ཉེ་ཆར། བོད་རང་སྐྱོང་ལྗོངས་སྲིད་གྲོས་ཀྱིས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་ཆེད་དོན་ཟུར་ཁྲིད་འཆད་ཁྲིད་གཉེར་ནས་རང་སྐྱོང་ལྗོངས་སྒྲིག་ཨུད་ལྟ་ཞིབ་ཨུ་ལྷན་གྱོད་གཞི་བདག་སྤྲོད་ཁང་གི་འབྲེལ་ཡོད་འགན་འཁུར་བ་གདན་ཞུ་བྱས་ཏེ། གསར་དུ་བཟོ་བཅོས་བརྒྱབ་པའི《ཀྲུང་གོ་གུང་ཁྲན་ཏང་གི་སྒྲིག་ཁྲིམས་ཆད་གཅོད་སྲོལ་ཡིག》(གཤམ་དུ《སྲོལ་ཡིག》ཅེས་བསྡུ་རྒྱུ)འཆད་ཁྲིད་བྱས་པ་དང་རང་སྐྱོང་ལྗོངས་སྲིད་གྲོས་ལས་ཁུངས་ཀྱི་ཏང་ཡོན་ལས་བྱེད་པ་300ལྷག་ཙམ་སློབ་སྦྱོང་ལ་ཞུགས་ཡོད་པ་རེད།

ལྗོངས་ཡོངས་ཀྱི་རིམ་ཁག་ཏང་རྩ་འཛུགས་ཀྱིས་ཐོག་མཐའ་བར་གསུམ་དུ《སྲོལ་ཡིག》ཏང་གི་སྒྲིག་ཁྲིམས་སློབ་སྦྱོང་སློབ་གསོའི་གལ་ཆེའི་ནང་གི་འགངས་ཆེར་བརྩིས་ནས་བྱེད་ཐབས་སྣ་ཚོགས་སྤྱད་དེ་ཟབ་ཞིབ་ཞིབ་ཀློག་དང་ཟབ་སྦྱོང་མཐིལ་རྟོགས་བྱས་ཏེ་དོན་ཚན་དང་དུམ་བུ་རེ་རེ་བྱས་ནས《སྲོལ་ཡིག》སློབ་སྦྱོང་དང་། སྒྲིག་ཁྲིམས་དྲུག་དང་ཡང་ཡང་བསྡུར་བ། ཏང་གི་སྒྲིག་ཁྲིམས་སློབ་སྦྱོང་ལག་བསྟར་ཐད་རང་ངོས་ཀྱི་གནད་དོན་དང་མི་འདང་ས་གསེད་བཀྲོལ་ནན་ཏན། སྒྲིག་ཁྲིམས་ནན་པོར་བརྟེན་ནས་འགན་འཁྲི་སྒྲུབ་པ་དང་ཐེག་པ་འཁུར་ལེན་བཅས་བྱས་ནས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་ཕན་འབྲས་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་བྱ་སྤྱོད་དངོས་སུ་ཧུར་ཐག་འགྱུར་བར་བྱས་ཡོད”ཅེས་རང་སྐྱོང་ལྗོངས་ཏང་ཨུད་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་ལས་དོན་ཆེད་བསྐོས་ཚན་ཁག་གི་འབྲེལ་ཡོད་འགན་འཁུར་བས་ངོ་སྤྲོད་བྱས།   

