ཧྲན་ཏུང་བོད་སྐྱོར་གྱིས་གཞིས་རྩེ་གྲོང་ཁྱེར་བུད་མེད་དང་བྱིས་པའི་འཕྲོད་སྦྱོར་ཁང་ལ“རྨང་གཞི་གསུམ”གྱི་གསོ་སྦྱོང་བྱས་པ།
གསོ་རིག་གི“རྨང་གཞི་གསུམ”(རྨང་གཞིའི་རིགས་པའི་གཞུང་ལུགས་དང་། རྨང་གཞིའི་ཤེས་བྱ། རྨང་གཞིའི་རྩལ་ནུས)གྱི་གསོ་སྦྱོང་དང་དཔྱད་ཞིབ་ནི་སྨན་དོན་མི་སྣའི་ལས་སྒོའི་བྱང་ཚད་ཕྱོགས་ཡོངས་ནས་མཐོ་རུ་གཏོང་བའི་ཐབས་ལམ་དང་བྱ་ཐབས་གལ་ཆེན་ཞིག་ཡིན་ལ། འཕྲོད་སྦྱོར་ཁང་གི་སྨན་བཅོས་ཆུ་ཚད་མཐོ་རུ་གཏོང་བའི་འགན་ལེན་གལ་ཆེན་ཞིག་ཀྱང་རེད།
ཉེ་ཆར་གཞིས་རྩེ་གྲོང་ཁྱེར་བུད་མེད་དང་བྱིས་པའི་འཕྲོད་སྦྱོར་ཁང་གིས་སྨན་ཁང་རིམ་པའི“རྨང་གཞི་གསུམ”གྱི་གསོ་སྦྱོང་བྱས་པར་ལས་གནས་སུ་ཡོད་པའི་སྨན་དོན་མི་སྣ་ཡོངས་ཞུགས་པ་དང་། དཔྱད་ཞིབ་ལོན་ཚད་100%ཟིན་ཡོད།
ཧྲན་ཏུང་སྨན་བཅོས་བོད་སྐྱོར་གྱིས་ཐོག་མཐའ་བར་གསུམ་དུ་གཞིས་རྩེ་གྲོང་ཁྱེར་བུད་མེད་དང་བྱིས་པའི་འཕྲོད་སྦྱོར་ཁང་གི་སྨན་དོན་མི་སྣའི་གསོ་སྦྱོང་ལས་དོན་ལ་ཚད་མཐོའི་མཐོང་ཆེན་བྱས་ནས་འཕྲོད་སྦྱོར་ཁང་དང་ཚན་ཁག་རིམ་གཉིས་གསོ་སྦྱོང་དཔྱད་ཞིབ་རྩ་འཛུགས་བཙུགས་ཏེ་རིམ་པ་མང་བ་དང་ཕྱོགས་ཡོངས་ནས་འཕྲོད་སྦྱོར་ཁང་གི་སྨན་དོན་ལག་རྩལ་མི་སྣ་ཡོངས་ལ་གསོ་སྦྱོང་དང་དཔྱད་ཞིབ་བྱས་པ་མ་ཟད། དོན་འཁྱོལ་ལ་ལྟ་སྐུལ་ནན་པོ་བྱས་པ་དང་དཔྱད་ཞིབ་གྲུབ་འབྲས་མི་སྒེར་གྱི་ལོ་མཇུག་གི་དཔྱད་ཞིབ་དང་། གོ་མིང་སྤོར་བ། ལས་ཀའི་གྲུབ་འབྲས་བཅས་དང་ཟུང་འབྲེལ་བྱས་ཏེ“རྨང་གཞི་གསུམ”གྱི་གསོ་སྦྱོང་ཕན་འབྲས་འགན་ལེན་བྱས་ཡོད། གོམ་སྟབས་རྗེས་མར། ཧྲན་ཏུང་གི་སྨན་བཅོས་བོད་སྐྱོར་གྱིས་ད་དུང་སྨན་བཅོས་ཆེད་ལས་ཤེས་ལྡན་མི་སྣར་གསོ་སྦྱོང་བྱེད་ཤུགས་སྔར་བས་ཆེ་རུ་བཏང་ནས་ནམ་ཡང་གནས་ཐུབ་པའི་སྨན་བཅོས་དཔུང་ཁག་ཅིག་བསྐྲུན་རྒྱུ་རེད།