འདི་ནི་ཟླ་6ཚེས་15ཉིན་མྱུར་བགྲོད་ལྕགས་ལམ་གྱི་ཤུགས་འགྲེམས་མེ་འཁོར་གཏོང་ཐེངས་D909པེ་ཅིང་ནུབ་ཚུགས་ནས་ཐོན་ཏེ་ཤང་ཀང་ཅིའུ་ལུང་ནུབ་ཚུགས་ལ་སྐྱོད་བཞིན་པ།

ཚེས་15ཉིན་གྱི་དགོང་མོའི་ཆུ་ཚོད་8པ་ཙམ་ལ། མེ་འཁོར་གཏོང་ཐེངས་D909པེ་ཅིང་ནུབ་ཚུགས་ནས་ཐོན་པ་དང་མེ་འཁོར་གཏོང་ཐེངས་D907ཧྲང་ཧའེ་ཧུང་ཆའོ་བབས་ཚུགས་ནས་ཐོན་ཏེ་ཤང་ཀང་ཅིའུ་ལུང་ནུབ་ཚུགས་ཕྱོགས་སུ་བསྐྱོད་པ་དེ་ནི་པེ་ཅིང་ནས་ཤང་ཀང་བར་དང་། ཧྲང་ཧའེ་ནས་ཤང་ཀང་བར་མྱུར་བགྲོད་ལྕགས་ལམ་གྱི་ཤུགས་འགྲེམས་འབོལ་ཁྲིའི་མེ་འཁོར་གཏོང་ཐེངས་དང་པོ་ཡིན་པ་དང་པེ་ཅིང་ནས་ཤང་ཀང་བར་དང་། ཧྲང་ཧའེ་ནས་ཤང་ཀང་བར་དགོང་མོ་ཐོན་ནས་ཞོགས་པ་འབྱོར་ཐུབ་ཀྱི་ཡོད་པ་རེད།

པེ་ཅིང་ནུབ་ཚུགས་དང་ཧྲང་ཧའེ་ནས་ཤང་ཀང་ཧུང་ཁན་བབས་ཚུགས་བར་གཏོང་བའི་མྱུར་ཚད་སྤྱིར་བཏང་གི་ཐད་གཏོང་མེ་འཁོར་དེ་པེ་ཅིང་ནུབ་ཚུགས་དང་ཧྲང་ཧའེ་ཧུང་ཆའོ་ནས་ཤང་ཀང་ཅིའུ་ལུང་ནུབ་ཚུགས་བར་གྱི་མྱུར་བགྲོད་ལྕགས་ལམ་གྱི་ཤུགས་འགྲེམས་འབོལ་ཁྲིའི་མེ་འཁོར་ལ་རིམ་པ་སྤར་བ་དང་། པེ་ཅིང་དང་ཧྲང་ཧའེ་ནས་ཤང་ཀང་བར་གྱི་ལམ་ཐིག་ཧྲིལ་པོའི་འགྲུལ་བཞུད་དུས་ཚོད་དེ་ཆུ་ཚོད་24དང་སྐར་མ་31དང་ཆུ་ཚོད་19དང་སྐར་མ་34ནས་ཆུ་ཚོད་12དང་སྐར་མ་34དང་ཆུ་ཚོད་11དང་སྐར་མ་14བར་སོ་སོར་ཐུང་དུ་ཕྱིན་ཡོད། མྱུར་བགྲོད་ལྕགས་ལམ་གྱི་ཤུགས་འགྲེམས་འབོལ་ཁྲིའི་མེ་འཁོར་ནི་རིམ་པ་གཉིས་པའི་རྐུབ་སྟེགས་འཁོར་སྒྲོམ་2དང་། ཤུགས་འགྲེམས་འབོལ་ཁྲིའི་འཁོར་སྒྲོམ་13 ཟ་ཁང་གི་འཁོར་སྒྲོམ་1བཅས་ལས་གྲུབ་པ་དང་། མེ་འཁོར་རེའི་ས་ཁོངས་སྒྲོལ་བའི་སྡོད་ས་600ལྷག་ཙམ་བར་མང་དུ་ཕྱིན་པ་དེ་སྔོན་ཆད་ཀྱི་མྱུར་ཚད་སྤྱིར་བཏང་གི་ཐད་གཏོང་མེ་འཁོར་ལས་ཆེས་ཆེར་འཕར་ཡོད། འགག་སྒོ་སྒྲོལ་བའི་ཐད་དེ་སྔའི་མྱུར་ཚད་སྤྱིར་བཏང་གི་ཐད་གཏོང་མེ་འཁོར་ལ་ཐོན་ཚུགས་དང་མཐའ་ཚུགས་ཀྱི“ས་གནས་གཉིས་ཀྱིས་ཞིབ་བཤེར་ཐེངས་གཉིས་བྱེད་པའི”རྣམ་པ་ནས་མྱུར་བགྲོད་ལྕགས་ལམ་གྱི་མེ་འཁོར་ལ་གཅིག་གྱུར་ཐོག་ཤང་ཀང་ཅིའུ་ལུང་ནུབ་ཚུགས་ནས“ས་གནས་གཅིག་གིས་ཞིབ་བཤེར་ཐེངས་གཉིས་བྱེད་པར”བསྒྱུར་ནས་འགག་སྒོ་སྒྲོལ་བའི་དུས་ཚོད་ཐུང་དུ་ཕྱིན་ཡོད། དེ་སྔའི་མྱུར་ཚད་སྤྱིར་བཏང་གི་ཐད་གཏོང་མེ་འཁོར་གྱི་ས་ཁོངས་སྒྲོལ་བའི་འགྲུལ་པ་ཐོན་ཡུལ་ལམ་ཡང་ན་འབྱོར་ཡུལ་པེ་ཅིང་དང་། ཧྲང་ཧའེ། ཤང་ཀང་བཅས་ས་ཆ་གསུམ་ཁོ་ན་ལས་མེད་པ་དང་ད་ཆ་འགྲུལ་པས་ཐོན་ཡུལ་ལམ་ཡང་ན་འབྱོར་ཡུལ་པེ་ཅིང་ནས་ཤང་ཀང་བར་དང་། ཧྲང་ཧའེ་ནས་ཤང་ཀང་བར་གྱི་མྱུར་བགྲོད་ལྕགས་ལམ་རྒྱུད་ཀྱི་ཧྲི་ཅ་ཀྲོང་བབས་ཚུགས་དང་། ཀོང་ཀྲོའུ་བབས་ཚུགས། ཧྲེན་ཀྲེན་བྱང་ཚུགས། ཧང་ཀྲོའུ་ཤར་ཚུགས་སོགས་བབས་ཚུགས་མང་པོ་ཞིག་འདེམས་ཆོག་གི་ཡོད། མེ་འཁོར་གཏོང་བའི་དུས་ཚོད་ཐད་དེ་སྔའི་མྱུར་ཚད་སྤྱིར་བཏང་གི་ཐད་གཏོང་མེ་འཁོར་གནངས་འཆར་གཏོང་བ་ནས་མྱུར་བགྲོད་ལྕགས་ལམ་གྱི་ཤུགས་འགྲེམས་འབོལ་ཁྲིའི་མེ་འཁོར་རེས་གཟའ་པ་སངས་དང་། རེས་གཟའ་སྤེན་པ། རེས་གཟའ་ཉི་མ། རེས་གཟའ་ཟླ་བ་བཅས་ལ་གཏོང་གི་ཡོད། གཟའ་འཁོར་རེར་གཏོང་གྲངས་དེ་སྔའི་མྱུར་ཚད་སྤྱིར་བཏང་གི་ཐད་གཏོང་མེ་འཁོར་14ནས་མྱུར་བགྲོད་ལྕགས་ལམ་གྱི་ཤུགས་འགྲེམས་འབོལ་ཁྲིའི་མེ་འཁོར་16བར་མང་དུ་བཏང་སྟེ་འགྲུལ་པ་གཟའ་མཇུག་ཏུ་ཕར་འགྲོ་ཚུར་འོང་བྱེད་པར་སྟབས་བདེ་བསྐྲུན་ཡོད།