《སྲོལ་ཡིག》སློབ་སྦྱོང་བྱེད་པ་ནི་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་རྨང་གཞིའི་ལྷུ་ཚིགས་གལ་ཆེན་ཞིག་རེད་ལ། ཏང་གི་སྒྲིག་ཁྲིམས་སློབ་སྦྱོང་སློབ་གསོའི་བརྒྱུད་རིམ་ཧྲིལ་པོར་ཁྱབ་པའི་བྱ་ཐབས་གཙོ་བོ་ཞིག་ཀྱང་རེད། རང་སྐྱོང་ལྗོངས་ཏང་ཨུད་ཀྱིས་གོང་གིས་འོག་ལ་སྣེ་ཁྲིད་རྒྱུ་མཐའ་འཁྱོངས་བྱས་ཏེ་ཏང་གི་སྒྲིག་ཁྲིམས་སློབ་སྦྱོང་སློབ་གསོ་ཕྱོགས་ཡོངས་ནས་སྤེལ་འགོ་ཚུགས་པའི་སྐབས་སུ། རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་གཉེར་བ་དང་། གསར་དུ་བཟོ་བཅོས་བརྒྱབ་པའི《སྲོལ་ཡིག》ལ་དམ་པོར་དམིགས་ཏེ་ཇི་མ་ཇི་བཞིན་སློབ་སྦྱོང་དང་། དོན་དངོས་དང་ཟུང་འབྲེལ་བྱས་ནས་སྦྱོང་བ། མཉམ་འདྲེས་སློབ་སྦྱོང་བཅས་མཐའ་འཁྱོངས་བྱེད་པ་དང་། སྤྱིའི་རྩ་དོན་ནས་ནང་གསེས་བར་དང་གཞི་རྩའི་རྩ་དོན་ནས་ཞིབ་ཕྲའི་གཏན་འབེབས་བར་དོན་ཚན་རེ་རེ་ལྟ་ཀློག་དང་དུམ་བུ་རེ་རེ་བྱས་ཏེ་གོ་བ་བླངས་པར་བརྟེན་ནང་དོན་གཙོ་བོ་དང་ལག་ལེན་གྱི་བླང་བྱ་ཁོང་དུ་ཆུད་པ་མ་ཟད། རྒྱུན་གཏན་གྱི་གཏམ་སྤྱོད་ཀྱི་ཚད་གཞི་ཡང་སྔར་བས་གསལ་དུ་ཕྱིན་ཡོད། ལྗོངས་ཡོངས་ཀྱི་རིམ་ཁག་ཏང་ཨུད(ཏང་ཙུའུ)ཀྱིས་ཏང་ཀྲུང་དབྱང་གི་ཐབས་ཇུས་གལ་ཆེན་དང་རང་སྐྱོང་ལྗོངས་ཏང་ཨུད་ཀྱི་བཀོད་སྒྲིག་བླང་བྱ་དོན་འཁྱོལ་ནན་ཏན་བྱས་ཏེ་ཏང་ཡོན་ལས་བྱེད་པ་ལ་ལས་ཏང་གི་སྒྲིག་སྲོལ་སྒྲིག་ལམ་སེམས་ལ་མི་འཇོག་པ་དང་། མི་ཤེས་པ། ཁོང་དུ་མི་ཆུད་པ་སོགས་ཀྱི་གནད་དོན་ཐག་གཅོད་དང་། ཏང་ཨུད(ཏང་ཙུའུ)ཀྱི་ཚོགས་འདུ་འཚོགས་པ་དང་དཔེ་ཀློག་འཛིན་གྲྭ་དང་གསོ་སྦྱོང་འཛིན་གྲྭ་གཉེར་བ་སོགས་ཀྱི་བྱེད་ཐབས་སྤྱོད་པ། “ཚོགས་འདུ་གསུམ་དང་སློབ་ཚན་གཅིག”དང་བརྗོད་དོན་གཙོ་བོའི་ཏང་གི་ཉིན་མོ་སོགས་ཀྱི་བྱེད་ཐབས་སྤྱོད་པ། རང་སྦྱོང་དང་། སྣེ་ཁྲིད་ནས་སྦྱོང་བ། སྤེལ་རེས། གླེང་མོལ། བགྲོ་གླེང་བཅས་ཟུང་འབྲེལ། ཏང་ཡོན་ལས་བྱེད་པས་ཏང་གི་སྒྲིག་ཁྲིམས་འཛུགས་སྐྱོང་ལ་ཤུགས་སྣོན་རྒྱག་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པར་སྐུལ་འདེད་གཏོང་བ། ཆེད་དོན་དབྱེ་བ་དང་ས་བཅད་དབྱེ་བ། ཇི་མ་ཇི་བཞིན་དང་དུམ་བུ་རེ་རེ་བྱས་ནས《སྲོལ་ཡིག》སློབ་སྦྱོང་། ཏང་གི་སྒྲིག་ཁྲིམས་དང་སྒྲིག་ལམ་ནི་གང་ཡིན་པ་གསལ་རྟོགས་ཐུབ་པ། སྒྲུབ་དགོས་པ་དང་སྒྲུབ་མི་ཆོག་པ་གསལ་རྟོགས་ཐུབ་པ་བཅས་བྱས་ནས་སྒྲིག་ཁྲིམས་དྲུག་བློ་ལ་འཇགས་པར་བྱས་ཡོད།

“འགྲེམས་སྟོན་སྐབས་ཏང་ཡོན་འགོ་ཁྲིད་ལས་བྱེད་པ་ཉུང་ཤས་ཀྱིས་ཀུན་སྤྱོད་ཀྱི‘མཐའ་ཚད’ལས་འགལ་བ་དང་། ཏང་གི་སྒྲིག་ཁྲིམས་ཀྱི‘དམར་ཐིག’དང་རྒྱལ་ཁྲིམས་ཀྱི“གློག་ཆེན”ལ་རེག་ནས་སྒྲིག་འགལ་ངང་བཟའ་བཏུང་དང་མགྲོན་འབོད་ལ་ཞུགས་པ་དང་ལག་རྟགས་དང་འབུལ་རྟེན་དངུལ་བླངས་ཏེ་རུལ་སུངས་པར་གྱུར་བའི་གྱོད་དཔེ་དེ་དག་ང་ཚོར་སློབ་གསོ་དང་དྲན་སྐུལ་གྱི་དོན་སྙིང་ཆེན་པོ་ལྡན་ཡོད” ཉེ་ཆར་རང་སྐྱོང་ལྗོངས་ཏང་ཨུད་སྲིད་ཁྲིམས་ཨུ་ལྷན་གྱིས་ཏང་ཡོན་འགོ་ཁྲིད་ལས་བྱེད་པ་ཡོངས་སྒྲིག་འཛུགས་བྱས་ནས་བོད་རང་སྐྱོང་ལྗོངས་ཀྱི“ཉེ་འགྲམ་གྱི་བྱ་བ་དང་ཉེ་འགྲམ་གྱི་མིར་སློབ་གསོ་གཏོང་བའི”སྤྱོད་གཙང་ཉེན་གཏོང་སློབ་གསོའི་འགྲེམས་སྟོན་ལ་ལྟ་སྐོར་བྱས་ཡོད། ཏང་གི་སྒྲིག་ཁྲིམས་སློབ་སྦྱོང་སློབ་གསོ་སྤེལ་ཚུན། འགྲེམས་སྟོན་དེར་ཚན་པ100ལྷག་ཙམ་གྱི་ཏང་ཡོན་ལས་བྱེད་པ་5000ལྷག་ཙམ་གྱིས་ལྟ་སྐོར་བྱས་ཡོད།

