འདི་ནི་2022ལོའི་ཟླ་4པར། ལྷ་ས་གྲོང་ཁྱེར་སློབ་མའི་མཉམ་འབྲེལ་ལྷན་ཚོགས་ཀྱིས“ཏང་གི་ཚོགས་ཆེན་ཉི་ཤུ་པ་དགའ་བས་བསུ། ནམ་ཡང་ཏང་གི་རྗེས་སུ་འབྲང་། རྒྱང་ལམ་གསར་པར་མདུན་སྐྱོད་བྱེད”ཅེས་པའི་བརྗོད་དོན་གཙོ་བོའི་སྡེ་ཚོགས་ཉིན་མོའི་བྱེད་སྒོ་སྤེལ་བ།

འདི་ནི་2022ལོའི་ཟླ་7པར། སྡེ་ཚོགས་སྟོད་ལུང་བདེ་ཆེན་ཆུས་ཨུད་ཀྱིས“ཀུན་སེམས་གཅིག་ཏུ་བསྒྲིལ་ནས་བདུན་གཅིག་ལ་རྟེན་འབྲེལ་ཞུ། ཏང་གི་ཚོགས་ཆེན་ཉི་ཤུ་པ་དགའ་བས་བསུ”ཞེས་པའི་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་བ།

འདི་ནི་2019ལོའི་ཟླ་11པར། སྡེ་ཚོགས་སྟག་རྩེ་ཆུས་ཨུད་ཀྱིས་སྟག་རྩེ་ཆུས་སློབ་འབྲིང་དུ་ཁྲིམས་སྐྱོང་སྒྲོག་འགྲེལ་བྱེད་སྒོ་སྤེལ་བ།

འདི་ནི་2021ལོའི་ཟླ་5པར། ལྷ་ས་གྲོང་ཁྱེར་གཞོན་ནུ་ལོ་ཆུང་ལས་དོན་ཨུ་ལྷན་གྱིས“ང་ཡིས་ཏང་གི་གཏམ་རྒྱུད་ཤོད”ཅེས་པའི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་100འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་70འཁོར་བར་རྟེན་འབྲེལ་ཞུ་བའི་བརྗོད་དོན་གཙོ་བོའི་རུ་ཁག་གི་སློབ་ཚན་འཚོགས་པ།

འདི་ནི་2023ལོའི་ཟླ་3པར། སྡེ་ཚོགས་སྟོད་ལུང་བདེ་ཆེན་ཆུས་ཨུད་ཀྱིས་རྒུ་རུམ་གྲོང་རྡལ་རོང་མ་ས་བབ་མཐོ་བའི་སྐྱེ་ཁམས་གནས་སྤོ་ཁུལ་དུ་དང་བླངས་ཞབས་ཞུའི་བྱེད་སྒོ་སྤེལ་བ།

འདི་ནི་2021ལོའི་ཟླ་9པར། སྡེ་ཚོགས་ཁྲེང་ཀོན་ཆུས་ཨུད་ཀྱིས“དགུ་པའི་ཚེས་དགུའི་དུས་ཆེན། བརྩེ་སེམས་ཟབ་མོ་མཚོན་པར་བྱེད”དང“གྲོང་ཁྱེར་གྱི་མཛེས་བཟོ་མཁན་ལ་དགའ་གཅེས་བྱེད། དང་བླངས་ཞབས་ཞུའི་བྱ་སྤྱོད་སྤེལ་བཞིན་ཡོད”ཅེས་པའི་བྱེད་སྒོ་སྤེལ་བ།

འདི་ནི་2023ལོའི་ཟླ་2པར། སྡེ་ཚོགས་ལྷ་ས་གྲོང་ཨུད་དང་ཀྲུང་དབྱང་མི་རིགས་སློབ་ཆེན་སེ་འབྲུའི་ལག་ལེན་ཚོགས་པས་ལྷ་སར“རྒྱལ་ཁབ་ཀྱི་སྤྱི་སྐད་ཁྱབ་གདལ་བཏང་ནས་ཀྲུང་ཧྭ་མི་རིགས་ཀྱི་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བའི”བརྟག་ཞིབ་དང་དང་བླངས་ཞབས་ཞུའི་བྱེད་སྒོ་སྤེལ་བ།