རང་རྒྱལ་དུ་པེ་ཅིང་ནས་ཧྲང་ཧའེ་བར་གྱི་མྱུར་བགྲོད་ལྕགས་ལམ་དང་། པེ་ཅིང་ནས་ཐེན་ཅིན་བར་གྱི་གྲོང་སྦྲེལ་མྱུར་བགྲོད་ལྕགས་ལམ། པེ་ཅིང་ནས་ཀྲང་ཅ་ཁོའུ་བར་གྱི་མྱུར་བགྲོད་ལྕགས་ལམ། ཁྲེང་ཏུའུ་ནས་ཁྲུང་ཆིང་བར་གྱི་མྱུར་བགྲོད་ལྕགས་ལམ། པེ་ཅིང་ནས་ཀོང་ཀྲོའུ་བར་གྱི་མྱུར་བགྲོད་ལྕགས་ལམ་བཅས་ཀྱི་ལམ་ཐིག་ལ་བདེ་འཇགས་ཚད་གཞིའི་དཔེ་སྟོན་ལམ་ཐིག་བསྐྲུན་པ་དང་། བསྐྱར་དར་རྟགས་ཅན་གྱི་ཤུགས་འགྲེམས་མེ་འཁོར་གྱི་མྱུར་ཚད་ཆུ་ཚོད་རེར་སྤྱི་ལེ་350ཡི་ཚད་གཞི་མཐོ་པོའི་ཐོག་ནས་འཁོར་སྐྱོད་བྱེད་པའི་མྱུར་བགྲོད་ལྕགས་ལམ་གཉེར་སྐྱོང་ལམ་ཚད་སྤྱི་ལེ་6798ཟིན་གྱི་ཡོད་པ་རེད།

འདི་ལོའི་ཟླ་བ་དང་པོ་ནས་ལྔ་པའི་བར་རྒྱལ་ཡོངས་ལྕགས་ལམ་གྱིས་འགྲུལ་པ་མི་ཐེངས་དུང་ཕྱུར་17.3སྐྱེལ་འདྲེན་བྱེད་པ་དེ་དུས་མཚུངས་ལས་20.2%འཕར་བ་དང་། ཉིན་རེར་འགྲུལ་སྐྱེལ་མེ་འཁོར་ཐེངས་10463གཏོང་བ་དེ་དུས་མཚུངས་ལས་ཐེངས་1174མང་དུ་ཕྱིན་ནས་12.7%འཕར་བ། ཟླ་5ཚེས་1ཉིན་འགྲུལ་པ་མི་ཐེངས་ཁྲི་2069.3སྐྱེལ་འདྲེན་བྱས་ནས་ཉིན་གཅིག་གི་འགྲུལ་པ་སྐྱེལ་འདྲེན་བྱེད་ཚད་ཀྱི་ལོ་རྒྱུས་ཀྱི་ཟིན་ཐོ་གསར་པ་བཏོད་པ་རེད།