ཤིན་ཧྭ་གསར་འགྱུར་ཁང་གྲོང་ཁྱེར་ཐ་ཧྲི་ཀན་ནས་གློག་འཕྲིན་འབྱོར་གསལ། ཉེ་ཆར། ཀྲུང་གོ་ནུས་རྒྱུ་འཛུགས་སྐྲུན་ཚོགས་པ་ཚད་ཡོད་ཀུང་སི་ཀེ་ཀྲོའུ་པཱ་ཆུ་རགས་ཕྱི་རྒྱལ་མ་འཇོག་ཚད་ཡོད་ཀུང་སི་ཡིས་མ་འཇོག་བྱས་ནས་སྐྲུན་པའི་ཨུ་ཟ་བྷེ་ཁི་སི་ཐན་གྱི་ཨན་ཅི་ཡན་ཀྲོའུ་ལུའོ་ཆི་ནུས་གསོག་རྣམ་གྲངས་སྐྲུན་འགོ་ཚུགས་པའི་མཛད་སྒོ་འཚོགས་ཤིང་། དེ་ཐོག་ནས་ཨུ་ཟ་བྷེ་ཁི་སི་ཐན་གྱི་སྐྲུན་འགོ་ཚུགས་པའི་ཕྱི་རྒྱལ་ཚོང་པའི་མ་འཇོག་གློག་དྲ་དང་རྫས་འགྱུར་ནུས་གསོག་རྣམ་གྲངས་དང་པོ་བདེ་བླག་ངང་ལག་བསྟར་བྱས་པ་མཚོན་ཡོད།

ཨུ་ཟ་བྷེ་ཁི་སི་ཐན་ནུས་རྒྱུ་པུའི་པུའུ་ཀྲང་སྨིར་ཀྲ་མཱ་ཧོ་མུའུ་ཏུའོ་ཧྥུའུ་དང་། ཀྲུང་གོ་ནུས་རྒྱུ་འཛུགས་སྐྲུན་ཚོགས་པ་ཚད་ཡོད་ཀུང་སི་ཀེ་ཀྲོའུ་པཱ་ཆུ་རགས་ཕྱི་རྒྱལ་མ་འཇོག་ཚད་ཡོད་ཀུང་སིའི་ཏུང་ཧྲི་ཀྲང་ལིན་ཞའོ་ཏན། ཨན་ཅི་ཡན་ཀྲོའུ་ཡི་ཀྲོའུ་ཀྲང་ཨ་པུའུ་ཏུའུ་ལཱ་ཧོ་མོ་ནུའོ་ཧྥུའུ་སོགས་མཛད་སྒོར་ཞུགས་པ་དང་འབྲེལ་ཤིས་ཚིག་ཀྱང་བསྒྲོན་པ་རེད།

ལུའོ་ཆི་ནུས་གསོག་རྣམ་གྲངས་ནི་ཀྲུང་གོའི་ཁེ་ལས་ཀྱིས་ཕྱི་རྒྱལ་དུ་མ་འཇོག་བྱས་པའི་གཞི་ཁྱོན་ཆེ་ཤོས་ཀྱི་རྫས་འགྱུར་ནུས་གསོག་རྣམ་གྲངས་ཤིག་ཡིན་ལ། ཀྲུང་གོ་ནུས་རྒྱུ་འཛུགས་སྐྲུན་ཚོགས་པ་ཚད་ཡོད་ཀུང་སིས་ཕྱི་རྒྱལ་གྱི་ནུས་གསོག་མ་འཇོག་རྣམ་གྲངས་ཐོག་མ་དེའང་ཡིན་པ་རེད།

ཤེས་རྟོགས་བྱུང་བར་གཞིགས་ན། ཨན་ཅི་ཡན་ཀྲོའུ་ཨ་ས་ཁཱ་ས་ཁུལ་དུ་གནས་པའི་ལུའོ་ཆི་གསོག་ནུས་རྣམ་གྲངས་ཀྱི་ས་བཟུང་རྒྱ་ཁྱོན་སྤྱི་ཆིང་6ཙམ་ཟིན་གྱི་ཡོད་པ་དང་། མ་དངུལ་བསྡོམས་འབོར་ཨ་སྒོར་དུང་ཕྱུར་1.4གཏོང་རྩིས་ཡོད་པ་མ་ཟད། སྔོན་དཔག་བྱས་ན་2024ལོའི་ལོ་མཇུག་ཏུ་བསྐྲུན་ཟིན་རྒྱུ་ཡིན་པ་རེད། རྣམ་གྲངས་བསྐྲུན་རྗེས་གནས་སའི་ས་ཁོངས་ཀྱི་གློག་ཤུགས་ནུས་པ་དང་སྙོམས་སྒྲིག་ནུས་པ་ཆེ་རུ་ནུས་ལྡན་ཕྱིན་ནས་གློག་ཤུགས་མ་ལག་ནུས་ཆེ་དང་བརྟན་པོའི་ངང་འཛུགས་སྐྲུན་བྱེད་པར་སྐུལ་མ་ཤུགས་ཆེན་ཐེབས་རྒྱུ་རེད།