ཟླ་5ཚེས་29ཉིན་གསར་འགོད་པས་ལྷ་ས་གྲོང་ཁྱེར་ལུས་རྩལ་ཅུས་ནས་ཤེས་རྟོགས་བྱས་པར། 2024ལོའི་ལྷ་སའི་ལམ་ཕྱེད་མར་སུན་འགྲན་རྒྱུག་ཟླ་8ཚེས་17ཉིན་གྱི་སྔ་དྲོའི་ཆུ་ཚོད་9:00པར་བོད་རང་སྐྱོང་ལྗོངས་ཚོགས་འགྲེམས་ལྟེ་གནས་ནས་རྒྱུག་ཤར་གློད་འགོ་འཛུགས་རྒྱུ་རེད། 

ད་ཐེངས་ཀྱི་འགྲན་བསྡུར་དེ་ལྷ་ས་གྲོང་ཁྱེར་མི་དམངས་སྲིད་གཞུང་གིས་གཙོ་གཉེར་དང་། ལྷ་ས་གྲོང་ཁྱེར་ལུས་རྩལ་ཅུས་ཀྱིས་སྒྲུབ་འགན་འཁུར་བ། ཁྲེང་ཏུའུ་ཀྲུང་གོ་ལུས་རྩལ་བདེ་ཐང་ཆེ་མོའི་ལུས་རྩལ་རིག་གནས་བརྒྱུད་སྤེལ་ཚད་ཡོད་ཀུང་སིས་སྒྲིག་འཛུགས་བྱ་རྒྱུ་རེད།

འགྲན་རྒྱུག་ལ་ལམ་ཕྱེད་མར་སུན་འགྲན་རྒྱུག(སྤྱི་ལེ་21.0975)མི་2000དང་། མྱུར་ཚད་འགྲན་རྒྱུག(སྤྱི་ལེ་10.520)མི་500 བདེ་ཐང་འགྲན་རྒྱུག(སྤྱི་ལེ་5)མི་2500བཅས་རྣམ་གྲངས་ཁག་གསུམ་ཡོད་པ་རེད།