ཉིན་ཤས་གོང་། བོད་ལྗོངས་ནག་ཆུ་གྲོང་ཁྱེར་ཨ་མདོ་རྫོང་ཐུག་ཧྲོམ་གྱི་ཀྲའོ་ཝ་125ཡི་འོད་ཤུགས་དང་ཀྲའོ་ཝ་50ཡི་འོད་དྲོད་གཞི་གཅིག་ཅན་གྱི་རྣམ་གྲངས་སྐྲུན་འགོ་ཚུགས་ཤིང་། རྣམ་གྲངས་དེའི་སྤྱིའི་གློག་འདོན་ཚད་ཀྲའོ་ཝ་175དང་མ་འཇོག་བསྡོམས་འབོར་སྒོར་དུང་ཕྱུར་20.04ཙམ་ཟིན་ཡོད་པ་རེད། རྣམ་གྲངས་དེ་ཐོག་ནས་ཨ་མདོ་རྫོང་ལ་ནུས་རྒྱུ་གཙང་མའི་ཐོན་ལས་མེད་པ་ནས་ཡོད་པ་མངོན་འགྱུར་བྱུང་བ་མཚོན་པ་མ་ཟད། ད་དུང་གྲོང་ཁྱེར་ཡོངས་ཀྱི་འོད་ཤུགས་དང་འོད་དྲོད་གཞི་གཅིག་ཅན་གྱི་རྣམ་གྲངས་ཐོག་མ་སྐྲུན་འགོ་ཚུགས་པ་ཡང་མཚོན་ཡོད།

བོད་ལྗོངས་ནག་ཆུ་གྲོང་ཁྱེར་སྲིད་གྲོས་ཀྱི་ཀྲུའུ་ཞི་གཞོན་པ་དང་ཨ་མདོ་རྫོང་ཨུད་ཀྱི་ཧྲུའུ་ཅི་ཀའོ་ཅུན་ཐའོ་ཡིས། རྣམ་གྲངས་བསྐྲུན་རྗེས། སྔོན་དཔག་བྱས་ན་ལོ་རེར་གློག་ཏུའུ་དུང་ཕྱུར་4.4རེ་བཏང་ནས་ཚད་ལྡན་རྡོ་སོལ་ཏུན་ཁྲི་14.34གྲོན་ཆུང་ཐུབ་སྟེ། དབྱང་གཉིས་ཐཱན་འགྱུར་འབུད་ཚད་ཏུན་ཁྲི་43.15ཙམ་དང་། དབྱང་གཉིས་མུ་ཟི་འབུད་ཚད་ཏུན་1602.58ཙམ། ཏན་དབྱང་འགྱུར་རྫས་འབུད་ཚད་ཏུན་1661.25ཙམ་བཅས་ཉུང་དུ་འགྲོ་རྒྱུ་ཡིན་པས། རྫོང་ཁོངས་ཀྱི་ནུས་རྒྱུའི་གྲུབ་ཆ་ལེགས་སྒྲིག་བྱེད་པ་དང་། དཔལ་འབྱོར་དང་སྤྱི་ཚོགས་རྒྱུན་མཐུད་ཆོག་པའི་འཕེལ་རྒྱས་ལ་སྐུལ་འདེད་གཏོང་བ། རྫོང་ཡོངས་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་སྤེལ་གཏོང་བ་བཅས་ཀྱི་ཐད་དོན་སྙིང་གལ་ཆེན་ལྡན་ཡོད་ཅེས་ངོ་སྤྲོད་བྱས་པ་རེད།