“ཨེ་ཀྲུང་དབར་གྱི་གཉིས་ཕན་མཉམ་ལས་ལས་ང་ཚོར་འཕེལ་རྒྱས་ཀྱི་གོ་སྐབས་བྱུང”
“ཉེ་བའི་ལོ་ཤས་རིང་། ཨེ་ཅིབ་དང་ཀྲུང་གོའི་ཕྱོགས་གཉིས་ཀྱི་འབྲེལ་བ་དབྱར་མཚོ་རྒྱས་པ་ལྟར་འཕེལ་རྒྱས་ཕྱིན་ཡོད། རྒྱལ་ཁབ་གཉིས་པོའི་གཙོ་བདག་གི་འཐབ་ཇུས་སྣེ་ཁྲིད་དང‘རྒྱུད་གཅིག་ལམ་གཅིག’མཉམ་སྐྲུན་གྱི་གྲོས་འགོའི་སྐུལ་འདེད་འོག་ཨེ་ཀྲུང་དབར་གྱི་གཉིས་ཕན་མཉམ་ལས་ལ་གྲུབ་འབྲས་གཡུར་དུ་ཟ་བ་ཐོབ་ཡོད” ཨེ་ཅིབ་ཀྱི《གཏོར་གཟུགས་མཆོད་རྟེན་ཚགས་པར》གྱི་སྤྱི་ཁྱབ་རྩོམ་སྒྲིག་པ་ཟུར་པ་ཆེད་སྒྲིག་ལེ་ཚན་གྱི་རྩོམ་པ་པོ་ཨ་ལ·ས་པི་ཐེས་ཉིན་ཤས་གོང་འདི་ག་ཚགས་པར་གྱི་གསར་འགོད་པའི་ཆེད་དོན་བཅར་འདྲི་དང་ལེན་བྱེད་སྐབས། ཨེ་ཀྲུང་རྒྱལ་ཁབ་གཉིས་ལ་ལོ་རྒྱུས་ཡུན་རིང་གི་འོད་སྟོང་འཕྲོ་བའི་ཤེས་དཔལ་ལྡན་པ་དང་རྒྱལ་ཁབ་གཉིས་པོའི་དབར་གྱི་མཛའ་གྲོགས་ལ་ལོ་རྒྱུས་ཡུན་རིང་ལྡན་ཡོད། “རྒྱལ་ཁབ་གཉིས་པོས་རྨང་གཞིའི་སྒྲིག་བཀོད་དང་། ཞིང་ལས་ལག་རྩལ། བསྐྱར་སྐྱེས་ཐུབ་པའི་ནུས་རྒྱུ་སོགས་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བརྒྱབ་ཚེ་ཨེ་ཅིབ་ཀྱི་དཔལ་འབྱོར་འཕེལ་རྒྱས་ཀྱི་ནང་སྐྱེས་སྒུལ་ཤུགས་ཆེ་རུ་འགྲོ་རྒྱུར་རམ་འདེགས་ཐུབ་ནས་གཉིས་ཁེ་གཉིས་ཕན་དེ་བས་ལེགས་པར་མངོན་འགྱུར་ཐུབ་རྒྱུ་རེད”ཅེས་བརྗོད།
“ཨེ་ཀྲུང་དབར་གཉིས་ཕན་མཉམ་ལས་བྱས་པ་ལས་ང་ཚོར་འཕེལ་རྒྱས་ཀྱི་གོ་སྐབས་བྱུང་ཡོད”ས་པི་ཐེས་ཀྲུང་གོ་ཕྱོགས་ཀྱིས་མ་དངུལ་བསྡུ་སྒྲིལ་བྱས་ནས་ཀྲུང་གོའི་ལག་རྩལ་དང་སྒྲིག་ཆས་སྤྱད་དེ་ལག་བསྟར་བྱས་པའི་ཨེ་ཅིབ་ཀྱི་སྨྱུང་སྲུང་ཟླ་བའི་ཧྲོ་རི་གྲོང་གི་ཉེ་འདབས་ལྕགས་ལམ་རྣམ་གྲངས་ལས་ཨེ་ཅིབ་གློག་ཤུགས་ཅན་གྱི་ལྕགས་ལམ་དང་