ཀྲུང་གོ་རྒྱལ་སྤྱིའི་ནང་འདྲེན་དངོས་མང་སྟོན་ཚོགས་སྐབས་བདུན་པའི་འོས་སྦྱོར་ངོ་སྤྲོད་ཚོགས་འདུ་ཉེ་ཆར་དབྱིན་ཇིའི་ལོན་ཏོན་དུ་འཚོགས་པ་རེད།

དབྱིན་ཇིར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་གི་གཞུང་ཚབ་པའོ་ལིང་གིས། ནང་འདྲེན་དངོས་མང་སྟོན་ཚོགས་ཀྱིས་ཀྲུང་གོ་དང་འཛམ་གླིང་གི་ཁྲོམ་ར་འབྲེལ་མཐུད་དང་། ཐོན་ལས་མཉམ་འདྲེས། སྒྲིག་སྲོལ་དཔྱད་གཞིར་འཛིན་རེས་བཅས་ལ་རྒྱུན་ཆད་མེད་པར་སྐུལ་འདེད་བཏང་ནས། འཕེལ་རྒྱས་ཀྱི་རྣམ་པ་གསར་པ་གཏོད་པའི་སྐར་ཁུང་དང་། ཆུ་ཚད་མཐོ་བའི་ཕྱི་ཕྱོགས་སྒོ་དབྱེར་སྐུལ་འདེད་གཏོང་བའི་ལས་སྟེགས། གོ་ལ་ཧྲིལ་པོས་མཉམ་སྤྱོད་བྱེད་པའི་རྒྱལ་སྤྱིའི་སྤྱི་པའི་ཐོན་རྫས་བཅས་སུ་གྱུར་ཡོད། དབྱིན་ཇིའི་ཁེ་ལས་ཀྱིས་ཀྲུང་གོའི་འཕེལ་རྒྱས་ཀྱི་གོ་སྐབས་ལ་དམ་འཛིན་ཧུར་ཐག་བྱས་ནས། ནང་འདྲེན་དངོས་མང་སྟོན་ཚོགས་ཀྱི་ལས་སྟེགས་གང་ལེགས་སྤྱད་དེ་ཀྲུང་གོའི་ཁྲོམ་རར་གྲུབ་འབྲས་དེ་བས་ཆེ་བ་གཏོད་པ་དང་གཉིས་ཕན་གཉིས་ཁེ་དེ་བས་ལེགས་པའི་ངང་མངོན་འགྱུར་ཐུབ་པར་དགའ་བསུ་ཞུ་རྒྱུ་ཡིན་ཞེས་བརྗོད་པ་རེད།

དབྱིན་ཀྲུང་ཚོང་དོན་མཐུན་ཚོགས་ཀྱི་སྤྱི་པའི་ལས་དོན་ལག་བསྟར་ཏུང་ཧྲི་ལི་སི·པེ་ཐེར་སེན་གྱིས། ཁེ་ལས་དེ་བས་མང་བ་སྒྲིག་འཛུགས་བྱས་ནས་ནང་འདྲེན་དངོས་མང་སྟོན་ཚོགས་སྐབས་བདུན་པར་ཧུར་ཐག་ཞུགས་རྒྱུ་ཡིན་ཞེས་བརྗོད་པ་རེད