“ཀྲུང་གོ་ཤེས་ཚོར”རིག་གནས་སྤེལ་རེས་བྱེད་སྒོ་རབ་དང་རིམ་པ་སི་ཕེན་དང་། མོ་རོ་ཁོ། ཨེ་ཅིབ་བཅས་སུ་སྤེལ་བ།
ཤིན་ཧྭ་གསར་འགྱུར་ཁང་གྲོང་ཁྱེར་ཁེ་རོ་ནས་གློག་འཕྲིན་འབྱོར་གསལ། ཉིན་ཤས་གོང་། “ཀྲུང་གོ་ཤེས་ཚོར”རིག་གནས་སྤེལ་རེས་བྱེད་སྒོ་རབ་དང་རིམ་པ་སི་ཕེན་དང་། མོ་རོ་ཁོ། ཨེ་ཅིབ་བཅས་སུ་སྤེལ་ཞིང་། བྱེད་སྒོ་སྤེལ་བའི་དམིགས་ཡུལ་ནི་ཞི་ཅིན་ཕིང་གི་རིག་གནས་དགོངས་པ་ལག་བསྟར་དོན་འཁྱོལ་གཏིང་ཟབ་དང་གོ་ལ་ཧྲིལ་པོའི་ཤེས་དཔལ་གྲོས་འགོ་གསོན་ཉམས་དོད་པོས་ལག་ལེན་བསྟར་ཏེ་ཀྲུང་ཧྭའི་ཤེས་དཔལ་དང་མིའི་རིགས་ཀྱི་ཤེས་དཔལ་དབར་གྱི་གྲུབ་འབྲས་སྤེལ་རེས་ཟབ་ཏུ་གཏོང་ཆེད་ཡིན་པ་རེད།
སི་ཕེན་དུ་སྐྱོད་པ་ལས། ཀྲུང་ཧྭ་མི་རིགས་ཀྱི་དེང་རབས་ཤེས་དཔལ་གྱི་གྲུབ་འབྲས་གཙོ་གནད་ཐོག་ངོམ་པ་དང་ཀྲུང་གོའི་གྲོང་ཁྱེར་གྱི་གཏམ་རྒྱུད་ཡག་པོ་བརྗོད་དེ་ཀྲུང་གོའི་རྩོམ་རིག་གི་ཡིད་དབང་འཕྲོག་ཤུགས་མངོན་པར་བྱས་པ་རེད། མ་ཏེ་རིར་ཀྲུང་གོ་དང་སི་ཕེན་གྱི“གྲོང་ཁྱེར་འཆར་འགོད་དང་རིག་གནས་འཕེལ་རྒྱས”ཀྱི་སྐད་ཆ་ཤོད་རེས་ཚོགས་འདུ་འཚོགས་ནས་གྲོང་ཁྱེར་གྱི་འཆར་འགོད་དང་རིག་གནས་འཕེལ་རྒྱས་ཁྱབ་ཁོངས་ཀྱི་ལག་ལེན་དང་ཉམས་མྱོང་ལ་ཐུན་མོང་ཐོག་གྲོས་བསྡུར་བྱས་པ་དང་། “དེང་གི་ཀྲུང་གོའི་མ་ཏེ་རིའི་ཚོམས་ཆེན”གྱི་སྒོ་བྱང་གི་ཡོལ་ཁེབས་འབྱེད་པའི་མཛད་སྒོ་འཚོགས་ཏེ་ཀྲུང་གོ་དང་སེ་ཕེན་གྱི་གྲོང་ཁྱེར་གྱི་ཤེས་དཔལ་སྤེལ་རེས་དང་དཔྱད་གཞིར་འཛིན་རེས་ཀྱི་ཞིབ་འཇུག་རྣམ་གྲངས་ལག་ལེན་བསྟར་འགོ་ཚུགས་པ་རེད།
མོ་རོ་ཁོར་སྐྱོད་པ་ལས། ཀྲུང་གོ་དང་ཨ་རབ་རྒྱལ་ཁབ་ཀྱི་མི་ཆོས་རིག་གནས་སྤེལ་རེས་དང་མཉམ་ལས་ཟབ་ཏུ་ཕྱིན་ཡོད། ཁཱ་ཟ་པུའུ་ལན་ཁར“མཉམ་ལས་དང་གཉིས་ཁེ—ལྷོ་ལྷོ་མཉམ་ལས་འོག་གི་ཀྲུང་ཨའི་རིག་གནས་འཕེལ་རྒྱས་ཀྱི་བགྲོ་གླེང་ཚོགས་འདུ”འཚོགས་པ་རེད།
ཨེ་ཅིབ་ཏུ་སྐྱོད་པ་ལས། “ཀྲུང་གོ་དང་ཨེ་ཅིབ་ཀྱི་རོགས་ཟླའི་ལོའི”གྲོས་འགོ་དོན་འཁྱོལ་ཧུར་ཐག་བྱས་ཏེ་དུས་རབས་གསར་པའི་མཛའ་གྲོགས་ཀྱི་གཏམ་རྒྱུད་བཟང་པོ་བརྩམས་ཤིང་། ཁེ་རོར་ཨེ་ཅིབ་ཀྱི་ཀྲུང་གོའི་དཔེ་དེབ་ལྟེ་གནས་ཀྱི་སྒོ་བྱང་གི་ཡོལ་ཁེབས་འབྱེད་པའི་མཛད་སྒོ་དང“ངས་ཀྲུང་གོར་རྒྱུས་ལོན་བྱེད། དེང་རབས་གྲོང་ཁྱེར་འཕེལ་རྒྱས་ཁྲོད་ཀྱི་རིག་གནས་གཞི་རྒྱུ”ཞེས་པའི་ཀྲུང་གོ་དང་ཨེ་ཅིབ་ཀྱི་རིག་གནས་སྤེལ་རེས་ཚོགས་འདུ་འཚོགས་པ་དང་། ཀྲུང་གོ་དང་ཨེ་ཅིབ་ཀྱི་དར་གོས་ལམ་བུའི་རིག་གནས་ཤུལ་བཞག་གི་རྒྱལ་སྤྱིའི་སྤེལ་རེས་བྱེད་སྒོ་སྤེལ་ནས་རིག་གནས་ཤུལ་བཞག་སྲུང་སྐྱོབ་དང་། བེད་སྤྱོད། རྒྱུན་འཛིན་བཅས་ལ་དམིགས་ནས་སྐད་ཆ་ཤོད་རེས་བྱས་པ་རེད།