རང་སྐྱོང་ལྗོངས་ཏང་ཨུད་གཞུང་དོན་ཐིང་གིས་སྔར་ནས་བཟུང་མི་རིགས་མཐུན་སྒྲིལ་ཡར་ཐོན་དཔེ་བཟང་ཚན་པ་འཛུགས་གཏོད་ལས་དོན་ལ་མཐོང་ཆེན་བྱས་ནས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཟབ་ཏུ་གཏོང་རྒྱུ་དེ་དུས་རབས་གསར་པའི་མི་རིགས་ལས་དོན་ཡག་པོ་བསྒྲུབ་པའི་གཙོ་རྐང་དུ་བརྩིས་ནས་མི་རིགས་མཐུན་སྒྲིལ་ཡར་ཐོན་གྱི་སློབ་གསོ་དང་འཛུགས་གཏོད་ལས་དོན་ལ་སྐུལ་འདེད་ནུས་ལྡན་བཏང་བས། “ཁ་འབྲལ་ཐབས་མེད་པ་གསུམ”གྱི་བསམ་བློ་མི་སེམས་སུ་ཟུག་པ་དང“མོས་སེམས་ལྔ”ཟམ་མི་ཆད་པར་ཟབ་ཏུ་ཕྱིན་ཏེ། 2020ལོར་རྒྱལ་ཡོངས་ཀྱི་ཤེས་དཔལ་ཚན་པ་སྐབས་དྲུག་པའི་མཚན་སྙན་ཐོབ་པ་དང་2023ལོར“རང་སྐྱོང་ལྗོངས་མི་རིགས་མཐུན་སྒྲིལ་ཡར་ཐོན་དཔེ་བཟང་ཚན་པ་ཁག་དང་པོ”འཛུགས་གཏོད་བྱས་ཡོད།

ཆབ་སྲིད་ལ་མཐོང་ཆེན་དང་ཕྱོགས་ཡོངས་ལ་ལྟ་རྟོག་བྱ་རྒྱུ་མཐའ་འཁྱོངས་བྱས་ནས་མི་རིགས་མཐུན་སྒྲིལ་གྱི་ཆབ་སྲིད་རྨང་གཞི་བརྟན་དུ་བཏང་བ།

ལྗོངས་ཏང་ཨུད་གཞུང་དོན་ཐིང་གིས་མི་རིགས་ལས་དོན་ལ་ཤུགས་སྣོན་རྒྱག་པ་དང་ལེགས་སུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་དོན་གལ་ཆེན་ལག་བསྟར་དོན་འཁྱོལ་ནན་ཏན་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་ལག་བསྟར་བྱས་ཚུལ་ལ“ཕྱིར་མིག་ལྟ་བ” ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་ལག་བསྟར་དོན་འཁྱོལ་བྱས་ཚུལ་ལ་མུ་མཐུད་བཀོད་གཏོང་བཅས་བྱས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་བོད་དུ་གཞི་ཚུགས་པར་སྐུལ་འདེད་བཏང་ཡོད།

གཙོ་གནད་ལས་འགན་དོན་འཁྱོལ་ལ་སྐུལ་འདེད་གཏོང་ཆེད། ལྗོངས་ཏང་ཨུད་གཞུང་དོན་ཐིང་གི་འགན་འཁུར་བ་གཙོ་བོས་དངོས་སུ་དམ་འཛིན་དང་སྣེ་ཁྲིད་དམ་འཛིན་བྱས་ཏེ་ཐོག་མཐའ་བར་གསུམ་དུ་མི་རིགས་མཐུན་སྒྲིལ་ལ་ཤུགས་སྣོན་རྒྱག་རྒྱུ་དེ་གལ་ཆེའི་ནང་གི་འགངས་ཆེར་བརྩིས་ནས་ཉིན་རེའི་ལས་རིམ་གལ་ཆེན་ནང་བཅུག་པ་དང་ཐིང་ཡོངས་ཀྱི་ལས་དོན་ཁག་དང་མཉམ་དུ་ཇུས་འགོད་དང་། མཉམ་དུ་བཀོད་སྒྲིག མཉམ་དུ་ཞིབ་བཤེར། མཉམ་དུ་དོན་འཁྱོལ་བཅས་བྱས་ཏེ་རྟག་ཏུ་ལས་ཀའི་སྙན་སེང་ཉན་པ་དང་དུས་ཐོག་ཏུ་གནད་དོན་དངོས་ལ་ཞིབ་འཇུག་དང་ཐག་གཅོད་བྱེད་ཀྱི་ཡོད་པ་རེད། ཚན་ཁག་གི་ཁོངས་མིར་དམ་འཛིན་ཞིབ་ཕྲ་དང་ཁག་བགོས་དམ་འཛིན་བྱས་ཏེ་མི་རིགས་མཐུན་སྒྲིལ་ལས་དོན་ལ་སྤྱི་འདོམས་མཛུབ་ཁྲིད་བྱེད་ཤུགས་ཆེ་རུ་བཏང་བས། ཁུར་མཉམ་ལེན་དང་དོན་སྤྱི་སྒྲུབ་ཀྱི་རྣམ་པ་བཟང་པོ་ཞིག་ཆགས་ཡོད།