ལོ་མང་རིང་ཆབ་མདོ་གྲོང་ཁྱེར་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་བྱས་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པ་དེ་ལས་དོན་ཁག་གི་བརྒྱུད་རིམ་ཧྲིལ་པོ་དང་ཕྱོགས་གང་ཅིར་ཁྱབ་པ་དང་། མི་རིགས་ཁག་གི་མང་ཚོགས་ཀྱི་ཐོབ་སྣང་དང་སྐྱིད་སྣང་མངོན་གསལ་དོད་པོས་ཆེ་རུ་བཏང་བས་མི་རིགས་མཐུན་སྒྲིལ་ཡར་ཐོན་དང་། དཔལ་འབྱོར་སྤུས་ཚད་མཐོ་བའི་འཕེལ་རྒྱས། སྐྱེ་ཁམས་མཛེས་ལ་ཡིད་དུ་འོང་བ། སྤྱི་ཚོགས་འཆམ་མཐུན་དང་བརྟན་ལྷིང་བཅས་ཀྱི་རྣམ་པ་བཟང་པོ་ཞིག་མངོན་ཡོད།

འགྲོ་འོང་དང་སྤེལ་རེས་ཀྱི་བྱེད་སྒོ་གསོན་ཉམས་ལྡན་ལ་སྤྲོ་སྣང་གིས་ཁེངས་པ།

2024ལོའི་སི་ཁྲོན་དང་། ཡུན་ནན། བོད་ལྗོངས་བཅས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་འཛུགས་གཏོད་བྱེད་སྒོའི་བཞུགས་མོལ་ཚོགས་འདུའི་ཐོག་ཚོགས་ཞུགས་མི་སྣས་མཐའ་འབྲེལ་རྫོང(གྲོང་ཁྱེར)དང་ལག་གདང་སྦྲེལ་ནས་མདུན་སྐྱོད་བྱེད་པ་དང་། མི་རིགས་ཁག་གི་གཞོན་ནུ་ལོ་ཆུང་གི་སྤེལ་རེས་འཆར་གཞི་དང་། མི་རིགས་ཁག་གི་མང་ཚོགས་ཀྱི་སྒར་རེས་རྣམ་པའི་འཕེལ་རྒྱས་འཆར་གཞི། ཡུལ་སྐོར་ལ་བརྟེན་ནས་མི་རིགས་ཁག་གི་སྤེལ་རེས་དང་། འགྲོ་འོང་། མཉམ་འདྲེས་བཅས་ལ་སྐུལ་འདེད་གཏོང་བའི་འཆར་གཞི་བཅས་ལག་བསྟར་ཤུགས་ཆེན་བྱས་ཏེ་མི་རིགས་མཐུན་སྒྲིལ་ཡར་ཐོན་བྱ་གཞག་རྒྱུན་ཆད་མེད་པར་མདུན་ཕྱོགས་སུ་འཕེལ་རྒྱས་འགྲོ་བར་སྐུལ་འདེད་ཧུར་ཐག་གཏོང་དགོས་པའི་འབོད་སྐུལ་བྱས་པ་རེད།

ཆབ་མདོ་གྲོང་ཁྱེར་གྱིས་དང་ལེན་ཧུར་ཐག་དང་ཕྱོགས་མང་མཐུན་སྦྱོར་བྱས་ཏེ་གོང་རིམ་སྡེ་ཚན་གྱི་རྒྱབ་སྐྱོར་དང་འགོ་ཁྲིད་འོག་ཟླ་5པའི་ཟླ་མཇུག་ཏུ་བོད་དང་། སི་ཁྲོན། ཡུན་ནན། ཁྲུང་ཆིང་བཅས་ས་ཁུལ་བཞིའི་ལོ་ཆུང་གདོང་ལེན་རུ་མི་150ཆབ་མདོ་གྲོང་ཁྱེར་སྨར་ཁམས་རྫོང་འཇང་མི་རིགས་ཤང་སློབ་ཆུང་དུ་འཛོམས་ནས་དྲུག་གཅིག་བྱིས་པའི་དུས་ཆེན་ལ་རྟེན་འབྲེལ་ཞུས་པ་རེད།

