ཀྲུང་ཙན་མཉམ་ལས་ཀྱི་སྤུས་ཚད་མཐོ་བའི་འཕེལ་རྒྱས་གླེང་སྟེགས་ཙན་པི་ཡར་འཚོགས་པ།
ཤིན་ཧྭ་གསར་འགྱུར་ཁང་གྲོང་ཁྱེར་ལུ་ས་ཁ་ནས་གློག་འཕྲིན་འབྱོར་གསལ། ཉེ་ཆར། ཙན་པི་ཡའི་རྒྱལ་ས་ལུ་ས་ཁ་རུ་ཀྲུང་ཙན་མཉམ་ལས་ཀྱི་སྤུས་ཚད་མཐོ་བའི་འཕེལ་རྒྱས་གླེང་སྟེགས་འཚོགས་ཤིང་། རྒྱལ་ཁབ་གཉིས་ཀྱི་ལས་རིགས་ཁག་གི་འཐུས་ཚབ་ཁྱོན་སྟོང་ལྷག་ཙམ་མཉམ་དུ་འཛོམས་ཏེ་མཛའ་བརྩེ་དང་། མཉམ་ལས། འབྱུང་འགྱུར་བཅས་ཀྱི་སྐོར་གླེང་མོལ་བྱས་པ་རེད།
ཙན་པི་ཡའི་ཙུང་ཐུང་ཤིས་ཆི་ལའེ་མཱ་དང་རྒྱལ་སྲིད་ལས་ཁུངས་ཀྱི་པུའུ་ཀྲང་18གླེང་སྟེགས་ནང་ཞུགས་ཤིང་། ཤིས་ཆི་ལའེ་མཱ་ཡིས། ད་རེས་ཀྱི་གླེང་སྟེགས་ནི་ན་ནིང་ཟླ་9པར་ང་རང་ཀྲུང་གོར་འཚམས་འདྲིར་བསྐྱོད་པའི་གྲུབ་འབྲས་དོན་འཁྱོལ་བྱེད་པའི་བྱ་ཐབས་གལ་ཆེན་ཞིག་ཡིན། མིག་སྔར་ཙན་པི་ཡར་ཐན་སྐྱོན་གྱི་ཉམས་སད་འཕྲད་བཞིན་ཡོད་པས། ཙན་ཀྲུང་དབར་གྱི་དངོས་སྒྲུབ་མཉམ་ལས་གྲུབ་འབྲས་ལས་ཙན་པི་ཡ་དཀའ་ངལ་ནས་ཐར་རྒྱུར་ཕན་པ་ཡོད། རྒྱལ་ཁབ་གཉིས་ཀྱི་ཁེ་ལས་ལས་རིགས་ཀྱིས་ད་ཐེངས་ཀྱི་གླེང་སྟེགས་ལ་བརྟེན་ནས་མཉམ་ལས་ཀྱི་གོ་སྐབས་དམ་འཛིན་ཧུར་ཐག་བྱ་རྒྱུའི་རེ་བ་ཡོད། ཙན་པི་ཡས་ཀྲུང་གོས་མ་འཇོག་དེ་བས་མང་བ་བྱས་ནས་ཙན་པི་ཡའི་ཐོན་ལས་ཀྱི་ཟུར་སྣོན་རིན་ཐང་མཐོ་རུ་གཏོང་རོགས་བྱས་ཏེ། ཙན་པི་ཡའི་གཞོན་ནུ་ཚོར་ལས་ཞུགས་དང་ལས་གཏོད་ཀྱི་གོ་སྐབས་དེ་བས་མང་བ་གཏོད་རྒྱུའི་རེ་བ་ཡོད་ཅེས་བརྗོད་པ་རེད།