འགྲིམ་འགྲུལ་ནི་ཀྲུང་གོའི་དེང་རབས་ཅན་གྱི་ལམ་འབྱེད་གདོང་ལེན་པ་ཞིག་ཡིན། ཉེ་བའི་ལོ་ཤས་རིང་། འགྲིམ་འགྲུལ་རྒྱལ་ཁབ་སྟོབས་ཆེན་འཛུགས་སྐྲུན་གྱི་གནས་ཚུལ་ཇི་འདྲ་ཡོད་དམ། འགྲིམ་འགྲུལ་སྐྱེལ་འདྲེན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་རྒྱུན་མཐུད་གཏོང་བར་གང་ལ་གཞིགས་དགོས་སམ། ཟླ་7ཚེས་10ཉིན་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཐིང་གིས་འཚོགས་པའི“སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི”བརྗོད་དོན་གཙོ་བོའི་གསར་འགྱུར་ཡོངས་བསྒྲགས་ཚོགས་འདུའི་ཐོག་དོན་དེར་འགྲེལ་བཤད་བརྒྱབ་ཡོད།

འགྲིམ་འགྲུལ་གྱི་རྨང་གཞིའི་སྒྲིག་བཀོད་འཐུས་སྒོ་ཚང་དུ་རྒྱུན་ཆད་མེད་པར་ཕྱིན་ནས་རང་རྒྱལ་གྱི་ཕྱོགས་བསྡུས་འགྲིམ་འགྲུལ་དྲ་བའི་སྤྱིའི་ལམ་ཐག་སྤྱི་ལེ་ཁྲི་600ཡན་ཟིན་པ།

“《འགྲིམ་འགྲུལ་རྒྱལ་ཁབ་སྟོབས་ཆེན་འཛུགས་སྐྲུན་གྱི་རྩ་གནད》བཀྲམ་ནས་ལོ་ལྔ་སོང་རིང་། རང་རྒྱལ་གྱི་འགྲིམ་འགྲུལ་སྐྱེལ་འདྲེན་གྱི་ཕྱོགས་བསྡུས་སྟོབས་ཤུགས་ཆེ་རུ་ཤུགས་ཆེན་ཕྱིན་ནས་མི་དམངས་བློ་ཡིད་ཚིམ་པ་དང་། འགན་ལེན་ནུས་ལྡན། འཛམ་གླིང་གི་མདུན་གྲལ་དུ་སླེབས་པ་བཅས་ཀྱི་དམིགས་ཚད་ཕྱོགས་སུ་གོམ་སྟབས་ཆེན་པོ་ཞིག་སྤོས་ཡོད། རང་རྒྱལ་གྱི་འགྲིམ་འགྲུལ་གྱི་རྨང་གཞིའི་སྒྲིག་བཀོད་འཐུས་སྒོ་ཚང་དུ་རྒྱུན་ཆད་མེད་པར་ཕྱིན་པ་དང་། ཤར་ནུབ་འབྲེལ་མཐུད་དང་ལྷོ་བྱང་འབྲེལ་མཐུད་ཀྱི་ཕྱོགས་བསྡུས་སྐྱེལ་འདྲེན་དྲ་རྒྱ་དེ་བས་འཐུས་སྒོ་ཚང་དུ་ཕྱིན་ཡོད”ཅེས་འགྲིམ་འགྲུལ་སྐྱེལ་འདྲེན་པུའི་པུའུ་ཀྲང་ལི་ཞའོ་ཕུང་གིས་བཤད།

གཞི་ཁྱོན་སྤྱི་ནས་བལྟས་ན། མིག་སྔར། རང་རྒྱལ་གྱི་ཕྱོགས་བསྡུས་འགྲིམ་འགྲུལ་དྲ་བའི་སྤྱིའི་ལམ་ཐག་སྤྱི་ལེ་ཁྲི་600ཡན་ཟིན་པ་དང“ལྟེ་བ་6དང་། བར་ཁྱམས་7 བགྲོད་ལམ་8”བཅས་ཀྱི་སྒྲོམ་གཞི་གཙོ་བོ་གཞི་རྩའི་ཆ་ནས་གྲུབ་པ་མ་ཟད། རྒྱལ་ཡོངས་ཀྱི་80%ཡན་གྱི་རྫོང(གྲོང་ཁྱེར་དང་ཆུས)ལ་འབྲེལ་མཐུད་ཐུབ་ཡོད་པ་དང་རྒྱལ་ཡོངས་ཀྱི་90%ཙམ་གྱི་དཔལ་འབྱོར་དང་མི་འབོར་ལ་ཞབས་འདེགས་ཞུས་ཡོད།

