ཚེས་24ཉིན་ཀྲུང་ཧྭ་རྒྱལ་ཡོངས་གསར་འགྱུར་ལས་དོན་པའི་མཐུན་ཚོགས་རྒྱལ་སྤྱི་འབྲེལ་གཏུག་པུས་གཙོ་གཉེར་བྱས་པའི་ཀྲུང་གོ་དང་ཡོ་རོབ་དབུས་ཤར་རྒྱལ་ཁབ་ཀྱི་གསར་འགོད་པའི་གྲལ་སྒོར་ཚོགས་འདུ་ཀྲེ་ཅང་ཞིང་ཆེན་ཉིང་པོ་གྲོང་ཁྱེར་དུ་འཚོགས་པ་དང་། ཀྲུང་གོ་དང་དེ་བཞིན་སེར་པི་ཡ་དང་ཧང་ག་རི་སོགས་ཡོ་རོབ་དབུས་ཤར་གྱི་རྒྱལ་ཁབ་14ནས་ཡོང་བའི་སྨྱན་སྦྱོར་གསར་འགོད་པ་40ལྷག་ཙམ་གྱིས“སྨྱན་སྦྱོར་མཉམ་ལས་གཏིང་ཟབ་ཏུ་བཏང་ནས་འཕེལ་རྒྱས་ཀྱི་གོ་སྐབས་མཉམ་སྤྱོད་བྱེད་པའི”བརྗོད་དོན་གཙོ་བོར་དམིགས་ནས་སྤེལ་རེས་དང་བགྲོ་གླེང་བྱས་པ་རེད།

ད་ཐེངས་ཀྱི་གྲལ་སྒོར་ཚོགས་འདུ་ནི་ཀྲུང་གོ(ཉིང་པོ)དང་ཡོ་རོབ་དབུས་ཤར་རྒྱལ་ཁབ་ཀྱི་སྤེལ་རེས་གཟའ་འཁོར་གྱི་བྱེད་སྒོ་གལ་ཆེན་ཞིག་རེད། གྲལ་སྒོར་ཚོགས་འདུ་འཚོགས་པའི་སྔ་རྗེས་སུ་ཀྲུང་གོ་དང་ཡོ་རོབ་དབུས་ཤར་རྒྱལ་ཁབ་མཉམ་ལས་ཀྱི་དྲུང་ཡིག་ཁྲུའུ་དང་ཀྲུང་ཧྭ་རྒྱལ་ཡོངས་གསར་འགྱུར་ལས་དོན་པའི་མཐུན་ཚོགས་ཀྱིས་མཉམ་འབྲེལ་ཐོག་ཡོ་རོབ་དབུས་ཤར་རྒྱལ་ཁབ་ཀྱི་གསར་འགོད་པའི་ཚོགས་པ་ཀྲུང་གོར་འཚམས་འདྲིར་སྐྱོད་པའི་བྱེད་སྒོ་སྤེལ་བ་དང་། གསར་འགོད་པའི་ཚོགས་པ་སྔ་རྗེས་སུ་པེ་ཅིང་དང་། ཀོང་ཏུང་། ཀྲེ་ཅང་། ཧྲང་ཧའེ། ཧོ་པེ་སོགས་སུ་བསྐྱོད་དེ་བརྗོད་དོན་གཙོ་བོའི་གསར་འགྱུར་བཅར་འདྲི་བྱས་པ་རེད།