ་བསྣན་པ་རེད།

ཏང་འཛུགས་སྐྱོང་+བཅོས་སྐྱོང་ཐད། སྒྲོམ་གཞི་འཛུགས་ཤུགས་ཆེ་རུ་གཏོང་བ་དང་རྨང་གཞི་བརྟན་དུ་བཏང་བ་བརྒྱུད“རིམ་ལྔའི་སྒྲོམ་གཞི”བཙུགས་ཏེ་ཁྱོན་ཡོངས་བཅོས་སྐྱོང་རྣམ་གྲངས་ལ་སྣེ་ཁྲིད་བྱས་ཤིང་། རྔ་ཆེན་གྲོང་ཚོའི་ཁང་པ་སྟར་པའི་ཏང་ཡོན་དང་ཏང་ཡོན་ལྟེ་བའི་དུད་ཚང་དངོས་ཚན་ཅན་གྱི་འཁོར་སྐྱོད་བྱས་ཏེ་གཞི་རིམ་རྩ་འཛུགས་མ་ལག་གི་ལེགས་ཆ་གང་ལེགས་བཏོན་ཡོད། “གསར་བརྗེའི་སྡེ་ལས”ཀྱི་གཞི་རིམ་བཅོས་སྐྱོང་རྣམ་གྲངས་ལག་བསྟར་གྱིས་གླང་རུ་སྡེ་ཁུལ་པི་ཀུའེ་ཡོན་ཁུལ་ཆུང་དུ“345”ལས་ཀ་བྱ་ཐབས་ལག་ལེན་བསྟར་ནས“སྡེ་ཁུལ་དང་། ཉེན་རྟོག་ཁུལ། ཁུལ་ཆུང”བཅས་ཁུལ་གསུམ་གཞི་གཅིག་ཅན་གྱི་ཞབས་ཞུའི་འཁོར་འབྲེལ་འཛུགས་པ་དང་བློས་འགེལ་ཆོག་པའི་དཔུང་ཁག་མང་པོ་བཙུགས་ནས་ལྔ་འབྲེལ་ལས་ཀའི་ལམ་སྲོལ་ཆགས་པར་སྐུལ་འདེད་བཏང་ཡོད། དེ་དང་ཆབས་ཅིག“གསར་བརྗེའི་དང་བླངས”ཀྱི་སེམས་འབྲེལ་རྣམ་གྲངས་ལག་བསྟར་གྱིས་སྣ་མང་ཕུན་སུམ་ཚོགས་པའི་དང་བླངས་ཞབས་ཞུའི་བྱེད་སྒོ་སྤེལ་བ་དང་། ཞབས་འདེགས་ཞུ་སྟངས་གསར་གཏོད་བྱས་ཏེ་སྤྱི་ཚོགས་ཀྱི་དང་བླངས་ཚོགས་པ་ཧུར་ཐག་བཙུགས་པ་རེད།

ཞབས་ཞུ+བཅོས་སྐྱོང་ཐད“མཉམ་སྐྲུན་དྲ་བ”གཞི་རྟེན་དུ་བྱས་ནས་སྤུས་ལེགས་ཞབས་ཞུའི་འཁོར་འབྲེལ་ཚོང་འཁོར་གྱི་ཏང་འཛུགས་སྐྱོང་སྤུས་རྟགས་མཉམ་དུ་བཏོད་ཡོད། “འཚོ་བའི་དྲ་བ”སྣེ་ཁྲིད་དུ་བྱེད་པ་དང་། ཞབས་ཞུ་མཉམ་སྤྱོད། ཁྱིམ་གྱི་སྒོ་ཁའི་གྱི་སྐོར་སྐྱོད་གཞུང་དོན་སྒྲོག་ཙེའི་ལམ་སྲོལ་ཚོད་ལྟ་བཅས་བྱས་ནས་སྐར་མ་15ཡི་དམངས་ཕན་ཞབས་ཞུའི་འཁོར་རྒྱ་བཏོད་ཡོད། “གཡུལ་སའི་དྲ་བ”དམ་འཛིན་བྱ་གཞིར་བྱས་ནས་ཞབས་ཞུ་གསར་གཏོད་དང་། 3Ｄཏང་དམངས་ཀྱི་Ｖས་ཚིགས་མང་པོ་གསར་འཛུགས། ཁྱད་ལྡན་རྣམ་གྲངས་ཀྱི་སྤུས་རྟགས་འཚོལ་ཞིབ་བྱས་ནས་བཏོད་དེ་རྔ་ཆེན་ཁྲོམ་གཞུང་གི་ཏང་འཛུགས་སྐྱོང་གིས་འཚོ་བར་ཞབས་འདེགས་ཞུ་བའི་་འཆར་གཞི་བཀོད་པ་རེད།

