ཚེས་12ཉིན་གྱི་སྔ་དྲོ་གསར་འགོད་པར་2024ལོའི་ལྷ་ས་སྐོར་བའི་རྐང་འཁོར་འགྲན་བསྡུར་ཆེ་མོའི་གསར་འགྱུར་ཡོངས་བསྒྲགས་ཚོགས་འདུའི་ཐོག་ནས་ཤེས་རྟོགས་བྱུང་བར། ཀྲུང་གོ་རྐང་འཁོར་ལུས་རྩལ་མཐུན་ཚོགས་དང་། རང་སྐྱོང་ལྗོངས་ལུས་རྩལ་ཅུས། ལྷ་ས་གྲོང་ཁྱེར་མི་དམངས་སྲིད་གཞུང་བཅས་ཀྱིས་གཙོ་གཉེར་བྱས་པ་དང་ལྷ་ས་གྲོང་ཁྱེར་ལུས་རྩལ་ཅུས་དང་ལྷ་ས་གྲོང་ཁྱེར་ལུས་རྩལ་སྤྱི་ཁྱབ་ལྷན་ཚོགས་ཀྱིས་གཉེར་འགན་འཁུར་བའི་2024ལོའི་ལྷ་ས་སྐོར་བའི་རྐང་འཁོར་འགྲན་བསྡུར་ཆེ་མོ་ཟླ་7ཚེས་21ཉིན་ལྷ་ས་གྲོང་ཁྱེར་མང་ཚོགས་རིག་གནས་ལུས་རྩལ་ལྟེ་གནས་སུ་འགོ་འཛུགས་རྒྱུ་རེད།

2024ལོའི་ལྷ་ས་སྐོར་བའི་རྐང་འཁོར་འགྲན་བསྡུར་ཆེ་མོ་ཟླ་7ཚེས་21ཉིན་གྱི་ཆུ་ཚོད་9པར་ལྷ་ས་གྲོང་ཁྱེར་མང་ཚོགས་རིག་གནས་ལུས་རྩལ་ལྟེ་གནས་ཀྱི་ལྷོ་སྒོར་འགོ་འཛུགས་རྒྱུ་དང་མཐའ་སྣེ་ཕོ་བྲང་པོ་ཏ་ལའི་འདབས་སུ་ཡིན་པར་བསྡོམས་ལམ་ཐག་སྤྱི་ལེ་72.1ཡོད་པ་དང་འགྲན་བསྡུར་ནང་ཞུགས་མཁན་500ཡོད་པ་རེད།