བྱེད་སྒོ་སྤེལ་རིང་། ལས་དོན་མི་སྣས་ད་དུང་ཆེད་མངགས་དམག་སྡེ་བཅོ་བརྒྱད་པའི་འཐབ་འཛིང་པའི་རྗེས་རབས་པ་དང་སློབ་ཕྱིའི་ཟུར་ཁྲིད་པ་ཀྲང་ཡན་ཕིང་གདན་དྲངས་ནས་ལོ་ཆུང་གདོང་ལེན་རུ་མི་ཚོར《གསར་བརྗེའི་སྙིང་སྟོབས་མི་རབས་ནས་མི་རབས་བར་རྒྱུན་འཛིན་བྱེད》ཅེས་པ་བརྗོད་དོན་གཙོ་བོར་བྱས་པའི་རུ་ཁག་གི་སློབ་ཚན་འཚོགས་ཏེ་ལོ་ཆུང་གདོང་ལེན་རུ་མི་ཚོས་གཙོ་འཛིན་གྱི་མངགས་བཅོལ་བློ་ལ་བརྟན་པོར་བཅངས་ནས་གསར་བརྗེའི་སྙིང་སྟོབས་རྒྱུན་འཛིན་དང་གསར་བརྗེའི་ཁྲག་རྒྱུན་རྒྱུན་མཐུད་བྱས་ཏེ་ནམ་ཡང་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་བྱེད་དགོས་པའི་སྐུལ་ལྕག་བྱས་ཡོད།

མཐོང་ཚོར་གྱི་གཟུགས་བརྙན་མཐོང་རྒྱུ་དང་ཚོར་རྒྱུ་ཡོད་པར་སྣང་ཆེན་བྱས་པ།

སྨར་ཁམས་རྫོང་གི“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པའི”བརྗོད་དོན་གཙོ་བོའི་སློབ་གསོ་ཁང་ནི་སྨར་ཁམས་ཀྱི་ལོ་རྒྱུས་ཐོག་གི་དྲན་གསོའི་རང་བཞིན་གྱི་འགྲེམས་ཁང་ཐོག་མ་དེ་ཡིན་པ་དང་། འགྲེམས་ཁང་སྒོ་ཕྱེ་བ་ནས་བཟུང་མི་དམངས་མང་ཚོགས་ཀྱི་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི་གལ་ཆེན་དང་གཞོན་ནུ་ལོ་ཆུང་གི་གསར་བརྗེའི་སྲོལ་རྒྱུན་སློབ་གསོའི་སློབ་ཁང་གལ་ཆེན་ཞིག་ཏུ་གྱུར་ཡོད།

སྨར་ཁམས་རྫོང་གི“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པའི”བརྗོད་དོན་གཙོ་བོའི་སློབ་གསོ་ཁང་ནི་ཆབ་མདོ་གྲོང་ཁྱེར་གྱིས་མཐོང་ཚོར་གཟུགས་བརྙན་འདུ་འགོད་ལག་ལེན་བསྟར་ནས་མི་རིགས་མཐུན་སྒྲིལ་ཡར་ཐོན་འཛུགས་གཏོད་ལས་དོན་སྔར་བས་མཐོང་རྒྱུ་དང་ཚོར་རྒྱུ་ཡོད་པར་བྱེད་པའི་བྱ་ཐབས་ཤིག་རེད། ལོ་མང་རིང་ཆབ་མདོ་གྲོང་ཁྱེར་གྱིས་གསར་བརྗེའི་རིག་གནས་ལ་གཞི་ཚུགས་ནས་གསར་བརྗེའི་སྙིང་སྟོབས་དར་སྤེལ་བཏང་སྟེ་ཆབ་མདོ་དང་མེས་རྒྱལ་ནང་སའི་དབར་འབྲེལ་བ་ཟབ་པའི་ས་ཁམས་ཀྱི་ལེགས་ཆ་དང་ལོ་རྒྱུས་ཀྱི་དོན་དངོས་འདོན་སྤེལ་གང་ལེགས་བྱས་པས། གསར་བརྗེའི་རིག་གནས་དང་། གནའ་ཤུལ་ལོ་རྒྱུས། མི་རིགས་མཐུན་སྒྲིལ་བཅས་ཀྱི་ཁུལ་ཡོངས་རིག་གནས་ཡུལ་སྐོར་འཕེལ་རྒྱས་གཏོང་སྟངས་ཤིག་ཆགས་ཏེ་མི་རིགས་ཁག་འགྲོ་འོང་དང་། སྤེལ་རེས། མཉམ་འདྲེས་བཅས་ལ་ཤུགས་སྣོན་ཐེབས་ནས། ཆབ་མདོའི་རིག་གནས་ཀྱི་ཤུགས་རྐྱེན་ཐེབས་ཤུགས་མུ་མཐུད་ཆེ་རུ་ཕྱིན་ཡོད།