ཟླ་5ཚེས་18ཉིན་ལྷ་ས་གྲོང་ཁྱེར་གྱི་གཞོན་དར་ལས་བྱེད་པའི་གསོ་སྦྱོང་འཛིན་གྲྭ་སློབ་མཇུག་འགྲིལ་བའི་མཛད་སྒོ་དང་གཞོན་དར་ལས་བྱེད་པའི་གསོ་སྦྱོང་འཛིན་གྲྭ་སློབ་འགོ་ཚུགས་པའི་མཛད་སྒོ་ལྷ་ས་གྲོང་ཨུད་ཏང་གི་སློབ་གྲྭར་འཚོགས་ཤིང་གྲོང་ཁྱེར་ཐད་གཏོགས་ཚན་པ་ཁག་དང་རྫོང(ཆུས)ནས་ཡོང་བའི་ཏང་ཡོན་ལས་བྱེད་པ་100ལྷག་ཙམ་ཞུགས་ཡོད་པ་རེད། རང་སྐྱོང་ལྗོངས་ཏང་ཨུད་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་ལས་དོན་ཆེད་དོན་ཚན་ཁག་གི་བླང་བྱ་གཞིར་བཟུང་། ཏང་གི་སྒྲིག་ཁྲིམས་སློབ་སྦྱོང་སློབ་གསོ་སྤེལ་ཚུན། ལྷ་ས་གྲོང་ཨུད་ཏང་གི་སློབ་གྲྭས《སྲོལ་ཡིག》ཟུར་ཁྲིད་སློབ་ཚན་དང་སློབ་ཁྲིད་ཀྱི་ནང་དོན་དུ་འཇུག་རྒྱུ་མཐའ་འཁྱོངས་བྱས་ཏེ་གསར་དུ་གོ་གནས་སྤར་བའི་ལས་བྱེད་པ་དང་། ན་གཞོན་ལས་བྱེད་པ། ལས་གནས་གཙོ་བོའི་ལས་བྱེད་པ་སོགས་གཙོ་བོར་བྱས་ནས་སྒྲིག་ཁྲིམས་གསོ་སྦྱོང་བྱས་ཏེ་གསོ་སྦྱོང་ལ་བརྟེན་ནས་སྦྱོང་བརྡར་ལ་ཤུགས་སྣོན་བརྒྱབ་པ་རེད།

རང་སྐྱོང་ལྗོངས་ཏང་ཨུད་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་ལས་དོན་ཆེད་དོན་ཚན་ཁག་གི་འབྲེལ་ཡོད་འགན་འཁུར་བློ་མཐུན་གྱིས“གོམ་སྟབས་རྗེས་མར། ང་ཚོས་རིམ་དབྱེའི་རྩ་དོན་ལྟར། རིམ་བཞིན་ཉེན་བརྡ་གཏོང་བའི་སློབ་གསོའི་ཚོགས་ཆེན་འཚོགས་ནས་གྱོད་གཞིར་བརྟེན་ནས་སློབ་སྦྱོང་དང་བཅོས་སྐྱོང་ལ་སྐུལ་འདེད་གཏོང་རྒྱུ་མ་ཟད། 《སྲོལ་ཡིག》དང་བསྡུར་ནས་ལྟ་བཤེར་དག་ཐེར་དང་སྒྲིག་སྲོལ་ལམ་ལུགས་འཛུགས་པར་དམ་འཛིན་ཡག་པོ་བྱས་ཏེ་རྒྱ་ཆེའི་ཏང་ཡོན་ལས་བྱེད་པས་རང་རྟོགས་ངང་སྒྲིག་བཀུར་ཁྲིམས་སྲུང་ནང་སེམས་སུ་འཇགས་པ་དང་ཕྱི་བྱ་སྤྱོད་ཀྱི་གོམས་གཤིས་སུ་འགྱུར་བ་བྱེད་ཀྱི་ཡིན”ཞེས་བརྗོད་པ་རེད།