འདི་ནི་ཟླ་5ཚེས་26ཉིན། ཨན་ཧུའེ་ཞིང་ཆེན་ཁྲའོ་ཧུའུ་གྲོང་ཁྱེར་ཐུང་དབྱང་གྲོང་རྡལ་ཧྥེང་ཧོང་གྲོང་ཚོར་ཞིང་འཕྲུལ་བཏང་ནས་གྲོ་སྡུད་བཞིན་པ།

འདི་ནི་ཟླ་5ཚེས་26ཉིན། ཀྲེ་ཅང་ཞིང་ཆེན་ཅ་ཤིང་གྲོང་ཁྱེར་ནན་ཧུའུ་ཆུས་ཡུས་ཤིན་གྲོང་རྡལ་ཅིན་ཤིང་གྲོང་ཚོར་ཞིང་འཕྲུལ་བཏང་ནས་གྲོ་སྡུད་བཞིན་པ།

འདི་ནི་5ཚེས་27ཉིན། ཧོ་ནན་ཞིང་ཆེན་རུའུ་དབྱང་རྫོང་ཐའོ་ཡིང་གྲོང་ཚོར་རུའུ་དབྱང་རྫོང་གློག་གཏོང་ཀུང་སིའི་ཅའོ་ཡུས་ལུའུ་གུང་ཁྲན་ཏང་ཡོན་ཞབས་ཞུ་རུ་ཁག་གི་རུ་མིས་ཞིང་པར་གྲོ་བསྡུ་རོགས་བྱེད་བཞིན་པ།

ཟླ་5ཚེས་27ཉིན་གྱི་ཆུ་ཚོད་17ཙམ་ལ། རྒྱལ་ཡོངས་ཀྱི་ས་གནས་ཁག་གིས་དགུན་གྲོ་མུའུ་ཁྲི་6000ལྷག་ཙམ་བསྡུས་པ་དང་། ཉིན་རེར་འཕྲུལ་འཁོར་གྱིས་གྲོ་བརྔ་བསྡུ་བྱེད་ཚད་ཉིན་བཞི་བསྟུད་མར་མུའུ་ཁྲི་400ལྷག་ཙམ་ཟིན་ཏེ་རྒྱལ་ཡོངས་ཀྱི“དབྱར་གསུམ”རིང་ཞིང་འཕྲུལ་གྱིས་གྲོ་བརྔ་བསྡུའི་ལས་དོན་ཁྱོན་ཡོངས་ནས་སྤེལ་འགོ་ཚུགས་ཡོད།