ཉེན་བརྡའི་སློབ་གསོར་ཤུགས་སྣོན་བརྒྱབ་ནས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་སྤུས་ཚད་དང་ཕན་ནུས་མཐོ་རུ་གཏོང་དགོས།
ཏང་གི་སྒྲིག་ཁྲིམས་སློབ་སྦྱོང་སློབ་གསོ་གཏིང་ཟབ་དང་ཏན་ཏིག་སྤེལ་བར་སྐུལ་འདེད་གཏོང་བའི་སྐོར་གྱི་གླེང་ཐེངས་གསུམ་པ།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ནན་བཤད་གནང་དོན། “ཉེན་བརྡའི་སློབ་གསོར་ཤུགས་སྣོན་རྒྱག་པར་གྱོད་གཞིར་བརྟེན་ནས་སློབ་སྦྱོང་ལ་སྐུལ་འདེད་དང་གྱོད་གཞིར་བརྟེན་ནས་སྒྲིག་ཁྲིམས་བཤད་དེ་སེམས་ནང་གུས་སྐྲག་དང་ལག་ཏུ་སྙུག་ལྕག་འཛིན་རྒྱུ་དེ་ཉིད་རྒྱུན་གཏན་གྱི་རང་རྟོགས་ཤིག་ཏུ་དངོས་འབྲེལ་འགྱུར་བར་བྱེད་དགོས”སྤྱི་ཁྱབ་ཧྲུའུ་ཅིའི་མཛུབ་སྟོན་གལ་ཆེན་ལས་ང་ཚོས་སྒྲིག་འགལ་གྱི་དཔེ་མཚོན་གྱོད་དཔེ་དུས་ཐོག་ཏུ་སྤྱོད་པ་དང་། སྒྲིག་བསྟར་ནན་པོ་དགོས་པའི་ཟིལ་རྔམ་སྟོབས་ཤུགས་གང་ལེགས་འདོན་པ་དང་སྤྱོད་བཟང་སྒྲིག་ནན་གྱི་སྤྱོད་གཙང་སྲོལ་བཟང་བརྒྱུད་སྤྲོད་བྱེད་པ། ཏང་གི་སྒྲིག་ཁྲིམས་སློབ་སྦྱོང་སློབ་གསོ་གཏིང་ཟབ་དང་ཏན་ཏིག་སྤེལ་བར་སྐུལ་འདེད་གཏོང་བ་བཅས་ལ་ཤུགས་རྒྱག་སའི་ཁ་ཕྱོགས་གསལ་སྟོན་དང་གཞི་འཛིན་ས་གལ་ཆེན་མཁོ་འདོན་གནང་ཡོད་པ་རེད།
ཉེན་བརྡའི་སློབ་གསོ་ནི་རིག་པ་དྭངས་བའི་སྨན་ཡག་ཤོས་ཡིན་པས་ཕྱོགས་ཡོངས་ནས་ཏང་ནན་པོས་སྐྱོང་བའི་མཐོ་ཚད་ནས་ཇུས་འགོད་ཞིབ་ཚགས་བྱེད་དགོས། ལྡོག་ཕྱོགས་ཀྱི་དཔེ་མཚོན་གྱོད་དཔེའི་དམ་བསྒྲགས་ཀྱི་ཆད་གཅོད་བསླབ་འདོམས་བྱེད་ཤུགས་ཆེ་རུ་བཏང་བ་བརྒྱུད། ཉེ་འགྲམ་གྱི་བྱ་བར་བརྟེན་ནས་ཉེ་འགྲམ་གྱི་མིར་སློབ་གསོ་རྒྱག་པ་དང་། ཆབ་སྲིད་དང་། བསམ་བློ། རྩ་འཛུགས། སྤྱོད་ཚུལ་བཅས་ཐད་སྔོག་བཤེར་གཏིང་ཟབ་དང་ཞིབ་བཤེར་ནན་པོ་བྱེད་པ། རུལ་སུངས་གྱོད་གཞི་ལས་བྱུང་བའི་ཤུགས་རྐྱེན་གཙང་སེལ་བྱེད་པ། དོན་དངོས་ལ་གོ་བ་ཡང་དག་ལེན་པ་དང་མིག་ལྟོས་ངན་འགྲན་བྱེད་མཁན་ལ་ཕྱི་འདོམས་བཅས་བྱས་ཏེ“རུལ་སུངས་བྱེད་མི་ཕོད་པའི”ཟིལ་གནོན་གྱི་ནུས་པ་གང་ལེགས་འདོན་དགོས། གྱོད་དཔེར་བརྟེན་ནས་སློབ་སྦྱོང་ལ་སྐུལ་འདེད་དང་། གྱོད་དཔེར་བརྟེན་ནས་དག་ཐེར་ལ་སྐུལ་འདེད། གྱོད་དཔེར་བརྟེན་ནས་བཅོས་སྐྱོང་ལ་སྐུལ་འདེད་བཅས་གཏིང་ཟབ་བཏང་སྟེ། ཉེན་བརྡའི་སློབ་གསོའི་རྒྱུན་གཏན་རང་བཞིན་དང་། གཟབ་ནན་རང་བཞིན། གནད་འཁེལ་རང་བཞིན་བཅས་མངོན་གསལ་དོད་དུ་གཏོང་བ་དང་། གྱོད་དོན་རྐྱང་པའི་གནད་དོན་ཡོངས་ཁྱབ་