འདམ་གཞུང་རྫོང་གིས་ཆུ་ལོག་གི་གནོད་འཚེ་སྔོན་འགོག་གི་འཕྲལ་སྡོམ་ནང་སྦྱོང་བྱས་པ།
ཉེ་ཆར་འདམ་གཞུང་རྫོང་ཀོང་ཐང་ཤང་སྦྲ་ཁ་འདམ་གྲོང་ཚོར་འདམ་གཞུང་རྫོང་གི་2024ལོའི་ལོ་འཁོར་གྱི་ཆུ་ལོག་གནོད་འཚེ་སྔོན་འགོག་གི་འཕྲལ་སྡོམ་ནང་སྦྱོང་བྱས་ནས་རྒྱ་ཆེའི་འབྲོག་པ་མང་ཚོགས་ཚོས་ཆུ་ལོག་གནོད་འཚེ་སྔོན་འགོག་གི་རྒྱུན་ཤེས་ཤེས་རྟོགས་དང་། རིམ་དབྱེའི་སྔོན་བརྡ་ཤེས་རྟོགས། ཚན་རིག་དང་མཐུན་པའི་སྒོ་ནས་གནོད་འཚེ་སྔོན་འགོག་དང་ཉེན་གཡོལ་བྱ་ཐབས་ཁོང་དུ་ཆུད་པ་བཅས་བྱས་ཏེ་འདམ་གཞུང་རྫོང་གི་ཆུ་ལོག་གི་གནོད་འཚེ་འགོག་པའི་སྔོན་བརྡའི་མ་ལག་གི་ཉེར་སྤྱོད་རང་བཞིན་དང་གློ་བུར་དུ་ཐོན་པའི་ཆུ་ལོག་གི་གནོད་འཚེར་ཁ་གཏད་གཅོག་པའི་འཕྲལ་སྡོམ་ནུས་པར་ཞིབ་བཤེར་བྱས་པ་རེད།
ད་ཐེངས་ནང་སྦྱོང་བྱས་པ་བརྒྱུད། འདམ་གཞུང་རྫོང་གི་རྒྱ་ཆེའི་ཞིང་འབྲོག་མང་ཚོགས་ཚོས་ཆུ་ལོག་གི་གནོད་འཚེ་སྔོན་འགོག་དང་། ཉེན་གཡོལ་འདུ་ཤེས། རང་སྐྱོབ་དང་སྐྱོབ་རེས་ཀྱི་ནུས་པ་བཅས་དང་དེ་བཞིན་འདམ་གཞུང་རྫོང་གིས་ཆུ་ལོག་གི་གནོད་འཚེར་ཁ་གཏད་གཅོག་པའི་འཕྲལ་སྡོམ་ནུས་པ་དང་ཆུ་ཚད་མཐོ་རུ་ཕྱིན་ནས་གནོད་འཚེ་ཐོན་སྐབས་ཚན་རིག་དང་མཐུན་པ་དང་། བདེ་འཇགས། ནུས་ཆེ་བཅས་ཀྱི་སྒོ་ནས་ཆུ་ལོག་སོགས་རང་བྱུང་གནོད་འཚེར་ཁ་གཏད་བཅག་ནས་མི་དམངས་ཀྱི་ཚེ་སྲོག་དང་རྒྱུ་ནོར་ལ་གྱོང་གུན་མི་ཕོག་པར་རྨང་གཞི་བརྟན་པོ་བཏིང་བ་རེད།