2019ལོ་ནས་བཟུང་གུང་གཞོན་སྡེ་ཚོགས་ལྷ་ས་གྲོང་ཁྱེར་ཨུ་ལྷན(གཤམ་དུ“སྡེ་ཚོགས་ལྷ་ས་གྲོང་ཨུད་ཅེས་བསྡུ་རྒྱུ)གྱིས་གཞུང་འཁྱོངས་གསར་འབྱེད་དང་ངར་སེམས་ཆེར་སྐྱེད་ཀྱིས་སྡེ་ཚོགས་ཀྱི་གཙོ་འགན་གཙོ་ལས་ལ་དམ་པོར་དམིགས་པ་དང“རང་བཞིན་གསུམ”ཆེ་རུ་དང“ཅན་བཞི”མངོན་འགྱུར་དམིགས་ཚད་བླང་བྱ་ལག་བསྟར་མཐའ་གཅིག་ཏུ་བྱས་ཏེ“ལྟེ་བ་སྟོབས་ཆེར་གཏོང་བའི”འཐབ་ཇུས་ལ་དམ་པོར་དམིགས་པ་དང“བྱ་སྤྱོད་ཆེ་གྲས་བདུན”ལ་སྐུལ་འདེད་གཏིང་ཟབ་བཏང་སྟེ། ལྷ་ས་གྲོང་ཁྱེར་གྱི་རྒྱ་ཆེའི་སྡེ་ཚོགས་ཀྱི་ཚོགས་མི་དང་གཞོན་ནུ་ཚོར་མཐུན་སྒྲིལ་དང་སྣེ་ཁྲིད་བྱས་ནས་མུ་མཐུད་འབད་འཐབ་དང་འགན་འཁྲི་འཁུར་ནས། སྤྱི་ཚོགས་རིང་ལུགས་དེང་རབས་ཅན་གྱི་ལྷ་ས་གསར་པ་ཕྱོགས་ཡོངས་ནས་སྐྲུན་པར་ལང་ཚོའི་སྟོབས་ཤུགས་ལེགས་སྐྱེས་སུ་ཕུལ་བ་རེད།

ཐབས་མང་མཉམ་སྤྱོད་ཀྱིས་གཞོན་ནུ་ལོ་ཆུང་གི་བསམ་བློ་ཆབ་སྲིད་ཀྱི་ཁྲིད་སྟོན་ལ་ཤུགས་སྣོན་བརྒྱབ་པ།

ལོ་ལྔའི་རིང་སྡེ་ཚོགས་ལྷ་ས་གྲོང་ཨུད་ཀྱིས་གཞོན་ནུ་ལོ་ཆུང་གི་རྒྱལ་གཅེས་རིང་ལུགས་ཀྱི་སློབ་གསོ་དང་མི་རིགས་མཐུན་སྒྲིལ་གྱི་སློབ་གསོ་ཐོག་མཐའ་བར་གསུམ་དུ་མཐའ་འཁྱོངས་བྱས་ནས་གཞོན་ནུ་ལོ་ཆུང་གི་བསམ་བློ་ཆབ་སྲིད་ཀྱི་གནས་ཚུལ་ལ་བརྟག་དཔྱད་ཞིབ་འཇུག་དང་། གཞོན་ནུ་ལོ་ཆུང་གི་དྲ་རྒྱའི་དྲིལ་བསྒྲགས་རྒྱ་ཁྱབ་ངང་ཁྱབ་གདལ་བཏང་ནས། གུང་གཞོན་སྡེ་ཚོགས་ཀྱི་སྨྱན་སྦྱོར་གསར་པའི་ལས་སྟེགས་ཀྱི་དྲིལ་བསྒྲགས་དང་བསམ་བློ་རིག་གནས་ཀྱི་གཡུལ་ས་འཛུགས་སྐྱོང་ལ་མུ་མཐུད་སྐུལ་འདེད་བཏང་བ་རེད།

སྡེ་ཚོགས་ལྷ་ས་གྲོང་ཨུད་ཀྱིས“རུ་ཁག་དང་། ཨང་རྟགས། འཇོན་ཐང་ཅན། ལས་གནས། འགྲན་བསྡུར”སོགས“གཞོན་ནུ་རྟགས་ཅན”གྱི་སྤུས་རྟགས་འཛུགས་གཏོད་ལས་དོན་ལ་སྐུལ་འདེད་ཤུགས་ཆེན་བཏང་ནས“སྐེ་དར་དམར་པོ་ཀྲུང་གོའི་ཕུགས་འདུན་དང་མཉམ་དུ་འགྲོགས”དང“ཏང་གི་ཚོགས་ཆེན་ཉི་ཤུ་པ་དགའ་བས་བསུ། ནམ་ཡང་ཏང་གི་རྗེས་སུ་འབྲང་། རྒྱང་ལམ་གསར་པར་མདུན་སྐྱོད་བྱེད”སོགས་ཀྱི་བྱེད་སྒོ་ཐེངས་130ལྷག་ཙམ་རྒྱ་ཁྱབ་ངང་སྤེལ་བ་དང་། རྒྱུན་རྣམ་ཅན་གྱི་སྒོ་ནས“གཞོན་ནུའི་སློབ་སྦྱོང་ཆེ་མོའི”དྲ་ཐོག་གི་བརྗོད་དོན་གཙོ་བོའི་གུང་གཞོན་སྡེ་ཚོགས་ཀྱི་སློབ་ཚན་འཚོགས་པ་དང་དེའི་ནང་ཞུགས་མཁན་མི་ཐེངས་ཁྲི་20ཟིན་པ། “གཞོན་ནུའི་མར་ཁེ་སིའི་རིང་ལུགས་ཀྱི་གསོ་སྐྱོང་འདུ་འགོད”ཀྱི་དུས་ཐེངས་18གསར་གཏོད་བྱས་ནས་སྤེལ་རྒྱུ་མཐའ་འཁྱོངས་བྱས་པ་རེད།

