ལྷོ་ཁ་གྲོང་ཁྱེར་མི་རིགས་མཐུན་སྐྱོང་ཁང་གིས་སྤྱོད་ཚུལ་བཟང་པོར་བརྟེན་ནས་མི་རིགས་མཐུན་སྒྲིལ་ཡར་ཐོན་གྱི་སྤུས་འབྲས་ལེགས་གཉེར་ལ་སྐུལ་འདེད་བཏང་བ།
འདི་ལོ་ཚུན། ལྷོ་ཁ་གྲོང་ཁྱེར་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་འཛུགས་གཏོད་ལས་དོན་འགོ་ཁྲིད་ཚོགས་ཆུང་གཞུང་ལས་ཁང(གཤམ་ལ“མི་རིགས་མཐུན་སྐྱོང་ཁང”ཞེས་བསྡུ་རྒྱུ)གིས་མི་རིགས་ལས་དོན་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་ལག་ལེན་བསྟར་བ་དེ་ཐོག་མཐའ་བར་གསུམ་དུ་མི་རིགས་མཐུན་སྒྲིལ་ཡར་ཐོན་འཛུགས་གཏོད་ལས་དོན་གྱི་རྩ་བ་ཚུགས་ས་དང་ཁ་ཕྱོགས་སྟངས་འཛིན་བྱ་སྤྱོད་ཀྱི་ཕྱོགས་སྟོན་དུ་བརྩིས་པ་རེད། འདི་ལོ་ནས་བཟུང་། ལྷོ་ཁ་གྲོང་ཨུད་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་དང་ལྷོ་ཁ་གྲོང་ཁྱེར་མི་རིགས་མཐུན་སྐྱོང་འགོ་ཁྲིད་ཚོགས་ཆུང་གིས་གཅིག་སྡུད་སློབ་སྦྱོང་ཐེངས་4དང་དཀར་ཆག་10ལྷག་ཙམ་སློབ་སྦྱོང་བྱས་ཏེ་ལས་དོན་ནར་འགྱངས་མི་བྱེད་པ་དང་། བྱེད་ཐབས་ཉུང་དུ་མི་གཏོང་བ། བྱེད་ཤུགས་ཆུང་དུ་མི་གཏོང་བ་བཅས་དུས་གཅིག་ཏུ་བྱེད་པ་དང་། འཛུགས་གཏོད་ཚན་པ་དང་རྫོང་དང་ཆུས་ལ་འགན་གཙང་འགན་ལེན་དང་འབྲེལ་གཏུག་བྱེད་པའི་ལམ་ལུགས་དང་དེ་བཞིན་འཐབ་ཕྱོགས་དང་པོར་བརྟག་ཞིབ་བྱེད་ཤུཌ་ཆེ་རུ་གཏོང་བ་སོགས་ཀྱི་བྱེད་ཐབས་བརྒྱུད། ཚད་མཐོའི་འགན་འཁྲི་འཁུར་སེམས་དང་ལས་འགན་སྒྲུབ་སེམས་ལ་བརྟེན་ནས་གྲོང་ཁྱེར་ཡོངས་ཀྱི་མི་རིགས་མཐུན་སྒྲིལ་ཡར་ཐོན་འཛུགས་གཏོད་ལས་དོན་ལ་སྐུལ་འདེད་བཏང་ཡོད།
ལྷོ་ཁ་གྲོང་ཁྱེར་མི་རིགས་མཐུན་སྐྱོང་ཁང་གིས་མི་རིགས་མཐུན་སྒྲིལ་ཡར་ཐོན་འཛུགས་གཏོད་ལས་དོན་དེ་གྲོང་ཁྱེར་ཡོངས་ཀྱི་ལྟེ་བའི་ལས་དོན་གྱི་སྤྱི་ཡོངས་ཁྲོད་བཞག་ནས། 2024ལོའི་རྒྱལ་ཡོངས་དང་ལྗོངས་ཡོངས་ཀྱི་འཛུགས་གཏོད་ལས་དོན་གྱི་དམིགས་ཚད་ལས་འགན་ཆེ་གྲས་3གྱི་ལས་ཀའི་བྱ་ཐབས་20རིགས་དབྱེ་སྟེ་འཛུགས་གཏོད་ཚན་པར་སྤྲད་ནས། ལས་འགན་དམིགས་ཚད་སྔོན་ལ་ཇུས་འགོད་བྱེད་པ་དང་། ལས་ཀའི་ཇུས་གཞི་བཟོ་བ། ལས་ཀའི་བྱ་ཐབས་ཞིབ་ཚགས་སུ་གཏོང་བ་བཅས་བྱེད་པ་དང་། ཉིན་རེར་སྙན་སེང་ཞུ་བ་དང་། གཟའ་འཁོར་རེར་འཆར་ཅན་ཚོགས་འདུ་འཚོག་པ། ཟླ་རེར་ཞིབ་འཇུག་བྱེད་པ། དུས་ཚིགས་རེར་ཕྱོགས་སྡོམ་བྱེད་པ་བཅས་ཀྱི་ལས་ཀའི་ལམ་ལུགས་ལག་ལེན་བསྟར་བ། མི་རིགས་མཐུན་སྒྲིལ་ཡར་ཐོན་འཛུགས་གཏོད་ཀྱི་བཀོད་སྒྲིག་ཚོགས་འདུ་དང་། སྐུལ་འདེད་ཚོགས་འདུ། དུས་མཚམས་ཀྱི་ཕྱོགས་སྡོམ་བཅས་ཐེངས་རེ་འཚོག་པ། ཆེད་དོན་ཞིབ་འཇུག་ཐེངས་4བྱེད་པ། དྲ་ཐོག་དང་དྲ་ཕྱིའི་སྤེལ་རེས་ཚོགས་འདུ་ཐེངས་2འཚོག་པ། འཛུགས་གཏོད་ལས་འགན་དོན་ཐོག་ཏུ་འཁྱོལ་བར་བརྒྱུད་རིམ་ལྡན་པ་དང་དུས་མཚམས་རང་བཞིན་གྱི་སྒོ་ནས་སྐུལ་འདེད་གཏོང་བ་བཅས་བྱས་ཏེ་འཛུགས་གཏོད་ལས་དོན་དོན་འཁྱོལ་ཐུབ་པ་དང་ཕན་འབྲས་ཐོན་རྒྱུར་ཕྱོགས་ཡོངས་ནས་སྐུལ་འདེད་བརྟན་པོ་བཏང་ཡོད།