ཉེ་ཆར། ལྷ་ས་གྲོང་ཁྱེར་སྦྲག་སྲིད་དོ་དམ་ཅུས་ཀྱིས་ཀྲུང་གུང་ལྷ་ས་གྲོང་ཨུད་ཀྱི་འབྲེལ་ཡོད་མི་སྣ་གདན་དྲངས་ནས་ལྷ་ས་གྲོང་ཁྱེར་སྦྲག་སྲིད་དོ་དམ་ཅུས་ལས་ཁུངས་ཏང་ཀྲི་པུའི་ཏང་ཡོན་ཡོངས་དང་། ལྷ་ས་གྲོང་ཁྱེར་གྱི་མྱུར་སྐྱེལ་ལས་རིགས་ཏང་ཨུད་ཀྱི་ཨུ་ཡོན། མྱུར་སྐྱེལ་ཁེ་ལས་ཀྱི་གཞི་རིམ་ཏང་ཀྲི་པུའི་ཏང་ཡོན་ཁག་གཅིག་བཅས་ལ་གཅིག་སྡུད་ཐོག《ཀྲུང་གོ་གུང་ཁྲན་ཏང་གི་སྒྲིག་ཁྲིམས་ཆད་གཅོད་སྲོལ་ཡིག》ཆེད་དོན་ཟུར་ཁྲིད་བྱས་པ་རེད།

སློབ་སྦྱོང་བྱས་པ་བརྒྱུད། ཏང་ཡོན་ཡོངས་ཀྱིས་ཏང་གི་སྒྲིག་ཁྲིམས་ནི་ཏང་གི་རིམ་ཁག་རྩ་འཛུགས་དང་ཏང་ཡོན་ཡོངས་ཀྱིས་ངེས་པར་དུ་བརྩི་སྲུང་ཞུ་དགོས་པའི་བྱ་སྤྱོད་ཀྱི་ཚད་གཞི་ཞིག་དང་། ཏང་གི་མཐུན་སྒྲིལ་གཅིག་གྱུར་སྲུང་སྐྱོང་དང་ཏང་གི་ལས་འགན་ལེཌ་སྒྲུབ་བྱེད་པའི་འགན་ལེན་ཞིག ཏང་ཡོན་གྱིས་མི་གཞན་གྱི་ཆེད་དུ་བྱ་བ་སྒྲུབ་པའི་ཉེན་ཟོན་ཚད་གཞི་ཞིག་བཅས་ཡིན་པའི་ངོས་འཛིན་གཅིག་མཐུན་བྱུང་བ་རེད།