ཟླ་2ཚེས་26ཉིན། གཞིས་རྩེ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་གིས་སྤྱི་བསྒྲགས་སྤེལ་ནས། འགྲོ་ལམ་དུ་སྐྱོད་པའི་སྒྲིག་ལམ་སྔར་བས་ཚད་ལྡན་དུ་གཏོང་བ་དང་། འགྲོ་ལམ་འགྲིམ་འགྲུལ་གྱི་དོན་རྐྱེན་སྔོན་འགོག་དང་ཉུང་དུ་གཏོང་བ། ཁ་ལོ་བ་ཚོས་ཡ་རབས་ངང་ཕྱིར་སྐྱོད་པའི་འདུ་ཤེས་ཟབ་ཏུ་གཏོང་བ། རྒྱ་ཆེའི་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་འགན་ལེན་བཅས་བྱ་ཆེད།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》དང《འགྲོ་ལམ་འགྲིམ་འགྲུལ་བདེ་འཇགས་ཀྱི་ཁྲིམས་འགལ་བྱེད་སྤྱོད་ཐག་གཅོད་བྱེད་པའི་གོ་རིམ་གྱི་གཏན་འབེབས》སོགས་བཅའ་ཁྲིམས་དང་ཁྲིམས་སྲོལ་གཞིར་བཟུང་། གཞིས་རྩེ་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་གིས་གསར་དུ་བསྒར་བའི་གློག་མིག་20སྤྱོད་འགོ་བཙུགས་ཏེ། འགྲིམ་འགྲུལ་ཁྲིམས་འགལ་བྱེད་སྤྱོད་ཀྱི་དཔང་རྟགས་ཁྲིམས་ལྟར་ཉར་རྒྱུ་ཡིན་པ་རེད།

གཅིག སྤྱོད་འགོ་འཛུགས་པའི་དུས་ཚོད།

2024ལོའི་ཟླ་3ཚེས་12ཉིན་ནས་བཟུང་།

གཉིས། པར་ལེན་དུས་མཚམས།

ཆུ་ཚོད་24ཡི་རིང་འགྲིམ་འགྲུལ་ཁྲིམས་འགལ་བྱེད་སྤྱོད་དུས་ཐོག་ཏུ་པར་དུ་ལེན་རྒྱུ།

གསུམ། པར་ལེན་ས་ཚིགས།

1.པ་སྣམ་ལམ་དང་G349ཡི་ལམ་མདོ།

2.པ་སྣམ་ལམ་དང་རྒྱ་མཚོ་ལམ་གྱི་ལམ་མདོ།

3.པ་སྣམ་ལམ་དང་སློབ་གྲྭའི་ལམ་གྱི་ལམ་མདོ།

4.སྒོ་དབྱེ་ལམ་ཆེན་དང་པ་སྣམ་ལམ་གྱི་ལམ་མདོ།

5.པ་སྣམ་ལམ་དང་དགེ་ལེགས་ལམ་གྱི་ལམ་མདོ།

6.ས་སྐྱ་ལམ་དང་དགེ་ལེགས་ལམ་གྱི་ལམ་མདོ།

7.སྒོ་དབྱེ་ལམ་ཆེན་དང་ས་སྐྱ་ལམ་གྱི་ལམ་མདོ།

8.ས་སྐྱ་ལམ་དང་སློབ་གྲྭའི་ལམ་གྱི་ལམ་མདོ།

9.ས་སྐྱ་ལམ་དང་རྒྱ་མཚོ་ལམ་གྱི་ལམ་མདོ།

10.ས་སྐྱ་ལམ་དང་G349ཡི་ལམ་མདོ།

11.བཞད་མཐོང་སྨོན་ལམ་དང་G349ཡི་ལམ་མདོ།

12.སྒོ་དབྱེ་ལམ་ཆེན་དང་བཞད་མཐོང་སྨོན་ལམ་གྱི་ལམ་མདོ།

13.སྒོ་དབྱེ་ལམ་ཆེན་དང་G349ཡི་ལམ་མདོ།

14.སྒོ་དབྱེ་ལམ་ཆེན་དང་གྲོ་མོ་ལམ་གྱི་ལམ་མདོ།

15.སྒོ་དབྱེ་ལམ་ཆེན་དང་ཧྲན་ཏུང་ལྷོ་ལམ་གྱི་ལམ་མདོ།

16.སྒོ་དབྱེ་ལམ་ཆེན་དང་འཕེལ་རྒྱས་ལམ་གྱི་ལམ་མདོ།

17.སྒོ་དབྱེ་ལམ་ཆེན་དང་ས་དགའ་ལམ་གྱི་སྦྲེལ་མཚམས།

18.གྲོང་སྐོར་ལམ་གྱི་ཧོ་ཞེ་རླངས་འཁོར་ཉམས་བཟོ་ཁང་སྒོ་འགྲམ་གྱི་རླངས་འཁོར་ཁ་གཅུ་སའི་ཆེད་སྤྱོད་ལམ་མདོ།

19.ཞོལ་བྱང་ལམ་དང་ལྕང་ལོ་ཁང་གསར་ལམ་གྱི་ལམ་མདོ།

20.ཧེ་ལུང་ཅང་ལམ་དང་བདེ་སྐྱིད་ལམ་གྱི་ལམ་མདོ།

བཞི། པར་ལེན་ཁྱབ་ཁོངས།

འཕྲུལ་སྒུལ་འཁོར་རིགས་གཏོང་སྐབས་འགྲིམ་འགྲུལ་གྱི་གློག་བརྡ་ལྟར་མི་གཏོང་བ་དང་། ཁ་ལོ་བས་གཏན་འབེབས་ལྟར་སྲུང་ཐག་མ་བཅིངས་པ། འཕྲུལ་སྒུལ་འཁོར་རིགས་གཏོང་སྐབས་ཁ་པར་རྒྱག་པ། ཕྱོགས་སྒྱུར་འཁོར་ལམ་ལྟར་འཕྲུལ་སྒུལ་འཁོར་རིགས་མི་གཏོང་བ། ལམ་ལྡོག་ནས་འཕྲུལ་སྒུལ་འཁོར་རིགས་གཏོང་བ། བཀག་སྡོམ་མཚོན་རྟགས་ལས་འགལ་ཏེ་འཕྲུལ་སྒུལ་འཁོར་རིགས་གཏོང་བ་བཅས་སོ།

ལྔ། སྤྱི་བསྒྲགས་བྱེད་ཡུན།

ཉིན་15

དྲུག ཤ་ཚའི་དྲན་སྐུལ།

རྒྱ་ཆེའི་ཁ་ལོ་བ་ཚོས་ངེས་པར་དུ་རང་རྟོགས་ངང་འགྲིམ་འགྲུལ་བདེ་འཇགས་ཀྱི་བཅའ་ཁྲིམས་དང་ཁྲིམས་སྲོལ་ལ་བརྩི་སྲུང་ཞུས་ནས། བདེ་འཇགས་དང་ཡ་རབས་ངང་ཕྱིར་སྐྱོད་དགོས།