འདི་ནི་དེ་ཉིན་C919རྟགས་ཅན་གྱི་འགྲུལ་སྐྱེལ་གནམ་གྲུ་ཆེ་གྲས་ནམ་མཁར་འཕུར་བཞིན་པ།

གསར་འགོད་པས་ཀྲུང་གོ་ཚོང་སྤྱོད་གནམ་གྲུ་ཚད་ཡོད་འགན་འཁྲི་ཀུང་སི་ནས་ཤེས་རྟོགས་བྱས་པར། ཀུང་སིའི་ARJ21རྟགས་ཅན་གྱི་གནམ་གྲུ་དང་C919རྟགས་ཅན་གྱི་འགྲུལ་སྐྱེལ་གནམ་གྲུ་ཆེ་གྲས་ཚེས་5ཉིན་ཧྲང་ཧའེ་ཕུའུ་ཏུང་གནམ་ཐང་དང་ཧྲན་ཏུང་ཏུང་དབྱིང་གནམ་ཐང་ནས་འཕུར་ཏེ་ཆུ་ཚོད་གཅིག་དང་ཕྱེད་ཀ་ཙམ་འཕུར་རྗེས་ཡུན་རིང་འཕུར་ཐུབ་པའི་མཁའ་འགྲུལ་སྣུམ་བླུགས་ནས་འཕུར་བའི་ལས་འགན་ཐོག་མ་ལེགས་གྲུབ་བྱུང་བ་རེད།

ཡུན་རིང་འཕུར་ཐུབ་པའི་མཁའ་འགྲུལ་གྱི་སྣུམ་ནི་བསྐྱར་སྐྱེས་རུང་བའི་མ་བཅོས་རྒྱུ་ཆ་ལས་བཟོས་པའི་གཤེར་གཟུགས་མཁའ་འགྲུལ་ཚབ་བྱེད་ཀྱི་སྣུམ་ཞིག་ཡིན་པ་དང་། དེ་སྲོལ་རྒྱུན་མཁའ་འགྲུལ་གྱི་སྣུམ་དང་བསྡུར་ན་གནམ་གྲུ་བེད་སྤྱོད་ཀྱི་དུས་འཁོར་ནང་ཐཱན་འབུད་ཚད་80%ཉུང་དུ་གཏོང་ཐུབ་ཀྱི་ཡོད། རྒྱལ་ཐོན་ཚོང་སྤྱོད་གནམ་གྲུ་གཉིས་ལ་བླུགས་པའི་ཡུན་རིང་འཕུར་ཐུབ་པའི་མཁའ་འགྲུལ་སྣུམ་ལ་ཀྲུང་གོ་རྡོ་སྣུམ་རྫས་འགྱུར་གྱི་རང་བརྟེན་ཞིབ་སྤེལ་གྱི་སྐྱེ་དངོས་མཁའ་འགྲུལ་རྡོ་སོལ་ཐོན་སྐྱེད་ཀྱི་ལག་རྩལ་སྤྱད་པ་དང་མ་བཅོས་རྒྱུ་ཆ་ནི་ཚལ་བརྔོས་པའི་སྣུམ་སྙིགས་རེད།