ལོ་ལྔའི་རིང་སྡེ་ཚོགས་ལྷ་ས་གྲོང་ཨུད་ཀྱིས་གཞི་རིམ་གྱི་འཐབ་ས་དང་པོའི་ངལ་རྩོལ་པ་དང་གསར་དར་ཁྱབ་ཁོངས་སོགས་ཀྱི་གཞོན་ནུའི་འཐུས་མི་གཞོན་ནུ་མཉམ་འབྲེལ་ལྷན་ཚོགས་ཀྱི་ཨུ་ཡོན་ལ་རྒྱ་ཁྱབ་ངང་བསྡུས་ནས། གཞོན་ནུ་སྡེ་ཚོགས་ཁྲོད་རྒྱལ་གཅེས་རིང་ལུགས་ཀྱི་འཐབ་ཕྱོགས་གཅིག་གྱུར་གྱི་སློབ་གསོ་རྒྱ་ཁྱབ་ངང་སྤེལ་བ་རེད།

ཞབས་འདེགས་ཞུ་རྒྱ་ཆེ་རུ་བཏང་ནས་གཞོན་ནུ་ལོ་ཆུང་འཚར་ལོངས་ཡོང་བར་སྐུལ་འདེད་བཏང་བ།

ལོ་ལྔའི་རིང་སྡེ་ཚོགས་ལྷ་ས་གྲོང་ཨུད་ཀྱིས《བོད་རང་སྐྱོང་ལྗོངས་ཀྱི་དུས་ཡུན་རིང་འབྲིང་གི་གཞོན་ནུ་འཕེལ་རྒྱས་འཆར་འགོད》ལག་བསྟར་ལ་སྐུལ་འདེད་གཏོང་རྒྱུ་གཅིག་འདོམས་བྱས་ནས། གཞོན་ནུ་ལོ་ཆུང་གི་སློབ་སྦྱོང་འཚར་ལོངས་དང་། ལུས་སེམས་བདེ་ཐང་། གཉེན་སྒྲིག་དང་གྲོགས་པོ་སྒྲིག་པ། སྤྱི་ཚོགས་ནང་མཉམ་འདྲེས། སྤྱི་ཚོགས་ནང་ཞུགས་པ་སོགས་ཐད་ཀྱི་ཡོངས་ཁྱབ་ཀྱི་འདུན་པར་བརྟག་དཔྱད་ཞིབ་འཇུག་བྱས་ཏེ། གཞོན་ནུ་ལོ་ཆུང་གི་དཀའ་ངལ་དང་། འཕྲལ་མཁོ། སེམས་ཁྲལ། རེ་སྒུག་བཅས་ཀྱི་གནད་དོན་ལ་དམིགས་ནས་ཞབས་ཞུའི་རྣམ་གྲངས་རྒྱ་ཆེར་བཏང་བ་རེད།

