ཧྥུའུ་ཅན་གྱི“ཚོགས་སྒྲིག་རྣམ་པའི”སློབ་གསོའི་བོད་སྐྱོར་གྱིས་ལྷོ་རོང་རྫོང་དུ“སློབ་ཁྲིད་དང་ཟབ་སྦྱོང”གི་བྱེད་སྒོ་སྤེལ་བ།
ཉེ་ཆར། ལྷོ་རོང་རྫོང་དམའ་རིམ་སློབ་འབྲིང་གི་སློབ་གསོ་སློབ་ཁྲིད་སྤུས་ཚད་མཐོ་རུ་གཏོང་བ་དང་དགེ་རྒན་གྱི་ཆེད་ལས་ཅན་གྱི་འཕེལ་རྒྱས་ལ་སྐུལ་འདེད་གཏོང་ཆེད། ལྷོ་རོང་རྫོང་གིས་ཧྥུའུ་ཅན་གྱི“ཚོགས་སྒྲིག་རྣམ་པའི”སློབ་གསོའི་བོད་སྐྱོར་ལས་དོན་རུ་ཁག་གིས་གྲོང་གསེབ་ཏུ“སློབ་ཁྲིད་དང་ཟབ་སྦྱོང”བྱེད་པའི་རང་སྐྱོང་ལྗོངས་དང་གྲོང་ཁྱེར་རིམ་པའི་ཞིབ་འཇུག་ལས་གཞིའི་བགྲོ་གླེང་བྱེད་སྒོ་སྤེལ་བ་རེད།
ཧྥུའུ་ཅན་གྱི“ཚོགས་སྒྲིག་རྣམ་པའི”སློབ་གསོའི་བོད་སྐྱོར་ཚོགས་པས་ལྷོ་རོང་རྫོང་སློབ་འབྲིང་གི“མི་རིགས་མཐུན་སྒྲིལ་ལས་དོན་གྱི་འགྲེམས་པང”དང“ཆོན་ལྷོ་ལས་དབང་ཐང་ཆེན”སོགས་ལ་ལྟ་སྐོར་བྱས་ནས་སློབ་གྲྭའི་མི་རིགས་མཐུན་སྒྲིལ་དང་རིག་གནས་འཛུགས་སྐྱོང་གི་གྲུབ་འབྲས་ཤེས་རྟོགས་བྱས་པ་རེད། བྱེད་སྒོ་སྤེལ་རིང་། བོད་སྐྱོར་ཚོགས་པས་འོས་འགན་སློབ་གསོའི་ཚད་ལྡན་སློབ་ཚན་རྨང་གཞིར་བྱས་ཤིང་། སློབ་ཚན་གྱི་ཚད་གཞི་གསར་པའི་འདུ་ཤེས་ལ་དམ་པོར་དམིགས་ཏེ་ལྷོ་རོང་རྫོང་སློབ་འབྲིང་གི་སློབ་དཔྱོད་ཚོགས་ཆུང་དབར་རིག་ཚན་སློབ་ཁྲིད་ཐད་དུ་ཞིབ་འཇུག་སྤེལ་རེས་བྱས་པ་རེད། བོད་སྐྱོར་ཚོགས་པས་ད་དུང་ལྷོ་རོང་རྫོང་སློབ་འབྲིང་དུ“སློབ་ཁྲིད་དང་ཟབ་སྦྱོང”གི་ཡོངས་བསྒྲགས་སློབ་ཚན་དང་ཆེད་དོན་འཆད་ཁྲིད་བྱས་པ་རེད།
“ཧྥུའུ་ཅན་དང་ཆབ་མདོའི་གྲགས་ཅན་དགེ་རྒན་གྱི་ལས་དོན་ཁང”གི་སྒོ་བྱང་བཀལ་ནས་ས་གནས་དེ་གའི་དགེ་རྒན་ལ་ཧྥུའུ་ཅན་ཞིང་ཆེན་གྱི་ཕུལ་བྱུང་སློབ་གསོའི་ལས་དོན་པ་དང་སྤེལ་རེས་སློབ་སྦྱོང་བྱེད་པའི་ལས་སྟེགས་མཁོ་འདོན་བྱས་པ་མ་ཟད། དེ་ལས་ཧྥུའུ་ཅན་དང་ལྷོ་རོང་རྫོང་དབར་གྱི་སློབ་གསོའི་ཁྱབ་ཁོངས་ཀྱི་མཉམ་ལས་དུས་མཚམས་གསར་པ་ཞིག་ཏུ་སླེབས་པའང་མཚོན་པ་རེད།