ཞིབ་ཕྲའི་ཁྱབ་ཁོངས་དབྱེ་ནས་བལྟས་ན། ན་ནིང་གི་ལོ་མཇུག་བར། རང་རྒྱལ་གྱི་ལྕགས་ལམ་ལས་གཉེར་ལམ་ཐག་སྤྱི་ལེ་ཁྲི་15.9ཟིན་པའི་ནང་མྱུར་བགྲོད་ལྕགས་ལམ་སྤྱི་ལེ་ཁྲི་4.5ཡན་ཟིན་པ་དང་། རྒྱལ་ཡོངས་ཀྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་པའི་ལམ་ཐག་སྤྱི་ལེ་ཁྲི་543.68ཟིན་པའི་ནང་མྱུར་བགྲོད་གཞུང་ལམ་སྤྱི་ལེ་ཁྲི་18.36ཟིན་ཡོད།

འགྲུལ་ཟོག་སྐྱེལ་འདྲེན་འཕེལ་རྒྱས་རྒྱུན་ཆད་མེད་པར་ཕྱིན་ནས་ན་ནིང་ཉིན་རེར་དངོས་ཟོག་དབོར་འདྲེན་བྱེད་ཚད་ཏུན་དུང་ཕྱུར་1.5ཙམ་དང་སྦྲག་ཐོག་བསྐུར་མ་དུང་ཕྱུར་4.45ཟིན་པ།

ཉེ་བའི་ལོ་ཤས་རིང་། རང་རྒྱལ་གྱི་འགྲུལ་ཟོག་སྐྱེལ་འདྲེན་འཕེལ་རྒྱས་རྒྱུན་ཆད་མེད་པར་ཕྱིན་ནས་མི་དམངས་མང་ཚོགས་ཕྱིར་སྐྱོད་པར་དེ་བས་སྟབས་བདེ་བྱུང་བ་མ་ཟད། དངོས་ཟོག་སྐྱེལ་འདྲེན་ཡང་དེ་བས་ཤར་བགྲོད་དང་ལས་ཕྱོད་ཆེ་རུ་ཕྱིན་ཡོད།

ཉེ་བའི་ལོ་ཤས་རིང་། རང་རྒྱལ་གྱི་འགྲིམ་འགྲུལ་ཟོག་འགྲེམས་སྒྲིག་བཀོད་ཀྱི་དྲ་རྒྱ་འཐུས་སྒོ་ཚང་དུ་རྒྱུན་མཐུད་ཕྱིན་ནས་འཛམ་གླིང་ཐོག་མྱུར་བགྲོད་ལྕགས་ལམ་དྲ་བ་དང་། མྱུར་བགྲོད་གཞུང་ལམ་དྲ་བ། གྲུ་ཁའི་ཁྱུ་ཚོགས། སྦྲག་སྲིད་མྱུར་སྐྱེལ་དྲ་བ་བཅས་ཆེ་ཤོས་བསྐྲུན་ཡོད། 2023ལོར་ཉིན་རེར་དངོས་ཟོག་དབོར་འདྲེན་བྱེད་ཚད་ཏུན་དུང་ཕྱུར་1.5ཙམ་དང་སྦྲག་ཐོག་བསྐུར་མ་དང་མྱུར་སྐྱེལ་བསྐུར་མ་དུང་ཕྱུར་4.45ཟིན་ཡོད།

ལྕགས་ལམ་ནས་བལྟས་ན། “ཉེ་བའི་ལོ་ཤས་རིང་། རང་ངོས་འཛུགས་སྐྱོང་ལ་ཤུགས་སྣོན་ཐེབས་པ་དང་ཆབས་ཅིག འགྲིམ་འགྲུལ་རྒྱལ་ཁབ་སྟོབས་ཆེན་མགྱོགས་མྱུར་འཛུགས་སྐྲུན་ལ་སྐུལ་འདེད་གཏོང་བ་དང་དཔལ་འབྱོར་དང་སྤྱི་ཚོགས་འཕེལ་རྒྱལ་ལ་ཞབས་འདེགས་ཞུ་བའི་ཐད་གྲུབ་འབྲས་མངོན་གསལ་དོད་པོའང་ཐོབ་ཡོད། ཉེ་བའི་ལོ་ཤས་རིང་། རང་རྒྱལ་གྱི་ལྕགས་ལམ་སྐྱེལ་འདྲེན་ཞབས་ཞུའི་ཆུ་ཚད་རྒྱུན་ཆད་མེད་པར་མཐོ་རུ་ཕྱིན་ནས་འགྲུལ་པ་དང་དངོས་ཟོག་སྐྱེལ་འདྲེན་ཐོན་རྫས་ཉིན་རེ་བཞིན་ཕུན་སུམ་ཚོགས་སུ་ཕྱིན་པ་མ་ཟད། སྐྱེལ་འདྲེན་གྱི་ནུས་པ་ཆེ་རུ་མུ་མཐུད་ཕྱིན་ཡོད”ཅེས་རྒྱལ་ཁབ་ལྕགས་ལམ་ཅུས་ཀྱི་ཅུས་ཀྲང་ཧྥེ་ཏུང་པིན་གྱིས་བརྗོད།

