གསར་འགོད་པར་ཚེས་26ཉིན་འགྲིམ་འགྲུལ་སྐྱེལ་འདྲེན་པུའུ་ནས་ཤེས་རྟོགས་བྱུང་བར། ཟླ་དང་པོ་ནས་དྲུག་པའི་བར། འགྲིམ་འགྲུལ་སྐྱེལ་འདྲེན་གྱི་དཔལ་འབྱོར་འཁོར་སྐྱོད་ལེགས་སུ་རྒྱུན་མཐུད་ཕྱིན་ནས་སྤྱིར་ན་བརྟན་པོ་བྱུང་ཞིང་། དངོས་ཟོག་སྐྱེལ་འདྲེན་བྱེད་ཚད་དང་། གྲུ་ཁར་དངོས་ཟོག་འདོན་འཇུག་བྱེད་ཚད། མི་སྣ་ཕྱིར་སྐྱོད་བྱེད་ཚད་སོགས་འགྲིམ་འགྲུལ་སྐྱེལ་འདྲེན་གྱི་དམིགས་ཚད་གཙོ་བོ་ཚང་མ་ཅུང་མགྱོགས་མྱུར་འཕར་ཡོད་པ་རེད།

ཟླ་དང་པོ་ནས་དྲུག་པའི་བར། ལས་གཉེར་རང་བཞིན་གྱི་དངོས་ཟོག་སྐྱེལ་འདྲེན་བྱེད་ཚད་ཏུན་དུང་ཕྱུར་269.9ཟིན་ནས་དུས་མཚུངས་ལས་4.1％འཕར་བ་དང་། གྲུ་ཁར་དངོས་ཟོག་འདོན་འཇུག་བྱེད་ཚད་ཏུན་དུང་ཕྱུར་85.6ཟིན་ནས་དུས་མཚུངས་ལས་4.6％འཕར་བའི་ཁྲོད་དོས་སྒམ་དུང་ཕྱུར་1.6འདོན་འཇུག་བྱས་པ་དེ་དུས་མཚུངས་ལས་8.5％འཕར་བ། མི་སྣ་ས་ཁོངས་བསྒྲལ་ནས་ཕྱིར་སྐྱོད་བྱེད་ཚད་མི་ཐེངས་དུང་ཕྱུར་324.1ཟིན་ནས་དུས་མཚུངས་ལས་7.4％འཕར་བ་རེད།