ཐོག་རྒྱ་སྐྱེད་བཏང་ནས་བཅོས་སྐྱོང་མཐའ་འཁྱོངས་བྱེད་པ། དབང་ཆའི་འཁོར་རྒྱུག་ལམ་ལུགས་མ་ལག་འཐུས་ཚང་དང་ཚད་ལྡན་དུ་གཏོང་བ། ཉེན་ཁ་དང་མངོན་མེད་རྐྱེན་ངན་འགོག་ཟོན་དང་སེལ་བ་བཅས་བྱས་ནས“རུལ་སུངས་བྱེད་མི་རུང་བའི”བཙན་ཐབས་གཅུན་འདོམས་ལ་རྒྱུན་ཆད་མེད་པར་ཤུགས་སྣོན་རྒྱག་དགོས་པ། དྲང་ཕྱོགས་ནས་ཁྲིད་སྟོན་དང་ལྡོག་ཕྱོགས་ནས་ཉེན་བརྡ་གཏོང་བ་ཕན་ཚུན་གཅིག་གྱུར་ཡོང་བར་བྱེད་པ་དང“རུལ་སུངས་མི་བྱེད་པ་གསུམ”ལ་གཞི་གཅིག་ཏུ་སྐུལ་འདེད་གཏོང་བའི་ཁྲོད་ཉེན་བརྡའི་སློབ་གསོའི་ཡོངས་ཁྱབ་ནུས་པ་སྔར་བས་འདོན་སྤེལ་བྱས་ཏེ། ཕྱོགས་ཡོངས་ནས་ཏང་ནན་པོས་སྐྱོང་རྒྱུ་གཏིང་ཟབ་ཕྱོགས་སུ་འཕེལ་རྒྱས་འགྲོ་བར་རྒྱུན་འཁྱོངས་ལྷོད་མེད་ངང་སྐུལ་འདེད་གཏོང་དགོས།
དཔེ་མཚོན་གྱོད་དཔེ་གང་ལེགས་སྤྱད་དེ་སྒྲིག་ཁྲིམས་དང་བཅའ་ཁྲིམས་གླེང་བ་དང་དཔེ་མཚོན་གྱོད་དཔེ“སློབ་གཞི་གསོན་པོ”ཞིག་ཏུ་བརྩིས་ཏེ། གྱོད་དཔེར་བརྟེན་ནས་སྤྱོད་ལམ་དང་། སྒྲིག་ཁྲིམས། ཁྲིམས་ལུགས། འགན་འཁྲི་བཅས་གླེང་དགོས། རིམ་ཁག་སྒྲིག་བཤེར་ལྟ་ཞིབ་ལས་ཁུངས་ཀྱིས་ས་གནས་དེ་གར་ཞིབ་བཤེར་ཐག་གཅོད་བྱས་པའི་ལྡོག་ཕྱོགས་ཀྱི་དཔེ་མཚོན་གྱོད་དཔེ་གང་ལེགས་སྤྱོད་པ་དང་ཉེན་བརྡའི་སློབ་གསོའི་པར་གཞི་བཟོ་བ་དང་། སྲིད་གཙང་གི་བརྙན་ཐུང་ལེན་པ། འགྱོད་བཤགས་དེབ་རྩོམ་སྒྲིག་པར་སྐྲུན་བྱེད་པ། རིམ་པ་དབྱེ་ནས་ཉེན་བརྡའི་སློབ་གསོའི་ཚོགས་ཆེན་འཚོག་པ་བཅས་གཞི་རྟེན་དུ་བྱས་ནས། གྱོད་དཔེའི་ཐོན་ཁུངས་དག་སློབ་གསོའི་ཐོན་ཁུངས་སུ་དེ་བས་ལེགས་པའི་ངང་བསྒྱུར་བ་དང་དུས་ཐོག་ཏུ་དཔེ་མཚོན་གྱོད་དཔེ་དང་གསར་ཐོན་གྱོད་གཞི་གསེད་བཀྲོལ་དང་། དཔེ་མཚོན་གྱོད་དཔེར་དབྱེ་ཞིབ་བྱེད་པར་མི་དོན་སེམས་གསུམ་མངོན་པ། ཕུགས་བསམ་དང་དད་སེམས་ལ་གཡོ་འགུལ་ཐེབས་པ་དང་སྒྲིག་ཁྲིམས་དང་བཅའ་ཁྲིམས་ཀྱི་མཐའ་ཚད་ཤོར་བའི་སྒྲིག་འགལ་ཁྲིམས་འགལ་ལས་བྱེད་པའི་ངན་རུལ་བརྒྱུད་རིམ་ཐེར་འདོན་གཏིང་ཟབ་བྱེད་པ། “ཉེ་འགྲམ་གྱི་བྱ་བར”བརྟེན་ནས“ཉེ་འགྲམ་གྱི་མིར”སློབ་གསོ་རྒྱག་པ། གྱོད་དཔེ་དྲངས་ནས་རྨོང་གཉིད་ལས་སད་པ་བཅས་བྱས་ནས། ཏང་ཡོན་ལས་བྱེད་པས་སྒྲིག་ཁྲིམས་དང་བཅའ་ཁྲིམས་ཉེ་འགྲམ་དུ་ཡོད་པ་དང་བསླབ་བྱ་མིག་མདུན་དུ་ཡོད་པ་དངོས་སུ་ཚོར་བར་བྱས་ཏེ་གྱོད་གཞི་གཅིག་ཞིབ་བཤེར་ཐག་གཅོད་བྱེད་པ་དང་། ཁག་གཅིག་ལ་ཉེན་བརྡ་གཏོང་བ། ཡུག་གཅིག་ལ་སློབ་གསོ་རྒྱག་པ་བཅས་དངོས་འབྲེལ་ཐུབ་པར་བྱེད་དགོས།