སྦྲག་སྲིད་མྱུར་སྐྱེལ་ནས་བལྟས་ན། “གྲོང་ཚོ་རེར་ས་ཚིགས་རེའི”ལས་གྲྭ་ལག་བསྟར་མགྱོགས་མྱུར་བྱས་ནས་རྫོང་རིམ་པའི་སྤྱི་པའི་སྦྲག་བསྐུར་ཞབས་ཞུའི་ལྟེ་གནས་1200ལྷག་ཙམ་དང་གྲོང་ཚོ་རིམ་པའི་སྦྲག་བསྐུར་ཟོག་འགྲེམས་ཕྱོགས་བསྡུས་ཞབས་ཞུའི་ས་ཚིགས་ཁྲི་30ལྷག་ཙམ་བསྐྲུན་ཡོད།

དམངས་སྤྱོད་མཁའ་འགྲུལ་ནས་བལྟས་ན། མིག་སྔར་དམངས་སྤྱོད་མཁའ་འགྲུལ་གྱི་དུས་གཏན་གནམ་གྲུ་རྒྱུན་གཏན་འཕུར་ཚད་ལོ་6བསྟུད་མར་80%ཡན་ཟིན་ཡོད། འདི་ལོའི་ལོ་སྟོད་དུ། དུས་གཏན་གནམ་གྲུའི་གྲངས་འབོར་དུས་མཚུངས་ལས་13.4%འཕར་བའི་གནས་ཚུལ་འོག་དུས་གཏན་གནམ་གྲུ་རྒྱུན་གཏན་འཕུར་ཚད་86.37%ཟིན་ཡོད།

རྒྱལ་སྤྱིའི་ཟོག་འདྲེན་ནས་བལྟས་ན། ཉེ་བའི་ལོ་ཤས་རིང་། རྒྱལ་སྤྱིའི་མཚོ་ཐོག་སྐྱེལ་འདྲེན་གྱིས་རང་རྒྱལ་གྱི་ཕྱིར་གཏོང་ནང་འདྲེན་གྱི་ཟོག་འབོར་95%ཡན་སྐྱེལ་འདྲེན་བྱེད་པ་དང་། རྒྱལ་སྤྱིའི་མཁའ་འགྲུལ་ཟོག་འདྲེན་དེ་གོ་ཆོད་རང་བཞིན་ཆེ་བ་དང་ཟུར་སྣོན་རིན་ཐང་མཐོ་བའི་རྩེར་སོན་དངོས་ཟོག་གི་སྐྱེལ་འདྲེན་བྱེད་ཐབས་གཙོ་བོར་གྱུར་ཡོད། 2023ལོར་ཀྲུང་ཡོའི་དུས་གཏན་མེ་འཁོར་ཁྱོན་ཁྲི་1.7བཏང་བ་དང་ཚད་ལྡན་དོས་སྒམ་ཁྲི་190དབོར་ཡོད།

ཚན་རྩལ་གསར་གཏོད་ལ་ཤུགས་སྣོན་རྒྱུན་ཆད་མེད་པར་ཐེབས་པ་དེས་དམའ་འཕུར་དཔལ་འབྱོར་གྱི་སྐྱོན་བྲལ་འཕེལ་རྒྱས་ལ་སྐུལ་མ་མུ་མཐུད་ཐེབས་པ།

ལོ་ལྔའི་རིང་། འགྲིམ་འགྲུལ་ཚན་རྩལ་གསར་གཏོད་ལ་ཤུགས་སྣོན་རྒྱུན་ཆད་མེད་པར་ཐེབས་པ་དེས་ཐོན་ལས་རིམ་སྤོར་ལ་སྐུལ་མ་ནུས་ལྡན་ཐེབས་ཡོད།

