2024ལོའི་ཡིག་རྒྱུགས་རིང་ཁོངས་གཏོགས་ཁུལ་གྱི་བདེ་འཇགས་སྲུང་སྐྱོང་དང་རྒྱུགས་སྤྲོད་སློབ་མའི་ཞབས་ཞུའི་ལས་དོན་ཡག་པོ་སྒྲུབ་ཆེད། སྒར་རྫོང་སྤྱི་བདེ་ཅུས་ཀྱིས“ཁྱེད་ཀྱིས་ཡིག་རྒྱུགས་ལེགས་པོ་གཏོང་དང་། ངས་གཡས་གཞོགས་གཡོན་འདེགས་བྱས་ཆོག”ཅེས་པ་བརྗོད་དོན་གཙོ་བོར་བྱས་ཏེ། ཉེན་རྟོག་པ་ཡོངས་སྐུལ་སློང་དང་། སྔོན་ནས་ཇུས་འགོད། བཀོད་སྒྲིག་ཞིབ་ཚགས། ཚད་གཞི་མཐོ་པོས་དོན་འཁྱོལ་བཅས་བྱས་ནས། རྒྱུགས་སྤྲོད་སློབ་མའི་ཕུགས་འདུན་མངོན་འགྱུར་ཡོང་ཆེད་གཡས་གཞོགས་གཡོན་འདེགས་བྱས་ཡོད།

ཤེས་རྟོགས་བྱུང་བར་གཞིགས་ན། ཟླ་དྲུག་པའི་ཡིག་རྒྱུགས་དུས་ཚིགས་ཤར་བ་ནས་བཟུང་། དུས་བདེ་ཞི་མཐུན་གྱི་ཡིག་རྒྱུགས་ཁོར་ཡུག་གཏོད་ཆེད། སྒར་རྫོང་སྤྱི་བདེ་ཅུས་ཀྱིས་ཁོངས་གཏོགས་ཁུལ་དུ་ཡིག་རྒྱུགས་དང་འབྲེལ་བ་ཡོད་པའི་བདེ་འཇགས་ཀྱི་མངོན་མེད་རྐྱེན་ངན་གྱི“གཙང་བཤེར་ཆེན་པོའི”ཆེད་དོན་བྱ་སྤྱོད་སྤེལ་བ་དང་། རྒྱུགས་གནས་ཉེ་འཁོར་གྱི་ཁང་གླ་གཏོང་ས་དང་། མགྲོན་ཁང་། འཕྲིན་གཏོང་གློག་རྡུལ་ཁྲོམ་ར་སོགས་ལ་གཙོ་གནད་ཐོག་གཙང་བཤེར་ཆེན་པོ་བྱེད་པ། ཡིག་རྒྱུགས་ཀྱི་བདེ་འཇགས་སྣ་ཚོགས་ལ་ཤུགས་རྐྱེན་བཟོ་སྲིད་པའི་ཉེན་ཁའི་མངོན་མེད་རྐྱེན་ངན་ཕྱོགས་ཡོངས་ནས་གྲལ་བཤེར་དང་གཙང་སེལ་བྱེད་པ་བཅས་བྱེད་པར་ཉེན་རྟོག་པ་མི་ཐེངས་486མངགས་ནས་རྒྱུགས་རར་གྲལ་བཤེར་ཐེངས་203བྱས་པ་དང་། ས་ཆ་སྣ་ཚོགས་286ཙམ་ལ་གཙང་བཤེར། བདེ་འཇགས་ཀྱི་མངོན་མེད་རྐྱེན་ངན་3ལ་གཙང་བཤེར་བཅས་བྱས་ཡོད།