སྤུས་རྟགས+བཅོས་སྐྱོང་ཐད“1+3+Ｎ”བཅོས་སྐྱོང་སྒྲོམ་གཞི་གཏིང་ཟབ་ཏུ་བཏང་ནས་རྔ་ཆེན་གྲོང་ཚོའི“ཨང་རྟགས”ཐོག་གི་དྲ་མིག་གི་དམངས་ཕན་ཐག་གཅོད་སྤུས་རྟགས་དང་། གུར་ས་གྲོང་ཚོའི“མདོག་གསུམ”གྱི་ཁྱད་ཡོད་བཅོས་སྒྲིག་སྤུས་རྟགས། གླིང་ཆུང་སྡེ་ཁུལ་གྱི“17148”དོན་གྲོས་སྤུས་རྟགས་དང་། དེ་བཞིན་གཙང་རལ་སྡེ་ཁུལ་གྱི་ནང་མི་མཉམ་འཛོམས་འདུམ་འགྲིག་སྤུས་རྟགས་བཅས་བཏོད་ནས་མང་ཚོགས་ཀྱི་གནད་དོན་ཐག་གཅོད་ནུས་ལྡན་བྱས་ཐོག་གཞི་རིམ་རང་སྐྱོང་ལ་སྐུལ་འདེད་ནུས་ལྡན་བཏང་བ་རེད།

མཉམ་འགོག+བཅོས་སྐྱོང་ཐད། ཆུ་ཚད་མཐོ་རུ་གཏོང་བ་དང་། “སྟོབས་ཤུགས་གསར་པ”སྲ་བརྟན་དུ་གཏོང་བ། ཐོབ་ཐང་སྤྲོད་པ།“སྟོབས་ཤུགས་གསར་པ”གཅིག་ཏུ་སྒྲིལ་བ། སྡེ་ཁུལ་ལས་དོན་པའི་འཇོན་ཐང་ཆེ་རུ་གཏོང་བ། མཉམ་འགོག་མཉམ་བཅོས་ཀྱི་དཔུང་ཁག་རྒྱ་སྟོབས་ཆེ་རུ་གཏོང་བ། ལས་ཀ་བྱེད་སྟངས་གསར་གཏོད། འགལ་བ་དང་རྩོད་གཞི་སེལ་བ་བཅས་བྱས་ཏེ་ཕྱོགས་གཅིག་གི་བདེ་འཇགས་ལ་སྲུང་སྐྱོང་བྱས་པ་རེད།

ཚན་རྩལ+བཅོས་སྐྱོང་ཐད། གནད་དོན་དང་དགོས་མཁོ་ཕྱོགས་སྟོན་དུ་འཛིན་རྒྱུ་མཐའ་འཁྱོངས་དང་། “རིག་ནུས་ཅན+སྡེ་ཁུལ་བཅོས་སྐྱོང”གི་བྱེད་སྟངས་གསར་པ་འཚོལ་ཞིབ། ཁྲོམ་གཞུང་ཕྱོགས་བསྡུས་བཅོས་སྐྱོང་ལྟེ་གནས་ཧུར་ཐག་འཛུགས་པ། “མཁའ་ཐོག་གྲོང་ཁྱེར་དོ་དམ”འཚོལ་ཞིབ་བཅས་བྱས་ནས་ཚན་རྩལ་བྱ་ཐབས་སྤྱད་དེ་བཅོས་སྐྱོང་གི་ལས་ཕྱོད་ཆེ་རུ་དང་སྤུས་ཚད་མཐོ་རུ་བཏང་བ་རེད།