ཟླ་7ཚེས་2ནས་6ཉིན་བར་ཀྲུའུ་ཞི་ཞི་ཅིན་ཕིང་གྲོང་ཁྱེར་ཨ་སི་ཐ་ནར་ཧྲང་ཧའེ་མཉམ་ལས་རྩ་འཛུགས་ཀྱི་ཁོངས་མིའི་རྒྱལ་ཁབ་ཀྱི་གཙོ་བདག་ལས་འཛིན་ལྷན་ཚོགས་ཀྱི་ཚོགས་འདུ་ཐེངས་ཉེར་བཞི་པར་ཞུགས་པ་དང་འབྲེལ། ཧ་སག་སི་ཐན་སྤྱི་མཐུན་རྒྱལ་ཁབ་ཀྱི་ཙུང་ཐུང་ཐོ་ཁཱ་ཡེ་ཧྥུའུ་དང་ཐ་ཇིག་སི་ཐན་སྤྱི་མཐུན་རྒྱལ་ཁབ་ཀྱི་ཙུང་ཐུང་ལཱ་ཧོ་མོང་གི་གདན་ཞུས་ལྟར་རྒྱལ་ཁབ་གཉིས་པོར་རྒྱལ་དོན་འཚམས་འདྲི་ཡང་གནང་རྒྱུ་རེད། ལོ་བརྒྱའི་འགྱུར་ལྡོག་ཇེ་མགྱོགས་སུ་ཕྱིན་པ་དང་རྒྱལ་སྤྱིའི་དུས་བབ་ལ་ཡོ་ལངས་དང་འཕོ་འགྱུར་འགྲོ་བའི་སྐབས་འདིར། ཀྲུའུ་ཞི་ཞི་ཅིན་ཕིང་ད་རེས་ཨེ་ཤེ་ཡ་དབུས་མར་ཕེབས་པ་ལས་སྔར་བས་དམ་ཟབ་ཀྱི་ཧྲང་ཧའེ་མཉམ་ལས་རྩ་འཛུགས་ཀྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་ཐེབས་པ་དང་ཀྲུང་ཧ་དང་ཀྲུང་ཐ་ཡིས་མཐུན་སྒྲིལ་མཉམ་ལས་ཀྱི་ལེའུ་གསར་པ་རྩོམ་པར་སྒུལ་ཤུགས་གསར་པ་སྣོན་ཐུབ་ནས། འཛམ་གླིང་ཞི་བདེར་སྲུང་སྐྱོང་དང་ཐུན་མོང་འཕེལ་རྒྱས་ལ་སྐུལ་འདེད་གཏོང་བར་ཀྲུང་གོའི་བློ་གྲོས་དང་ཀྲུང་གོའི་སྟོབས་ཤུགས་སྐྱེས་སུ་འབུལ་རྒྱུ་རེད།

ཀྲུང་གོ་དང་ཧ་སག་སི་ཐན་ནི་རི་ཆུ་འབྲེལ་ཞིང་མཆུ་སོ་བརྟེན་རེས་ལྟར་གྱི་ཁྱིམ་མཚེས་ཡག་པོ་དང་། གྲོགས་པོ་ཡག་པོ། རོགས་ཟླ་ཡག་པོ་བཅས་རེད། ཀྲུའུ་ཞི་ཞི་ཅིན་ཕིང་དང་ཙུང་ཐུང་ཐོ་ཁཱ་ཡེ་ཧྥུའུ་སྐུ་ངོ་མས་ཐུགས་ཁུར་དང་ཐད་ཀར་སྐུལ་འདེད་བཏང་བའི་འོག