ཉེ་ཆར་རོ་མ་ནི་ཡའི་རྒྱལ་ས་པུ་ཆ་རེ་སི་ཐེ་གྲོང་ཁྱེར་ལྟེ་གནས་སུ་གནས་པའི་པུ་ཆ་རེ་སི་ཐེ་ཀྲུང་གོའི་རིག་གནས་ལྟེ་གནས་ཀྱི་སྒོ་བྱང་འགེལ་བའི་མཛད་སྒོ་འཚོགས་ཤིང་། རོ་མ་ནི་ཡ་ཕྱི་འབྲེལ་པུའི་རྒྱལ་དོན་དྲུང་ཡིག་ཧོ་ལི་སི་ཐའེ་ཡ་དང་རོ་མ་ནི་ཡར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཧན་ཁྲུན་ལིན་གྱིས་མཉམ་དུ་རིག་གནས་ལྟེ་གནས་ཀྱི་སྒོ་བྱང་བཀལ་བ་དང་ལས་རིགས་ཁག་གི་མི་སྣ་བརྒྱ་ལྷག་ཙམ་བྱེད་སྒོར་ཞུགས་ཡོད་པ་རེད།

ཧོ་ལི་སི་ཐའེ་ཡ་ཡིས་ཀྲུང་གོ་ནི་ཤེས་དཔལ་ལྡན་པའི་གནའ་བོའི་རྒྱལ་ཁབ་ཅིག་ཡིན་པས་དེའི་རིག་གནས་ལ་སློབ་སྦྱོང་དང་ཞིབ་འཇུག་བྱེད་རིན་ཡོད། རོ་མ་ནི་ཡ་དང་ཀྲུང་གོ་ཕྱོགས་གཉིས་ཀྱི་སློབ་གསོ་དང་སྒྱུ་རྩལ་སོགས་ཁྱབ་ཁོངས་ཀྱི་མཉམ་ལས་ལ་འཕེལ་རྒྱས་མངོན་གསལ་དོད་པོ་བྱུང་ཡོད། འབྱུང་འགྱུར་དཔལ་འབྱོར་ཚོང་དོན་དང་། རིག་གནས། སློབ་གསོ། ཡུལ་སྐོར་སོགས་ཁྱབ་ཁོངས་ཀྱི་སྤེལ་རེས་དང་མཉམ་ལས་སྔར་བས་གཏིང་ཟབ་ཏུ་འགྲོ་བའི་རེ་བ་ཡོད་ཅེས་བརྗོད་པ་རེད།