ཤིན་ཧྭ་གསར་འགྱུར་ཁང་གྲོང་ཁྱེར་རང་ཀོང་ནས་ཟླ་6ཚེས་19ཉིན་གློག་འཕྲིན་འབྱོར་གསལ། ཚེས་19ཉིན་འབར་མའི་རང་ཀོང་དུ“ཀྲུང་འབར་རྒྱལ་ཁབ་གཉིས་པོའི་དམངས་ཁྲོད་རྩ་འཛུགས་ཀྱིས་ཞི་བདེ་མཉམ་གནས་ཀྱི་རྩ་དོན་དོན་ཚན་ལྔ་ཁྱབ་བསྒྲགས་བྱས་ནས་ལོ་70འཁོར་བར་སྤྲོ་སེམས་འཁོལ་པོས་རྟེན་འབྲེལ་ཞུ”ཞེས་པའི་བྱེད་སྒོ་སྤེལ་ཞིང་། བྱེད་སྒོ་དེ་ཀྲུང་གོ་ཞི་བདེ་འཕེལ་རྒྱས་ཐེབས་རྩ་ལྷན་ཚོགས་དང་། རང་ཀོང་ཀྲུང་གོའི་རིག་གནས་ལྟེ་གནས། འབར་ཀྲུང་སྤེལ་རེས་མཉམ་ལས་མཐུན་ཚོགས། རང་ཀོང་ཕྱི་རྒྱལ་སྐད་ཡིག་སློབ་ཆེན་བཅས་ཀྱིས་ཐུན་མོང་ཐོག་གཉེར་བ་ཞིག་ཡིན་པ་དང་། ཀྲུང་འབར་དམངས་ཁྲོད་རྩ་འཛུགས་དང་། ཁེ་ལས། ཇུས་འདོན་ཚོགས་པ། སྨྱན་སྦྱོར། མཐོ་སློབ་བཅས་40ལྷག་ཙམ་གྱི་འཐུས་མི་100ལྷག་ཙམ་ཞུགས་ཡོད་པ་རེད།