ཀྲུང་ཧ་རྒྱལ་ཁབ་གཉིས་ཀྱིས་ཕྱར་བ་གྲུ་འདེགས་དང་གཉིས་ཁེ་གཉིས་ཕན་གྱི་སྙིང་སྟོབས་ལ་བརྟེན་པས་ཡུན་རིང་དང་ཕྱོགས་ཡོངས་ཀྱི་འཐབ་ཇུས་རོགས་ཟླར་གྱུར་པ་དང་རྨང་གཞི་དེའི་ཐོག་ད་དུང་དུས་རབས་ཀྱི་རླབས་རྒྱུན་དང་བསྟུན་ནས་ཀྲུང་ཧའི་ལས་དབང་གཅིག་མཐུན་ཚོགས་པ་འཛུགས་རྒྱུའི་གཏན་འབེབས་བྱས་ཏེ། ཕྱོགས་གཉིས་པོའི་འབྲེལ་བར་ཚད་གཞི་གསར་པ་བཙུགས་པ་དང་། མདུན་ལམ་གསར་པ་བཏོད་པ། སྒུལ་ཤུགས་གསར་པ་བསྣན་ཡོད། མི་རབས་ནས་མི་རབས་བར་མཛའ་གཅུགས་ཟབ་པ་དང་། ཕན་ཚུན་ཡིད་ཆེས་བྱེད་ཤུགས་ཆེ་བ། སྐྱིད་སྡུག་མཉམ་མྱོང་བཅས་ནི་རྒྱལ་ཁབ་གཉིས་པོའི་འབྲེལ་བའི་བརྗོད་དོན་གཙོ་བོར་གྱུར་ཡོད། ཀྲུང་ཧས་སྤུས་ཚད་མཐོན་པོས“རྒྱུད་གཅིག་ལམ་གཅིག”མཉམ་སྐྲུན་ལ་སྐུལ་འདེད་ཧུར་ཐག་བཏང་བས་ཁྱབ་ཁོངས་ཁག་གི་མཉམ་ལས་ལ་གྲུབ་འབྲས་གཡུར་དུ་ཟ་བ་ཐོབ་ནས་རྒྱལ་ཁབ་གཉིས་པོའི་མི་དམངས་ལ་ཕན་པ་ཐོབ་ཡོད། ཀྲུང་ཧ་མཉམ་ལས་ཀྱིས་རྒྱལ་སྤྱིའི་སྤྱི་ཚོགས་ཁྲོད་ལེགས་ཆ་གསབ་རེས་དང་གཉིས་ཁེ་གཉིས་ཕན་གྱི་དཔེ་མཚོན་བཏོད་དེ། རྒྱལ་སྤྱིའི་འབྲེལ་བ་གསར་པ་འཛུགས་པ་དང་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་བར་དྲང་ནུས་མང་པོ་བསྣན་ཡོད། ད་རེས་ཀྲུའུ་ཞི་ཞི་ཅིན་ཕིང་གིས་ཧ་སག་སི་ཐན་དུ་འཚམས་འདྲི་གནང་བ་ལས་རྒྱལ་ཁབ་གཉིས་པོའི་ཆབ་སྲིད་ཐད་ཀྱི་ཕན་ཚུན་ཡིད་ཆེས་དང་། གཉིས་ཕན་མཉམ་ལས། མི་ཆོས་རིག་གནས་ཀྱི་སྤེལ་རེས་བཅས་སྔར་བས་ཟབ་ཏུ་ཕྱིན་ནས་རྒྱལ་ཁབ་གཉིས་པོའི་འབྲེལ་བ་ཆུ་ཚད་མཐོན་པོས་འཕེལ་རྒྱས་འགྲོ་བར་སྐུལ་འདེད་ཐེབས་རྒྱུ་རེད།

