ཉེ་ཆར། གསར་འགོད་པས་ལྷ་ས་འགག་སྒོ་ལས་ཁུངས་ནས་ཤེས་རྟོགས་བྱས་པར་གཞིགས་ན། འདི་ལོའི་ཟླ་དང་པོ་ནས་ཟླ་ལྔ་པའི་བར། བོད་ཀྱི་ཕྱི་ཕྱོགས་ཚོང་དོན་གྱི་འཕེལ་ཕྱོགས་བཟང་པོ་ཡོད་པ་དང་བོད་ཀྱི་ཕྱི་ཕྱོགས་ཚོང་དོན་གྱི་ཐོ་འགོད་སྙན་སེང་ཞུས་པའི་ཁེ་ལས་མངོན་གསལ་དོད་པོས་འཕར་ཞིང་། ཐོ་འགོད་སྙན་སེང་ཞུས་པའི་ཁེ་ལས་143འཕར་ཏེ་དུས་མཚུངས་ལས་146.6%འཕར་བ་རེད།

ངོ་སྤྲོད་བྱས་པར་གཞིགས་ན། ལྷ་ས་འགག་སྒོ་ལས་ཁུངས་ཀྱིས་སྒྱུར་བཅོས་ཀྱི་ཕན་ནུས་མཐའ་འཁྱོངས་བྱས་ནས“ལག་ཁྱེར་མང་སྒྲིལ”དང“ཐོ་སུབ་སྟབས་བདེ་ཅན”སོགས་སྒྱུར་བཅོས་བྱེད་ཐབས་དོན་འཁྱོལ་བྱས་ཏེ། ཁེ་ལས་ཀྱི་ཁུར་པོ་ཡང་དུ་བཏང་ནས་ཁྲོམ་རའི་བྱེད་པོའི་གསོན་ཤུགས་ནུས་ལྡན་ངང་འཕེལ་བར་བྱས་པ་རེད། སྲིད་འཛིན་གྱི་བལྟོས་བཅས་མི་སྣས་གཅིག་གྱུར་དོ་དམ་བྱེད་པའི་ལས་སྟེགས་དང་ཁོངས་གཏོགས་ཁུལ་ཞིབ་བཤེར་གྱི“དྲ་ཐོག་ཆོག་མཆན་བཀོད་པའི”བློ་རིག་རྣམ་གྲངས་ཁྱབ་གདལ་དང་འཁོར་རྒྱུག་བྱས་ཏེ། ཁོངས་གཏོགས་ཁུལ་གྱི་ཞིབ་བཤེར་ལག་ཁྱེར་རེ་ཞུ་བྱེད་པའི་དུས་ཡུན་སྐར་མ་10ཡི་ནང་ཚུན་དུ་ཉུང་དུ་བཏང་ཡོད། ཟླ་དང་པོ་ནས་བཞི་པའི་བར་བོད་ཀྱི་ནས་ཆང་དང་། རང་བྱུང་འཐུང་ཆུ། བལ་དང་ཁུ་ལུ་སོགས་ཁྱད་ལྡན་ཐོན་རྫས་ཕྱིར་གཏོང་སྒོར་དུང་ཕྱུར་0.27ཟིན་པ་དེ་དུས་མཚུངས་ལས་28.6%འཕར་ཡོད། དེ་དང་ཆབས་ཅིག ལྷ་ས་འགག་སྒོ་ལས་ཁུངས་ཀྱིས་ལས་སྣོན་ཚོང་དོན་དང་། ཁོངས་བརྒལ་གློག་ཚོང་། འགག་སྒོའི་ཁྲལ་བསྡུ། ཚད་ལྡན་ཅན་འཛུགས་སྐྲུན་སོགས་སྲིད་ཇུས་དྲིལ་བསྒྲགས་ལག་བསྟར་གྱི་གསོ་སྦྱོང་དུས་ཐེངས་གཉིས་བྱས་པ་རེད། “འགག་སྒོའི་འགོ་འཛིན་གྱིས་སྲིད་ཇུས་སྒོ་རྩར་སྒྲོག་འགྲེལ་བྱེད་པའི”སྣེ་ཁྲིད་འོག་ཁེ་ལས་ཀྱི་ཁྱབ་ཚུལ་དང་ཟུང་འབྲེལ་གྱིས་འགག་སྒོ་དང་ཁེ་ལས་དབར་ཐད་ཀར་སྦྲེལ་མཐུད་བྱེད་པའི་ལེགས་ཆ་གང་ལེགས་བཏོན་ནས“ཁེ་ལས་གཅིག་ལ་ཐབས་ཇུས་གཅིག”གི་གནད་འཁེལ་ཞབས་ཞུའི་རྣམ་པ་སྤྱད་དེ་ཉིང་ཁྲིའི་ཀུ་ཤུ་དང་། ཆབ་མདོའི་ཤ་མོ། སོས་ཉར་བེ་ཤ་སོགས་བོད་ཀྱི་རང་ངོས་ཁྱད་ལྡན་ཐོན་རྫས་ཕྱི་རྒྱལ་དུ་ཕྱིར་ཚོང་ཐུབ་པར་རམ་འདེགས་བྱས་པ་རེད།

འདི་ལོ་ཚུན་ལྷ་སའི་འགག་སྒོ་ལས་ཁུངས་ཀྱིས“བསམ་པའི་མཐོ་ས་དང་། སྐྱེ་ཁམས་ཀྱི་མཐོ་ས། རིག་གནས་ཀྱི་མཐོ་ས”བཅས་འཛུགས་སྐྲུན་གྱི་དམིགས་ཚད་ལ་དམ་པོར་དམིགས་ཏེ“མཐའ་མཚམས་མང་ཚོགས་འབྱོར་ཕྱུག་དང་། མཐའ་མཚམས་འགག་སྒོ་མཛེས་པ། མཐའ་མཚམས་བརྟན་ལྷིང་། མཐའ་སྲུང་བརྟན་པོ”བཅས་ལ་རྒྱབ་སྐྱོར་དང་ཞབས་འདེགས་ཤུགས་ཆེན་ཞུས་ནས་ཚོང་གཉེར་ཁོར་ཡུག་ལེགས་སུ་གཏོང་བའི་བྱེད་ཐབས་ཟམ་མི་ཆད་པར་དོན་འཁྱོལ་ཞིབ་ཚགས་བྱས་པ་དང་། གཉེར་སྐྱོང་བྱེད་པོའི་འགྲན་རྩོད་ནུས་པ་དང་ཁྲོམ་རའི་ཡིད་ཆེས་ཆེ་རུ་གཏོང་རྒྱུ་ཤུགས་རྒྱག་སར་བྱས་ཏེ། ཁེ་ལས་ལ་དཀའ་ངལ་སེལ་རོགས་བྱེད་པའི་གཞི་རྩ་བརྟན་དུ་བཏང་ནས་སྲིད་ཚོང་དབར་གྱི་ཚོང་གཉེར་ཁོར་ཡུག་རྒྱུན་མཐུད་ངང་ལེགས་སུ་བཏང་བ་རེད།