སྡེ་ཚོགས་ལྷ་ས་གྲོང་ཨུད་ཀྱིས“སྡེ་ཚན་མང་པོ་མཉམ་འགུལ་དང་། གཞི་རྟེན་མང་པོ་མཐུན་སྦྱོར། སྲིད་ཇུས་མང་པོ་གཅིག་འདུས”སོགས་ཀྱི་བྱེད་ཐབས་བརྒྱུད། སྤྱི་ཚོགས་ཀྱི་ཐོན་ཁུངས་བསྡུ་སྒྲིལ་བྱས་ནས་གཞོན་ནུ་ཚོར་ལྷ་སའི་ཕུགས་འདུན་མངོན་འགྱུར་དང་ལྷ་སར་གཞི་ཚུགས་པར་རོགས་རམ་བྱས་ཡོད། མ་དངུལ་སྒོར་ཁྲི་1558དང་རྫོང(ཆུས)གི་ལྷན་སྦྱར་མ་དངུལ་སྒོར་ཁྲི་400ལྷག་ཙམ་བརྩོན་ལེན་བྱས་ནས་གཞོན་ནུ་གསར་གཏོད་ལས་གཏོད་ལ་ཞུགས་རྒྱུར་རྒྱབ་སྐྱོར་ཤུགས་ཆེན་བྱས་ཏེ། གཞོན་ནུ་ཁྲི་20ལྷག་ཙམ་དང་རྣམ་གྲངས་820ལྷག་ཙམ་ལྷ་ས་གྲོང་ཁྱེར་གྱི་གཞོན་ནུའི་གསར་གཏོད་ལས་གཏོད་འགྲན་བསྡུར་ཆེ་མོར་ཞུགས་རྒྱུའི་སྐུལ་སློང་བྱས་པ་དང་། གཞོན་ནུའི་གསར་གཏོད་རྣམ་གྲངས་164ལ་འགྲན་བསྡུར་ཆེ་མོའི་རྒྱབ་སྐྱོར་མ་དངུལ་སྒོར་ཁྲི་758ཐོབ་ཡོད་པ་རེད།

སྡེ་ཚོགས་ནན་པོས་བསྐྱངས་ཏེ་གཞི་རིམ་གྱི་སྡེ་ཚོགས་རྩ་འཛུགས་སྒྱུར་བཅོས་གཏིང་ཟབ་ཏུ་བཏང་བ།

ལོ་ལྔའི་རིང་། སྡེ་ཚོགས་ལྷ་ས་གྲོང་ཨུད་ཀྱིས་གཞི་རིམ་གྱི་སྡེ་ཚོགས་རྩ་འཛུགས་སྒྱུར་བཅོས་ལས་དོན་ལ་སྐུལ་འདེད་བཏང་བ་དང་དོན་འཁྱོལ་ནན་ཏན་བྱས་ནས་གཞོན་ནུ་མཉམ་འབྲེལ་ལྷན་ཚོགས་དང་སློབ་མའི་མཉམ་འབྲེལ་ལྷན་ཚོགས་ལ་སྒྱུར་བཅོས་ལེགས་སྒྲུབ་ཡོང་བར་མཛུབ་ཁྲིད་བྱས་ཡོད། མིག་སྔར་རྫོང་ཁོངས་གུང་གཞོན་སྡེ་ཚོགས་སྒྱུར་བཅོས་ལས་དོན་ལ་བདེ་བླག་ངང་སྐུལ་འདེད་བཏང་བ་དང་། གྲོང་ཁྱེར་གྱི་གཞི་རིམ་གུང་གཞོན་སྡེ་ཚོགས་སྒྱུར་བཅོས་ཀྱི་ཚོད་ལྟའི་ལས་དོན་གོ་རིམ་ལྡན་པའི་ངང་སྤེལ་བ།“ཆེད་བསྐོས་དང་། གནས་སྦྱར། གཅིག་ལྕོགས”བཅས་ཟུང་འབྲེལ་གྱི་སྡེ་ཚོགས་ལས་བྱེད་པའི་དཔུང་ཁག་ཅིག་རགས་ཙམ་ཆགས་ཡོད།

སྡེ་ཚོགས་ལྷ་ས་གྲོང་ཨུད་ཀྱིས་སྡེ་ཚོགས་ཡོངས་ཀྱི་རུ་སྣེ་ཁྲིད་པའི་འགན་འཁྲི་དོན་འཁྱོལ་ནན་ཏན་བྱས་ནས་ལོ་ཆུང་བྱིས་པའི་ལས་དོན་ཨུ་ལྷན་གྱི“ཀྲུའུ་རེན་གཉིས”ཀྱི་ལམ་ལུགས་ཁྱབ་གདལ་བཏང་བ་དང་། ལྷ་ས་གྲོང་ཁྱེར་ལོ་ཆུང་གདོང་ལེན་རུ་ཁག་གི་སྤྱི་ཁྱབ་ཟུར་ཁྲིད་པ་1དང་སྤྱི་ཁྱབ་ཟུར་ཁྲིད་པ་གཞོན་པ་4གདན་ཞུ་བྱས་པ། ལོ་ཆུང་གདོང་ལེན་རུ་ཁག་གི་རུ་མི་ཁྲི་7.14ལྷག་ཙམ་ཟིན་པ། གྲོང་ཁྱེར་ཡོངས་ཀྱི་སློབ་གྲྭ་འབྲིང་ཆུང་86ཚང་མར་སློབ་གྲྭའི་ལོ་ཆུང་བྱིས་པའི་ལས་དོན་ཨུ་ལྷན་བཙུགས་པ་དང་ཁྱབ་ཚད་100%ཟིན་ཡོད།