འཕྲིན་ལན།

སྐུ་ཞབས་ཡའོ་ཆི་ཀྲི་ལགས།

ཁམས་བཟང་། ཁྱེད་རང་གི་འཕྲིན་ཡིག་འབྱོར་བྱུང་། ཁྱེད་རང་མེས་རྒྱལ་ལ་ཕྱིར་ལོག་གནང་ནས་དགེ་རྒན་གྱི་ལས་ལ་གཞོལ་བའི་ལོ་ཉི་ཤུའི་རིང་། རྒྱལ་གཅེས་ཀྱི་བརྩེ་སེམས་དེ་རྒྱལ་ཁབ་ལ་དྲིན་ལན་འཇལ་བའི་བྱ་སྤྱོད་དུ་འགྱུར་བ་བྱས་ཏེ། ཆིང་ཧྭ་སློབ་ཆེན་དུ་བློ་རྩེ་གཅིག་སྒྲིམ་གྱིས་འབད་འབུངས་དང་སྐད་གྲགས་མེད་པར་ལེགས་སྐྱེས་ཕུལ་ཡོད་ལ། དཔེ་ཁྲིད་མི་སྐྱོང་དང་ཚན་ཞིབ་གསར་གཏོད་ལའང་གྲུབ་འབྲས་གཡུར་དུ་ཟ་བ་ཐོབ་ཡོད་པས་ཁྱེད་ལ་ལྷག་བསམ་ཟོལ་མེད་ངང་འཚམས་འདྲི་ཞུ་གི་ཡིན།

ཁྱེད་ཀྱིས་ཐོག་མའི་བསམ་འདུན་དང་འགན་འཁྲི་བརྟན་སྲུང་གིས་རང་ངོས་ཀྱི་ལེགས་ཆ་བཏོན་གནང་བའི་ཁར། ཚང་མའི་སྣེ་ཁྲིད་དེ་ཤེས་ལྡན་པ་རང་རྟེན་གསོ་སྐྱོང་བྱེད་སྟངས་མུ་མཐུད་འཚོལ་ཞིབ་གསར་གཏོད་དང་། རིག་ཚན་སྤེལ་རེས་དང་གསར་གཏོད་གསར་ཤོས་ལ་སྐུལ་འདེད། ཆུ་ཚད་མཐོ་བའི་ཤེས་ལྡན་པ་གསོ་སྐྱོང་དང་ཚན་རྩལ་གསར་གཏོད་རྟེན་གཞི་འཛུགས་གཏོད་བཅས་གནང་ནས། ཆུ་ཚད་མཐོ་བའི་ཚན་རྩལ་རང་ཚུགས་རང་དར་དང་སློབ་གསོའི་རྒྱལ་ཁབ་སྟོབས་ཆེན་དང་ཚན་རྩལ་གྱི་རྒྱལ་ཁབ་སྟོབས་ཆེན་འཛུགས་སྐྲུན་ཆེད་ལེགས་སྐྱེས་གསར་པ་འབུལ་རྒྱུའི་རེ་བ་ཡོད།

སྐུ་གཟུགས་གསལ་ཐང་དང་། བྱ་གཞག་ལམ་ལྷོངས། ཁྱིམ་ཚང་འཆམ་མཐུན་ཡོང་བའི་སྨོན་འདུན་ཞུ་གི་ཡིན།

ཞི་ཅིན་ཕིང་།

2024ལོའི་ཟླ་6ཚེས་11ཉིན།

(ཤིན་ཧྭ་གསར་འགྱུར་ཁང་པེ་ཅིང་ནས་ཟླ་6ཚེས་12ཉིན་འབྱོར་བའི་གློག་འཕྲིན)

ཤིན་ཧྭ་གསར་འགྱུར་ཁང་པེ་ཅིང་ནས་ཟླ་6ཚེས་12ཉིན་གློག་འཕྲིན་འབྱོར་གསལ། ཉེ་ཆར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་ཀྲུང་གོ་ཚན་རིག་ཁང་གི་ཡོན་ཧྲི་དང་ཆིང་ཧྭ་སློབ་ཆེན་གྱི་དགེ་རྒན་ཆེ་མོ་བ་ཡའོ་ཆི་ཀྲི་ལ་འཕྲིན་ལན་སྤྲིངས་ཏེ། ཁོང་ལ་ལྷག་བསམ་ཟོལ་མེད་ཀྱི་འཚམས་འདྲི་ཞུས་པ་དང་འབྲེལ་རེ་བ་ནན་པོ་ཡང་བཏོན་གནང་ཡོད།

