བོད་རང་སྐྱོང་ལྗོངས་སློབ་གསོ་ཐིང་གིས་གཙོ་གཉེར་བྱས་པ་དང་།　བོད་རང་སྐྱོང་ལྗོངས་སློབ་གསོ་ཚན་རིག་ཞིབ་འཇུག་ཁང་དང་བོད་ལྗོངས་མཛེས་རྩལ་ཁང་གིས་གཉེར་འགན་འཁུར་བའི“མི་ཚང་མར་རང་ཉིད་ཀྱི་མི་ཚེའི་ངོ་མཚར་གཏོད་པའི་གོ་སྐབས་ཡོད”ཅེས་པའི་བོད་ཀྱི་དམིགས་བསལ་སློབ་གསོ་སློབ་གྲྭའི་སློབ་མའི་རི་མོའི་བརྩམས་ཆོས་འགྲེམས་སྟོན་སྐབས་དང་པོ་བོད་ལྗོངས་མཛེས་རྩལ་ཁང་དུ་གཉེར་བ་དང་།　དེའི་དམིགས་ཡུལ་ནི་མི་དེ་བས་མང་བས་དམིགས་བསལ་སློབ་གསོའི་རིན་ཐང་ཤེས་རྟོགས་ཐུབ་ནས།　དམིགས་བསལ་བྱིས་པ་དེ་བས་མང་བར་སྒྱུ་རྩལ་གྱི་སྦྲེལ་ཟམ་བཏོད་ནས།　རང་ཉིད་ཀྱི་འཇོན་ཐང་དང་མི་ཚེའི་རིན་ཐང་མངོན་པར་བྱེད་པ་དང་ཆབས་ཅིག　དམིགས་བསལ་སློབ་གསོའི་སློབ་མར་སྤེལ་རེས་སློབ་སྦྱོང་གི་ལས་སྟེགས་ཤིག་ཀྱང་མཁོ་འདོན་བྱ་ཆེད་ཡིན་པ་རེད།

ཤེས་རྟོགས་བྱུང་བར་གཞིགས་ན།　ད་ཐེངས་ཀྱི་འགྲེམས་སྟོན་ནང་ཁྱོན་མི་400ལྷག་ཙམ་ཞུགས་པ་དང་འགྲེམས་སྟོན་དེ་ཟླ་5ཚེས་6ཉིན་བར་བྱེད་རྒྱུ་རེད།　འགྲེམས་སྟོན་བྱེད་རིང་ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭ་དང་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་སློབ་ཆུང་གི་རི་མོའི་དགེ་རྒན་གྱིས་སློབ་མ་སྒྲིག་འཛུགས་བྱས་ནས་རིང་ཚད་སྨི་10ཡོད་པའི་རི་མོའི་ཤོག་དྲིལ་ཞིག་བྲིས་ནས་ད་ཐེངས་ཀྱི་བརྩམས་ཆོས་འགྲེམས་སྟོན་ནང་ལག་རྟགས་སུ་ཕུལ་ཡོད།