ཀྲུང་གོའི་ལུགས་ཀྱི་དེང་རབས་ཅན་ལ་གོ་བ་ལེན་པ།
ཀྲུང་གོ་དང་ཧྥ་རན་སེའི་གཞོན་ནུའི་གླེང་མོལ་ཚོགས་འདུ་ཕ་རི་སིར་འཚོགས་པ།
ཟླ་5ཚེས་5ཉིན། ཀྲུང་གོ་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་དང་ཕ་རི་སིའི་ཆབ་སྲིད་སློབ་ཆེན་གྱི་སློབ་གྲོགས་ཚོགས་འདུ་དང་ཕ་རི་སིའི་མཉམ་འབྲེལ་རྒྱལ་ཁབ་ཀྱི་སློབ་གྲྭའི་དབར་གྱི་ཨུ་ཡོན་ལྷན་ཁང་དང་དེ་བཞིན་ཀྲུང་གོ་ཅིས་ནན་སློབ་ཆེན་གྱིས་གཙོ་གཉེར་བྱས་པའི“ཀྲུང་གོའི་ལུགས་ཀྱི་དེང་རབས་ཅན་ལ་གོ་བ་ལེན་པ་དང་། ཀྲུང་གོ་དང་ཧྥ་རན་སེའི་གཞོན་ནུའི་གླེང་མོལ་ཚོགས་འདུ”ཕ་རི་སིར་འཚོགས་པ་རེད།
གླེང་མོལ་ཚོགས་འདུའི་ཐོག་རྒྱལ་ཁབ་གཉིས་པོའི་གཞོན་ནུ་མཁས་དབང་དང་རིག་གནས་ཕོ་ཉ་སོགས་ཀྱིས་གཞོན་ནུའི་ལྟ་ཕྱོགས་ཀྱི་ཀྲུང་གོའི་ལུགས་ཀྱི་དེང་རབས་ཅན་ལ་བགྲོ་གླེང་ཧུར་ཐག་བྱས་ཏེ་གླེང་མོལ་ཚོགས་འདུས་ཕན་ཚུན་མཉམ་འགྲོགས་དང་རྒྱུས་མངའ་ལོན་པའི་མཛའ་གྲོགས་ཀྱི་ལམ་བུ་ཞིག་འབྱེད་པ་དང་ཕན་ཚུན་བསམ་ཤེས་དང་མོས་སེམས་ཟབ་ཏུ་གཏོང་བའི་ངོས་འཛིན་བྱས་ཁར་ཚང་མས་ཀྲུང་གོའི་ལུགས་ཀྱི་དེང་རབས་ཅན་གྱིས་ཀྲུང་གོར་ཕན་བདེ་བསྐྲུན་པ་མ་ཟད། འཛམ་གླིང་ལའང་གོ་སྐབས་དེ་བས་མང་བ་བཏོད་ཡོད་ཅེས་གཅིག་རྗེས་གཉིས་མཐུད་ངང་བཤད། བྱེད་སྒོ་སྤེལ་ཡུལ་དུ་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་ཡོ་རོབ་སྤྱི་ཁྱབ་ས་ཚིགས་དང་། ཀྲུང་གོ་རྒྱལ་ཁབ་གསར་གཏོད་དང་འཕེལ་རྒྱས་འཐབ་ཇུས་ཞིབ་འཇུག་ཁང་། ཅིས་ནན་སློབ་ཆེན་བཅས་ཀྱིས་མཉམ་འབྲེལ་ཐོག《ཀྲུང་ཧྥའི་གཞོན་ནུའི་ཀྲུང་གོའི་ལུགས་ཀྱི་དེང་རབས་ཅན་གྱི་བརྟག་ཞིབ་སྙན་ཞུ》ཡོངས་བསྒྲགས་བྱས་པ་རེད།