དྲིལ་བསྒྲགས་སློབ་གསོའི་བྱེད་སྒོ་གསར་གཏོད་བྱས་ནས་མི་སེམས་སུ་ཟུག་པར་བྱས་པ།

ཉེ་བའི་ལོ་ཤས་རིང་། ཆབ་མདོ་གྲོང་ཁྱེར་གྱིས་རིག་གནས་ཡུལ་སྐོར་ཚད་བརྒལ་སར་བྱས་ནས་བོད་ཤར་རྒྱུད་ཀྱི་མི་ཆོས་རིག་གནས་ཀྱི་གནའ་ཤུལ་དང་། དམངས་སྲོལ་ཉམས་འགྱུར། ལོ་རྒྱུས་ཀྱི་ཆུ་རྒྱུན་རིང་མོའི་ཁྲོད་ཀྱི་མི་རིགས་ཁག་འགྲོ་འོང་དང་། སྤེལ་རེས། མཉམ་འདྲེས་བཅས་ཀྱི་གསོན་ཉམས་དོད་པའི་དཔེ་མཚོན་སྔོག་འདོན་དང་ཞུན་བརྡར་གཏིང་ཟབ་བྱས་ནས་རིག་རྩལ་འཁྲབ་སྟོན་དང་། དཔེ་དེབ་དཔེ་སྐྲུན། གླུ་གཞས་འགྲེམས་སྤེལ་སོགས་ཀྱི་བྱེད་སྟངས་བརྒྱུད་དྲིལ་བསྒྲགས་སློབ་གསོའི་བྱེད་སྒོ་སྣ་ཚོགས་རྒྱ་ཁྱབ་ངང་སྤེལ་ཡོད།

མི་རིགས་མཐུན་སྒྲིལ་ཡར་ཐོན་འཛུགས་གཏོད་ཀྱི་དྲིལ་བསྒྲགས་སློབ་གསོ་གཞི་རིམ་དུ་སྤེལ་བའི་བྱེད་སྒོའི་ཁྲོད་རིག་རྩལ་འཁྲབ་སྟོན་རུ་ཁག་དང་སྒྲོག་འགྲེལ་ཡན་ལག་རུ་ཆུང་4ཉིན་20ལྷག་ཙམ་རིང་སྔ་རྗེས་སུ་རྫོང(ཆུས)7གྱི་གཞི་རིམ་ས་ཚིགས་18ལ་བསྐྱོད་ནས་འཁྲབ་སྟོན་དང་སྒྲོག་འགྲེལ་བྱས་པ་རེད། དྲ་ཐོག་དང་དྲ་ཕྱིའི་དྲིལ་བསྒྲགས་བརྒྱུད་ཕྱོགས་ཡོངས་དང་ཟུར་ཚད་མང་པོའི་ཐོག་ནས་དྲིལ་བསྒྲགས་བྱེད་སྒོ་ཐེངས་30སྤེལ་བར་དྲ་ཐོག་གི་ཐད་གཏོང་བྱེད་སྒོར་ལྟ་མཁན་ཁྲི་18ལྷག་ཙམ་ཟིན་པ་དང་མི་10000ལྷག་ཙམ་དྲ་ཕྱིའི་བྱེད་སྒོར་ཞུགས་ཡོད་པ་རེད།