ཞི་ཅིན་ཕིང་གིས་འཕྲིན་ལན་ནང་། ཁྱེད་རང་མེས་རྒྱལ་ལ་ཕྱིར་ལོག་གནང་ནས་དགེ་རྒན་གྱི་ལས་ལ་གཞོལ་བའི་ལོ་ཉི་ཤུའི་རིང་། རྒྱལ་གཅེས་ཀྱི་བརྩེ་སེམས་དེ་རྒྱལ་ཁབ་ལ་དྲིན་ལན་འཇལ་བའི་བྱ་སྤྱོད་དུ་འགྱུར་བ་བྱས་ཏེ། ཆིང་ཧྭ་སློབ་ཆེན་དུ་བློ་རྩེ་གཅིག་སྒྲིམ་གྱིས་འབད་འབུངས་དང་སྐད་གྲགས་མེད་པར་ལེགས་སྐྱེས་ཕུལ་ཡོད་ལ། དཔེ་ཁྲིད་མི་སྐྱོང་དང་ཚན་ཞིབ་གསར་གཏོད་ལའང་གྲུབ་འབྲས་གཡུར་དུ་ཟ་བ་ཐོབ་ཡོད་པས་ཁྱེད་ལ་ལྷག་བསམ་ཟོལ་མེད་ངང་འཚམས་འདྲི་ཞུ་གི་ཡིན་ཞེས་འཁོད་ཡོད།

ཞི་ཅིན་ཕིང་གིས་ཁྱེད་ཀྱིས་ཐོག་མའི་བསམ་འདུན་དང་འགན་འཁྲི་བརྟན་སྲུང་གིས་རང་ངོས་ཀྱི་ལེགས་ཆ་བཏོན་གནང་བའི་ཁར། ཚང་མའི་སྣེ་ཁྲིད་དེ་ཤེས་ལྡན་པ་རང་རྟེན་གསོ་སྐྱོང་བྱེད་སྟངས་མུ་མཐུད་འཚོལ་ཞིབ་གསར་གཏོད་དང་། རིག་ཚན་སྤེལ་རེས་དང་གསར་གཏོད་གསར་ཤོས་ལ་སྐུལ་འདེད། ཆུ་ཚད་མཐོ་བའི་ཤེས་ལྡན་པ་གསོ་སྐྱོང་དང་ཚན་རྩལ་གསར་གཏོད་རྟེན་གཞི་འཛུགས་གཏོད་བཅས་གནང་ནས། ཆུ་ཚད་མཐོ་བའི་ཚན་རྩལ་རང་ཚུགས་རང་དར་ཡོང་བ་དང་སློབ་གསོའི་རྒྱལ་ཁབ་སྟོབས་ཆེན་དང་ཚན་རྩལ་གྱི་རྒྱལ་ཁབ་སྟོབས་ཆེན་འཛུགས་སྐྲུན་ཆེད་ལེགས་སྐྱེས་གསར་པ་འབུལ་རྒྱུའི་རེ་བ་ཡོད་ཅེས་ནན་བཤད་གནང་ཡོད།      

ཡའོ་ཆི་ཀྲི་ཡིས་དེ་སྔོན་ཨ་རིའི་མཐོ་སློབ་ཏུ་དུས་ཡུན་རིང་པོར་དགེ་རྒན་གནང་ཞིང་། 2004ལོར་མེས་རྒྱལ་ལ་ཕྱིར་ལོག་གནང་ནས་ཆིང་ཧྭ་སློབ་ཆེན་དུ་དགེ་རྒན་གྱི་ལས་ལ་གཞོལ། ད་ལྟ་ཆིང་ཧྭ་སློབ་ཆེན་མིས་བཟོས་རིག་ནུས་སློབ་གླིང་གི་ཡོན་ཀྲང་དང་ཆ་འཕྲིན་སྤེལ་རེས་ཞིབ་འཇུག་ཁང་གི་ཡོན་ཀྲང་རེད། ཉེ་ཆར། ཡའོ་ཆི་ཀྲི་ཡིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འཕྲིན་ཡིག་སྤྲིངས་ཏེ། མེས་རྒྱལ་དུ་ལོག་ནས་དགེ་རྒན་གྱི་ལས་ལ་གཞོལ་བའི་ལོ་20ཡི་རིང་ཤེས་ལྡན་པ་གསོ་སྐྱོང་དང་ཚན་ཞིབ་གསར་གཏོད་སོགས་ཀྱི་གནས་ཚུལ་སྙན་སེང་ཞུས་པའི་ཐོག་ནས། ཚན་རྩལ་ལ་བརྟེན་ཏེ་རྒྱལ་ཁབ་ལ་ཞབས་འདེགས་ཞུ་བ་དང་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་ཆེད་སྟོབས་ཤུགས་སྐྱེས་སུ་འབུལ་རྒྱུའི་ཆོད་སེམས་མཚོན་པར་གནང་ཡོད།