འགྲིམ་འགྲུལ་སྒྲིག་ཆས་རིམ་སྤོར་དང་བརྗེ་ཚད་མགྱོགས་སུ་ཕྱིན་ཞིང་། མྱུར་བགྲོད་ལྕགས་ལམ་ལག་རྩལ་གྱིས་རྒྱལ་སྤྱིའི་ཚད་ཤིང་བཏོད་པ་དང་། CR450ཚན་རྩལ་གསར་གཏོད་ལས་གྲྭར་ཐོད་བརྒལ་ཆེན་པོ་བྱུང་བ། ནུས་རྒྱུ་གསར་པའི་མེ་འཁོར་ཐོག་མར་ཐོན་སྐྱེད་བྱས་པ་སོགས་རང་བདག་ཅན་དང་། རིག་ནུས་ཅན། ལྗང་མདོག་ཅན་བཅས་ཀྱི་ལག་རྩལ་ལྕགས་ལམ་ཁྱབ་ཁོངས་སུ་མགྱོགས་མྱུར་གསར་གཏོད་དང་སྤྱོད་བཞིན་ཡོད་པ་རེད།

རིག་ནུས་ཟོག་འགྲེམས་ཀྱི་སྣེ་ཁྲིད་རང་བཞིན་གྱི་ནུས་པ་དེ་བས་མངོན་གསལ་དོད་ཅིང་། རིག་ནུས་དབྱེ་གསེད་དང་རིག་ནུས་བདེ་བཤེར་སོགས་སྔོན་ཐོན་ལག་རྩལ་སྤྱོད་ཚད་སྔར་བས་རྒྱ་ཆེར་ཕྱིན་པ་དང་། མྱུར་བགྲོད་ལྕགས་ལམ་ནས་དངོས་ཟོག་མྱུར་སྐྱེལ་བྱེད་པའི་ཚོད་ལྟར་ཕན་འབྲས་ཐོན་པ། མཁའ་འགྲུལ་མྱུར་སྐྱེལ་གྱི་སྐྱེལ་འདྲེན་ནུས་པ་རྒྱུན་ཆད་མེད་པར་ཆེ་རུ་ཕྱིན་པ། མི་མེད་རླངས་འཁོར་དང་མི་མེད་གནམ་གྲུ་སོགས་མི་མེད་སྐྱེལ་འདྲེན་ལག་རྩལ་སྤྱོད་རྒྱ་ཆེ་རུ་ཕྱིན་པ། ཚན་རིག་ལག་རྩལ་འཕེལ་རྒྱས་ཀྱིས་མྱུར་སྐྱེལ་ཟོག་འགྲེམས་སྒྲིག་འཛུགས་བསྐྱར་སྒྲིག་ལ་སྐུལ་མ་རྒྱུན་ཆད་མེད་པར་ཐེབས་པ་བཅས་བྱུང་ཡོད།

དམའ་འཕུར་དཔལ་འབྱོར་དབྱར་མཚོ་རྒྱས་པ་ལྟར་འཕེལ་རྒྱས་ཕྱིན་ཞིང་། “མིག་སྔར། དམངས་སྤྱོད་མི་མེད་གནམ་གྲུའི་མཁའ་འགྲུལ་ཡོ་ཆས་གཉེར་སྐྱོང་ཆོག་པའི་ལག་ཁྱེར་ཡོད་པའི་མི་མེད་གནམ་གྲུའི་ཁེ་ལས་ཁྲི་1.4ལས་བརྒལ་བ་དང་། མི་མེད་གནམ་གྲུའི་བཀོལ་སྤྱོད་ལག་ཁྱེར་ཡོད་མཁན་ཁྲི་22.5ལས་བརྒལ་ཡོད། ད་ལོའི་ལོ་སྟོད་དུ། གསར་དུ་ཐོ་བཀོད་བྱས་པའི་མི་མེད་གནམ་གྲུ་ཁྲི་60.8ཙམ་ཟིན་པ་དེ་ན་ནིང་གི་ལོ་མཇུག་ལས་48%འཕར་ཡོད། “ང་ཚོས་སྲོལ་རྒྱུན་གྱི་ཀུན་སྤྱོད་མཁའ་འགྲུལ་ཕྱོགས་སྒྱུར་རིམ་སྤོར་དང་གསར་དར་མི་མེད་གནམ་གྲུའི་ཐོན་ལས་གསར་གཏོད་འཕེལ་རྒྱས་ལ་སྤྱི་འདོམས་སྐུལ་འདེད་བཏང་ནས། དམའ་འཕུར་དཔལ་འབྱོར་གྱི་སྐྱོན་བྲལ་འཕེལ་རྒྱས་ལ་སྐུལ་འདེད་མུ་མཐུད་གཏོང་གི་ཡིན”ཞེས་སུང་ཀྲི་ཡུང་གིས་བཤད།