གསར་འགོད་པར་ཀྲུང་གོ་ལྕགས་ལམ་ཁུན་མིང་ཅུས་ཚོགས་པ་ཚད་ཡོད་ཀུང་སི(གཤམ་དུ“རྒྱལ་ཁབ་ལྕགས་ལམ་ཁུན་མིང་ཅུས”ཞེས་བསྡུ་རྒྱུ)ནས་ཤེས་རྟོགས་བྱུང་བར། ཟླ་5ཚེས་21ཉིན་བར། རིམ་རྩིས་བྱས་ན་ཀྲུང་ལོའི་ལྕགས་ལམ་ཐོག་འགྲུལ་སྐྱེལ་མེ་འཁོར་ཐེངས་50187བཏང་བ་དང་འགྲུལ་པ་མི་ཐེངས་ཁྲི་3405སྐྱེལ་འདྲེན་བྱས་ནས་རྒྱལ་ཁབ་གཉིས་པོའི་མི་དམངས་ལ་སྟབས་བདེ་དང་ནུས་ཆེའི་འགྲུལ་བཞུད་གདམ་ག་མཁོ་འདོན་བྱས་ཡོད།

རྒྱལ་ཁབ་ལྕགས་ལམ་ཁུན་མིང་ཅུས་འགྲུལ་སྐྱེལ་པུའི་འབྲེལ་ཡོད་འགན་འཁུར་བས་ཀྲུང་ལོའི་ལྕགས་ལམ་གྱི་འགྲུལ་སྐྱེལ་ཕན་ནུས་སྔར་བས་ཆེ་རུ་དང་རྒྱལ་མཚམས་སྒྲོལ་བའི་འགྲུལ་བཞུད་སྟབས་བདེར་གཏོང་ཆེད། 2023ལོའི་ཟླ་4ཚེས་13ཉིན་ཀྲུང་ལོའི་ལྕགས་ལམ་གྱིས་ཁུན་མིང་ནས་ཝན་ཐེན་བར་གྱི་རྒྱལ་སྤྱིའི་འགྲུལ་སྐྱེལ་མེ་འཁོར་ཐོག་མར་བཏང་བ་བརྒྱུད་ཕུའུ་ཨེར་དང་། ཤིས་ཧྲོང་པན་ན། ལང་པོ་ལ་པང་། ཝན་ཐེན་སོགས་ཡུལ་སྐོར་གྲོང་ཁྱེར་གྲགས་ཅན་གྱི་ཡུལ་སྐོར་ཐོན་ལས་འཕེལ་རྒྱས་ལ་སྐུལ་འདེད་ཤུགས་ཆེན་ཐེབས་ནས་འཛད་སྤྱོད་ཀྱི་སྒུལ་ཤུགས་གསར་པ་འཕེལ་ཡོད།

འགྲུལ་པའི་འགྲུལ་བཞུད་ཉམས་ལེན་རྒྱུན་ཆད་མེད་པར་ལེགས་སུ་གཏོང་ཆེད། རྒྱལ་ཁབ་ལྕགས་ལམ་ཁུན་མིང་ཅུས་ཀྱིས་ཞབས་ཞུའི་རྣམ་པ་ཟམ་མི་ཆད་པར་གསར་གཏོད་བྱས་ནས་འགྲུལ་སྐྱེལ་ཐོན་རྫས་མཁོ་སྤྲོད་མ་ལག་ལེགས་སུ་ཧུར་ཐག་བཏང་ཡོད། འགྲུལ་སྐྱེལ་སྤ་སེ་སྔོན་འཚོང་དང་རྗེས་གསབ་ཀྱི་གྲངས་གཞི་ཆེན་པོར་བརྟེན་ནས་འགུལ་རྣམ་ལ་དབྱེ་ཞིབ་བྱས་པ་བརྒྱུད། མེ་འཁོར་གཏོང་བ་དང་སྤ་སེ་འཚོང་བའི་ཐབས་ཇུས་ལེགས་སྒྲིག་བྱས་ཏེ། “ཉིན་གཅིག་ལ་ལམ་ཐིག་གཅིག”གི་སྟབས་བསྟུན་བཀོད་གཏོང་བྱེད་སྟངས་ལག་བསྟར་བྱས་ནས་སྐྱེལ་འདྲེན་ནུས་པ་གང་ལེགས་ཡོང་བའི་འགན་ལེན་བྱས་ཡོད།