ཁྲུང་ཆིང་གསོ་རིག་ཚན་ཁག་སློབ་ཆེན་གྱི་ཞོར་གཏོགས་སྨན་ཁང་དང་པོའི་རུས་ནད་ཚན་ཁག་གི་སྨན་པ་རབ་འབྱམས་པ་ཁྲེང་ཆང་2021ལོར་ཆབ་མདོ་གྲོང་ཁྱེར་སྨར་ཁམས་རྫོང་དུ་ཐེངས་དང་པོ་ཡོང་བ་རེད། སྐབས་དེ་དུས་ཁོང་གིས་བོད་ཀྱི་མི་སེར་ཚོར་རང་ཉིད་ཀྱི་ནུས་པས་ལྕོགས་ཚོད་ཀྱིས་བྱ་བ་སྒྲུབ་འདོད་པའི་བསམ་བློ་འཁོར།

2022ལོའི་ཟླ་6པར། ཁྲེང་ཆང་གིས་ཁྲུང་ཆིང་གྲོང་ཁྱེར་འཕྲོད་བསྟེན་བདེ་ཐང་ཨུ་ལྷན་གྱི་བཀའ་རྒྱ་དང་ལེན་ཞུས་ཏེ། ཆབ་མདོ་གྲོང་ཁྱེར་མི་དམངས་སྨན་ཁང་རུས་ནད་ཚན་ཁག་ཏུ་དུས་ཡུན་ལོ་གཅིག་གི་སྨན་བཅོས་ལས་དོན་སྤེལ།

ཁྲེང་ཆང་བོད་དུ་ཡོང་རྗེས། ཁོང་གིས་གཞི་རིམ་དུ་འོས་འགན་སྨན་བཅོས་དང་རོགས་སྐྱོར་བྱེད་སྒོ་སྤེལ་ནས། ཆབ་མདོ་གྲོང་ཁྱེར་གྱི་གྲུམ་བུ་ཚིགས་ཆེན་ནད་ཚུད་པའི་རུས་ཚིགས་ནད་ཀྱི་ཁྱད་ཆོས་ལ་ཤེས་རྟོགས་གང་ལེགས་ཐུབ་པ་བྱས། མཐར་རང་ཉིད་ཀྱི་ཆེད་ལས་ཁྱད་ཆོས་ལ་གཞིགས་ནས་རུས་ནད་ཚན་ཁག་དང་ལྷག་དོན་དུ་རུས་ཚིགས་ཕྱི་ནད་ཚན་ཁག་ཆེད་ལས་ཀྱི་འབྲེལ་ཡོད་གཤགས་བཅོས་ལས་དོན་གོ་རིམ་ལྡན་པའི་ངང་སྤེལ་བ་རེད།

“རྒན་ཁྲེང་ཆང་ལགས་ཀྱི་ལྟ་སྐུལ་འོག ང་རང་ལོ་འདི་གར་འབྲིང་རིམ་སྨན་པ་བཀའ་བཅུ་པའི་རྒྱུགས་འཕྲོད་པ་མ་ཟད། ད་དུང་འདི་ལོ་རྒན་ལགས་དང་མཉམ་དུ་རང་སྨན་ཁང་གི་ཚབ་བྱས་ནས་2023ལོའི་ཆབ་མདོའི‘རྨང་གཞི་གསུམ་དང་ནན་པོ་གསུམ’གྱི་འགྲན་བསྡུར་ཆེན་པོ་སྐབས་དང་པོར་ཞུགས་པས་གྲོང་ཁྱེར་ཡོངས་ཀྱི་ཚོགས་པའི་ཨང་དང་པོ་ཐོབ་བྱུང”ཞེས་ཆབ་མདོ་གྲོང་ཁྱེར་མི་དམངས་སྨན་ཁང་རུས་ནད་ཚན་ཁག་གི་སྨན་པ་ལི་ཞའོ་པིན་གྱིས་བཤད།

2023ལོའི་ཟླ་5པར། བོད་སྐྱོར་ལས་དོན་ལེགས་སྒྲུབ་བྱས་ནས་ཁྲེང་ཆང་ཁྲུང་ཆིང་དུ་ལོག་པ་རེད། མ་གཞི་ཁོང་ཁྲུང་ཆིང་དུ་ཡོད་མོད། ས་མཐོར་བཅངས་པའི་བརྩེ་བ་ནམ་ཡང་དོར་མེད། ཁོང་གིས་ཁྲུང་ཆིང་གྲོང་ཁྱེར་གྱི“ཚོགས་སྒྲིག་རྣམ་པའི”སྨན་བཅོས་བོད་སྐྱོར་རུ་ཁག་ཁག་བཅུ་པས་སྨན་བཅོས་ཤེས་ལྡན་པ་འདེམས་ཀྱི་ཡོད་པ་ཤེས་སྐབས། བོད་སྐྱོར་ལ་གཏོང་རྒྱུའི་རེ་ཞུ་ཕུལ་ཞིང་། 2023ལོའི་ཟླ་7པར་ཁྲེང་ཆང་གངས་ལྗོངས་ས་མཐོར་ཐེངས་གསུམ་པ་སླེབས།

བོད་སྐྱོར་ལོ་2ཙམ་བྱེད་རིང་། ཁྲེང་ཆང་གིས་རིམ་རྩིས་བྱས་ན་གཤགས་བཅོས་པ་གཙོ་བོའི་ཐོག་ནས་རུས་ཚིགས་ནད་གཤགས་བཅོས་ཐེངས་120ལྷག་ཙམ་བྱས་པའི་ཁྲོད། རྨ་ཆུང་པུས་ཚིགས་བརྗེ་བའི་གཤགས་བཅོས་ཐེངས་90ལྷག་ཙམ་དང་། རུས་ཚིགས་རྨ་ཆུང་གཤགས་བཅོས་ཐེངས་15ལྷག་ཙམ། དེ་མིན་གྱི་གཤགས་བཅོས་ཐེངས་15ལྷག་ཙམ་བཅས་བྱས་ཡོད། ཡུལ་དེའི་ནད་པའི་ཁྱད་ཆོས་ལ་གཞིགས་ནས་ཁོང་གིས་ཡུལ་དེའི་རུས་ནད་ཚན་ཁག་གི་ཚོགས་པའི་སྣེ་ཁྲིད་དེ་བོད་ཀྱི་གཤགས་བཅོས་ཐོག་མ་ཚུད་པའི་གསར་གཏོད་ལས་དོན་ཁག་11སྤེལ་བ་རེད།