འདི་ལོ་ཚུན་དུ། འཕྱོངས་རྒྱས་རྫོང་གིས་ཚབ་གཉེར་ས་ཞིང་གི་གཞི་ཁྱོན་ཆེ་རུ་གཏོང་བའི་བྱ་ཐབས་བརྒྱུད་དམངས་ཀྱི་ཡོང་འབབ་འཕར་བར་རམ་འདེགས་བྱས་པར་ཕན་འབྲས་བཟང་པོ་ཐོན་ཡོད། གོང་རིམ་ནས་ཚབ་གཉེར་མུའུ་2000གི་མ་དངུལ་སྒོར་ཁྲི་18བཏང་བའི་རྨང་གཞིའི་ཐོག་རྫོང་ཞིང་ལས་གྲོང་གསེབ་ཅུས་ཀྱིས་མ་དངུལ་སྒོར་ཁྲི་26.24བཏང་ནས་རྒྱ་ཁྱོན་མུའུ་2624.06ཆེ་རུ་བཏང་བས། ཚབ་གཉེར་ས་ཞིང་གི་སྤྱིའི་རྒྱ་ཁྱོན་མུའུ་4624.06ཟིན་ཡོད་པ་རེད།

ཚབ་གཉེར་ས་ཞིང་གི་ཞབས་ཞུ་ལག་ལེན་བསྟར་བ་དེས་ཞིང་ལས་ཐོན་སྐྱེད་ཀྱི་ལས་ཕྱོད་ཆེ་རུ་ཕྱིན་པ་མ་ཟད། ཞིང་པའི་ཡོང་འབབ་འཕར་བར་ཡང་སྐུལ་འདེད་ནུས་ལྡན་ཐེབས་ཡོད། ཞིང་པས་ཚབ་གཉེར་ཞབས་ཞུ་ལག་ལེན་བསྟར་བ་བརྒྱུད། ས་ཞིང་གང་ལེགས་སྤྱོད་ཐུབ་པའི་ཁར། ངལ་རྩོལ་ནུས་ཤུགས་ཉུང་དུ་གཏོང་ཐུབ་པ་མ་ཟད། ཡོང་འབབ་ཀྱང་བརྟན་པོ་འཕར་བྱུང་ཞེས་གཅིག་རྗེས་གཉིས་མཐུད་ངང་བཤད་པ་རེད།