མཚོ་སྔོན་ཉིན་རེའི་ཚཌ་པར་ཐོག་གནས་ཚུལ་སྤེལ་བར་གཞིཌ་ན། ཟླ་5ཚེས་17ཉིན་གསར་འགོད་པར་མཚོ་སྔོན་ཞིང་ཆེན་འཕྲོད་བསྟེན་བདེ་ཐང་ཨུ་ལྷན་ནས་ཤེས་རྟོགས་བྱུང་བར། ཞིང་ཆེན་དེའི་དམ་ཚགས་རྣམ་པའི་རྫོང་ཁོངས་སྨན་བཅོས་གཅིག་མཐུན་ཚོགས་པ་འཛུགས་རྒྱུར་སྐུལ་འདེད་གཏོང་ཆེད། ཞིང་ཆེན་འཕྲོད་བསྟེན་བདེ་ཐང་ཨུ་ལྷན་གྱིས་ཞིང་ཨུད་སྒྲིག་གཞི་གཞུང་ལས་ཁང་དང་། ཞིང་ཆེན་འཕེལ་སྒྱུར་ཨུ་ལྷན། ཞིང་ཆེན་ནོར་སྲིད་ཐིང་སོགས་སྡེ་ཚན་9དང་མཉམ་འབྲེལ་ཐོག 《མཚོ་སྔོན་ཞིང་ཆེན་གྱི་དམ་ཚགས་རྣམ་པའི་རྫོང་ཁོངས་སྨན་བཅོས་འཕྲོད་བསྟེན་གཅིག་མཐུན་ཚོགས་པ་འཛུགས་རྒྱུར་ཕྱོགས་ཡོངས་ནས་སྐུལ་འདེད་གཏོང་བའི་ལག་བསྟར་ཇུས་གཞི》(གཤམ་དུ《ལག་བསྟར་ཇུས་གཞི》ཞེས་བསྡུ་རྒྱུ)བཟོས་ནས་བཀྲམ་སྟེ། 2025ལོར་སླེབས་སྐབས་སྨན་བཅོས་གཅིག་མཐུན་ཚོགས་པའི་འཁོར་སྐྱོད་དོ་དམ་ལམ་སྲོལ་ཕྱོགས་ཡོངས་ནས་ཆགས་ཐུབ་པ་དང་རྫོང་ཁོངས་ཀྱི་ཞབས་ཞུའི་ནུས་པ་མངོན་གསལ་དོད་པོས་ཆེ་རུ་གཏོང་དགོས་ལུགས་ཁ་གསལ་བཏོན་ཡོད། 2030ལོར་སླེབས་སྐབས་ལེ་ལག་ཆ་ཚང་དང་། ལས་བགོས་ཁ་གསལ། ནུས་པ་གསབ་རེས། མཉམ་ལས་དམ་ཟབ། འཁོར་སྐྱོད་ནུས་ཆེ་བཅས་ཀྱི་རྫོང་ཁོངས་ཀྱི་སྨན་བཅོས་འཕྲོད་བསྟེན་ཞབས་ཞུའི་མ་ལག་ཕྱོགས་ཡོངས་ནས་བསྐྲུན་ཏེ་ཞིང་ཆེན་དེའི་མང་ཚོགས་ལ་སྔར་བས་སྤུས་ལེགས་ཀྱི་སྨན་བཅོས་ཞབས་ཞུ་མཁོ་འདོན་ཐུབ་རྒྱུ་རེད།

《ལག་བསྟར་ཇུས་གཞིའི》ནང་རྫོང་སྲིད་གཞུང་ནི་སྨན་བཅོས་གཅིག་མཐུན་ཚོགས་པ་འཛུགས་པའི་འགན་འཁྲིའི་བྱེད་པོ་ཡིན་པ་ཁ་གསལ་བཏོན་ཡོད། རྫོང་ཁག་གིས་སྲིད་གཞུང་དང་། ལས་ཁུངས་སྒྲིག་ཁོངས། འཕེལ་རྒྱས་སྒྱུར་བཅོས། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་། ནོར་སྲིད། ཞིང་ལས་གྲོང་གསེབ། འཕྲོད་བསྟེན་བདེ་ཐང་། སྨན་བཅོས་འགན་བཅོལ། སྨན་རྫས་ལྟ་སྐུལ་སོགས་སྡེ་ཚན་དང་དེ་བཞིན་ཤང་གྲོང་དང་། ཁྲོམ་གཞུང་། སྨན་བཅོས་གཅིག་མཐུན་ཚོགས་པའི་ཁོངས་མིའི་ཚན་པ་བཅས་མཉམ་དུ་ཞུགས་པའི་སྨན་བཅོས་གཅིག་མཐུན་ཚོགས་པ་འཛུགས་རྒྱུར་སྐུལ་འདེད་གཏོང་བའི་ལམ་སྲོལ་འཛུགས་དགོས། སྨན་བཅོས་གཅིག་མཐུན་ཚོགས་པ་འཛུགས་པའི་དབང་ཆ་དང་། འགན་འཁྲི། ཁེ་ཕན་བཅས་ཀྱི་འབྲེལ་བ་གསལ་པོ་བཟོས་ནས་སྲིད་གཞུང་གིས་སྨན་བཅོས་གཅིག་མཐུན་ཚོགས་པ་འཛུགས་པ་དང་། སྨན་བཅོས་གཅིག་མཐུན་ཚོགས་པའི་ནང་ཁུལ་དུ་འཁོར་སྐྱོད་དོ་དམ་བྱེད་པ། ཕྱི་ཕྱོགས་བཅོས་སྐྱོང་བཅས་ཀྱི་དབང་ཆ་དང་འགན་འཁྲིའི་གསལ་ཐོ་གསུམ་བཟོ་བ་དང་འཐུས་སྒོ་ཚང་དུ་གཏོང་དགོས། སྨན་བཅོས་གཅིག་མཐུན་ཚོགས་པའི་ནང་སྨན་བཅོས་འགན་བཅོལ་ཐེབས་རྩའི་གྲོན་དངུལ་གྱི་བསྡོམས་འབོར་ནས་སྨན་རིན་སྤྲོད་རྒྱུ་ཁྱབ་གདལ་གཏོང་རྒྱུ་ཁ་གསལ་བཟོ་དགོས། སྨན་བཅོས་འཕྲོད་བསྟེན་སྒྲིག་གཞིས་ད་ལྟ་ལག་བསྟར་བྱེད་བཞིན་པའི་བྱ་གཞག་ཚན་པའི་གླ་ཕོགས་སྙོམས་སྒྲིག་ཆུ་ཚད་ལས་བརྒལ་ནས་སྨན་བཅོས་ཞབས་ཞུའི་ཡོང་འབབ་ཀྱི་མ་གནས་འཐེན་པ་མ་ཟད། གཏན་འབེབས་ལྟར་ཐེབས་རྩ་ཁག་བླངས་རྗེས་མི་སྣར་བྱ་དགའ་སྤྲོད་པར་གཙོ་བོ་སྤྱོད་ཆོག་པ་ཁ་གསལ་བཏོན་ཡོད།