ཟླ་7ཚེས་15ཉིན། རང་སྐྱོང་ལྗོངས་བདེ་འཇགས་ཨུ་ལྷན་གཞུང་ལས་ཁང་གིས་སྣེ་ཁྲིད་པ་དང་རང་སྐྱོང་ལྗོངས་འཕྲལ་སྡོམ་དོ་དམ་ཐིང་དང་། རང་སྐྱོང་ལྗོངས་སློབ་གསོ་ཐིང་། བོད་ལྗོངས་མེ་ཟོན་རོགས་སྐྱོབ་སྤྱི་ཁྱབ་རུ་ཁག བོད་ལྗོངས་ནགས་ཚལ་མེ་ཟོན་སྤྱི་ཁྱབ་རུ་ཁག་བཅས་ཀྱིས་མཉམ་འབྲེལ་ཐོག་གཙོ་གཉེར་བྱས་པའི་བོད་རང་སྐྱོང་ལྗོངས་ཀྱི་2024ལོའི་མེ་ཟོན་མེ་གསོད་ཤེས་བྱ་སློབ་གྲྭར་ཁྱབ་སྤེལ་གྱི་དྲིལ་བསྒྲགས་བྱེད་སྒོའི་བཀོད་སྒྲིག་ཚོགས་འདུ་འཚོགས་པ་རེད།

ད་རེས་ཀྱི་བྱེད་སྒོའི་བརྗོད་དོན་གཙོ་བོ་ནི། “མེ་ཟོན་དྲིལ་བསྒྲགས་བྱེད་སྒོ་སློབ་གྲྭར་སྤེལ། ལང་ཚོ་བསྲུངས་ནས་བདེ་འཇགས་འགན་ལེན་བྱེད”ཅེས་པ་དེ་ཡིན་ཞིང་། ལྗོངས་ཏང་ཨུད་དྲིལ་བསྒྲགས་པུའུ་དང་གུང་གཞོན་སྡེ་ཚོགས་བོད་རང་སྐྱོང་ལྗོངས་ཨུ་ལྷན་སོགས་རང་སྐྱོང་ལྗོངས་བདེ་འཇགས་ཨུ་ལྷན་གྱི་ཁོངས་ཞུགས་ཚན་པ་བཅུ་གྲངས་དང་མཉམ་འབྲེལ་གྱིས“ས་གནས་ས་ཐོག་གི་བྱེད་སྒོ་དང་སློབ་གསོའི་ཁོངས་གཏོགས་ཀྱི་བརྙན་ལམ་ཚོགས་འདུ”ཟུང་འབྲེལ་གྱི་རྣམ་པའི་ཐོག་ནས་འཚོགས་པ་དང་། ལྗོངས་ཡོངས་སུ་ཚོགས་ར་གཙོ་བོ་དང་གྲོང་ཁྱེར་དང་རྫོང་དུ་ཡན་ལག་ཚོགས་ར་82བཀོད་སྒྲིག་བྱས་པར་རིམ་པ་ཁག་དང་སྡེ་ཚན་ཁག་གི་མི་3598ཞུགས་པ། རིམ་པ་ཁག་དང་རིགས་ཁག་གི་སློབ་གྲྭ་དང་སྤྱི་ཚོགས་གསོ་སྦྱོང་སྒྲིག་གཞིའི་ཡན་ལག་ཚོཊ་ར་3653བཀོད་སྒྲིག་བྱས་པར་ཁྱོན་བསྡོམས་དགེ་སློབ་ཁྲི་95.63ཞུགས་ཡོད།