ལུའོ་དབྱང་ནས་ཕོ་ལན་བར་གྱི་ཀྲུང་ཡོའི་དུས་གཏན་མེ་འཁོར་ཐོག་མ་གཏོང་འགོ་ཚུགས་པ།
ཉེ་ཆར། མེ་འཁོར་གྱི་དུང་བརྡ་གྲགས་པ་དང་ཆབས་ཅིག་ཐོན་སྐྱེད་སྒྲིག་ཆས་དང་། ཁྱིམ་སྤྱོད་གློག་ཆས། གློག་རྡུལ་སྒྲིག་ཆས། རྒྱུན་སྤྱོད་བརྒྱ་ཟོག ལུས་རྩལ་ཡོ་བྱད་སོགས་དངོས་རྫས་བྱུར་བུར་བླུགས་པའི་ཀྲུང་ཡོའི་དུས་གཏན་མེ་འཁོར(ཀྲུང་ཡུས་རྟགས་ཅན)ཤར་ཕྱོགས་དམར(ལུའོ་དབྱང)རྒྱལ་སྤྱིའི་སྐམ་སའི་གྲུ་ཁ་ནས་ཐོན་ཞིང་། དེ་ཐོག་ནས་ཤིང་འབྲུག་ལོའི་ལུའོ་དབྱང་གི་ཀྲུང་ཡོའི་དུས་གཏན་མེ་འཁོར་ཐོག་མ་གཏོང་འགོ་ཚུགས་པ་མཚོན་གྱི་ཡོད། འདི་ཡང་ལུའོ་དབྱང་ནས་ཕོ་ལན་བར་ཀྲུང་ཡོའི་དུས་གཏན་མེ་འཁོར་གཏོང་ཐེངས་དང་པོ་ཡིན་ཞིང་། “ལྕགས་འབྲུག”རྒྱལ་ཕྱིར་བསྐྱོད་པའི་ཐད་ཚད་བརྒལ་གསར་པ་བྱུང་ཡོད།