ཀྲུང་གོ་དང་ཐ་ཇིག་སི་ཐན་དབར་གྱི་འབྲེལ་བར་ལོ་རྒྱུས་ཡུན་རིང་ལྡན་པ་དང་། ཆབ་སྲིད་ཀྱི་རྨང་གཞི་བརྟན་པ། མཉམ་ལས་ཀྱི་ནང་དོན་ཕུན་སུམ་ཚོགས་པ། དམངས་འདོད་ཀྱི་རྒྱབ་སྐྱོར་ཆེན་པོ་བཅས་ཡོད། ཀྲུའུ་ཞི་ཞི་ཅིན་ཕིང་དང་ཙུང་ཐུང་ལཱ་ཧོ་མོང་གི་འཐབ་ཇུས་སྣེ་ཁྲིད་འོག ཀྲུང་ཐ་རྒྱལ་ཁབ་གཉིས་པོས་ཁྱིམ་མཚེས་རྒྱལ་ཁབ་དབར་གྱི་མཛའ་མཐུན་འབྲེལ་བའི་སྙིང་སྟོབས་ལ་བརྟེན་ནས་ཕྱོགས་ཡོངས་ཀྱི་འཐབ་ཇུས་རོགས་ཟླའི་འབྲེལ་བ་བཙུགས་པ་མ་ཟད། དུས་རབས་ཀྱི་རླབས་རྒྱུན་དང་བསྟུན་ནས་ཀྲུང་ཐ་འཕེལ་རྒྱས་ཀྱི་གཅིག་མཐུན་ཚོགས་པ་དང་བདེ་འཇགས་ཀྱི་གཅིག་མཐུན་ཚོགས་པ་འཛུགས་རྒྱུའི་ཁྱབ་བསྒྲགས་བྱས་པ་དང་འབྲེལ་རྨང་གཞི་དེའི་ཐོག་ཀྲུང་ཐའི་ལས་དབང་གཅིག་མཐུན་ཚོགས་པ་འཛུགས་རྒྱུའི་མོས་མཐུན་མགྲིན་གཅིག་ཏུ་བྱས་ཏེ། ཕན་ཚུན་བརྩི་འཇོག་དང་། འདྲ་མཉམ་གཅིག་འཛིན། གཉིས་ཁེ་གཉིས་ཕན་བཅས་ཀྱི་ཁྱིམ་མཚེས་རྒྱལ་ཁབ་མཉམ་གནས་ཀྱི་ལམ་བུ་བཏོད་པ་དང་རྒྱལ་ཁབ་དབར་གྱི་འབྲེལ་བ་འཕེལ་རྒྱས་ཀྱི་དཔེ་མཚོན་བཏོད་ཡོད། ཕྱོགས་གཉིས་པོའི་ཁྱབ་ཁོངས་ཁག་གི་དངོས་སྒྲུབ་མཉམ་ལས་ལ་གྲུབ་འབྲས་གཡུར་དུ་ཟ་བ་ཐོབ་པ་དང་ཕན་ཚུན་གྱི་ལྟེ་བའི་ཁེ་ཕན་དང་འབྲེལ་བ་ཡོད་པའི་གནད་དོན་ཐད་ཐོག་མཐའ་བར་གསུམ་དུ་བློ་བརྟན་འགྱུར་མེད་ངང་རྒྱབ་སྐྱོར་བྱེད་ཀྱི་ཡོད། ཐ་ཇིག་སི་ཐན་ནི“རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོར་རྒྱབ་སྐྱོར་བྱེད་མཁན་སྔ་ཤོས་དང་ཀྲུང་གོ་དང“རྒྱུད་གཅིག་ལམ་གཅིག”མཉམ་སྐྲུན་གྱི་མཉམ་ལས་ཡིག་ཆར་མིང་རྟགས་འགོད་མཁན་རྒྱལ་ཁབ་ཀྱི་གྲས་ཤིག་ཡིན། ཀྲུང་གོས་ཐ་ཇིག་སི་ཐན་དང་མཉམ་དུ་དེང་རབས་ཅན་གྱི་ལམ་བུའི་ཐོག་ཕན་ཚུན་ལྟ་སྐྱོང་དང་ལག་གདང་སྦྲེལ་ནས་མཉམ་དུ་མདུན་སྐྱོད་བྱས་ཏེ། རྒྱལ་ཁབ་གཉིས་པོ་དང་རྒྱལ་ཁབ་གཉིས་པོའི་མི་དམངས་ལ་བདེ་རྩ་དེ་བས་མང་བ་གཏོད་འདོད་ཡོ