པོ་བྱུང་བ་དང་། ཨེ་ཅིབ་ཀྱི་སྲིད་འཛིན་རྒྱལ་ས་གསར་པའི་ལྟེ་བའི་ཚོང་དོན་ཁུལ་གྱི་མཚོན་རྟགས་ཁང་ཆེན་དེ“ཨ་ཧྥེ་རི་ཁའི་ཐོག་བརྩེགས་ཁང་ཆེན་མཐོ་ཤོས”སུ་གྱུར་བ་ལ་སོགས་རྣམ་གྲངས་དེ་དག་གིས་ཨེ་ཅིབ་ཀྱི“2030ལོའི་འདོད་འདུན”མངོན་འགྱུར་ཐུབ་རྒྱུར་སྒུལ་ཤུགས་བསྣན་ཡོད། “ཨེ་ཀྲུང་གིས་སྤུས་ཚད་མཐོ་པོས‘རྒྱུད་གཅིག་ལམ་གཅིག’མཉམ་སྐྲུན་ལས་ཨེ་ཅིབ་ཀྱི་རྨང་གཞིའི་སྒྲིག་བཀོད་ཀྱི་ཆུ་ཚད་དང་བཟོ་ལས་ཀྱི་ནུས་པ་ཆེ་རུ་ཕྱིན་པ་དང་ཨེ་ཅིབ་ཀྱི་བཟོ་ཚོང་ལས་རིགས་འཕེལ་རྒྱས་ལ་སྐུལ་འདེད་ཐེབས་ནས། ཨེ་ཅིབ་ཀྱི་ཁེ་ལས་ཀྱི་གསར་གཏོད་སྙིང་སྟོབས་རྒྱུན་ཆད་མེད་པར་འཕེལ་ཡོད”ཅེས་བརྗོད།
ཨེ་ཅིབ་ཀྱིས“ངོ་སོ་ཐོན་པའི་འཚོ་བའི”གྲོས་འགོ་ལག་བསྟར་བྱེད་བཞིན་ཡོད། ས་པི་ཐེས“གྲོས་འགོ་དེའི་དམིགས་ཡུལ་ནི་ཨེ་ཅིབ་ཀྱི་གྲོང་གསེབ་ས་ཁུལ་གྱི་རྨང་གཞིའི་སྒྲིག་བཀོད་དང་མི་དམངས་ཀྱི་འཚོ་བའི་ཆུ་ཚད་མཐོ་རུ་གཏོང་ཆེད་ཡིན། ཀྲུང་གོ་དང་མཉམ་ལས་གཏིང་ཟབ་ཏུ་བཏང་ཚེ་ཨེ་ཅིབ་མི་དམངས་ཀྱི་འཚོ་བ་སྔར་བས་ལེགས་སུ་འགྲོ་རྒྱུར་ཕན་ཐོགས་ཡོད”ཅེས་བརྗོད།
ཀྲུང་གོ་དང་ཨ་རབ་རྒྱལ་ཁབ་ཀྱི་མཉམ་ལས་གླེང་སྟེགས་ཀྱི་པུའུ་ཀྲང་རིམ་པའི་ཚོགས་འདུ་སྐབས་བཅུ་པ་ཉེ་ཆར་པེ་ཅིང་དུ་འཚོགས་པ་དེས་ཕྱོགས་གཉིས་པོའི་དུས་མཚམས་རྗེས་མའི་མཉམ་ལས་ལ་ཁ་ཕྱོགས་གསལ་སྟོན་བྱས་ཡོད། ས་པི་ཐེས“ཨ་ཀྲུང་འབྲེལ་བའི་འཕེལ་རྒྱས་ཀྱི་མདུན་ལམ་ཡངས་པ་དང་མཉམ་ལས་ཀྱི་མི་མངོན་པའི་སྟོབས་ཤུགས་ཧ་ཅང་ཆེན་པོ་ཡོད། འབྱུང་འགྱུར་ཨ་ཀྲུང་མཉམ་ལས་རྒྱུན་ཆད་མེད་པར་གཏིང་ཟབ་ཕྱོགས་སུ་ཕྱིན་ནས་ཕྱོགས་གཉིས་པོའི་མི་དམངས་ལ་འོད་སྟོང་འཕྲོ་བའི་མདུན་ལམ་གཏོད་ངེས་རེད”ཅེས་བརྗོད་པ་རེད།